१. हामकहाँ गोष्ठी अन्तरक्रियाहरु भइरहन्छन्। त्यस्ता गोष्ठी अन्तरक्रियाहरु कहाँ कसरी भइरहन्छन् भन्नेकुरा आजभोलि सम्बन्धित व्यक्तिहरुले मात्र थाहा पाउँछन् र त्यो तिनीहरुकै लागि मात्र महत्वपूर्ण भएझैँ देखिन्छ। त्यस्तै एउटा गोष्ठी तनहूँ जिल्लाको सुन्दर नगरी बन्दीपुरमा ०७५ चैत्र १४ र १५ का दिन भएको थियो। तर त्यो गोष्ठी भ्रष्टाचार नियन्त्रण र आर्थिक सुशासन विषयमा भएकाले त्यसलाई ठूलो महत्वका साथ लिइएको छ।
२. देशमा अनियमितता र भ्रष्टाचार बढ्दै गएको छ। भ्रष्टाचारमा शून्यसहनशीलता भन्ने नेताहरुको मुखमा मात्र छ। व्यवहारमा भ्रष्टाचार मौलाउँदै गएको छ। अख्तियारको दुरुपयोग गरी भ्रष्टाचार गनेर्हरुलाई कार्वाहीगर्ने अख्तियारका पदाधिकारीहरु आफै घूसखोरीमा पक्राउ परेपछि देशको स्थिति कस्तो भएको छ भन्ने सजिलै अनुमान गर्न सकिन्छ।
३. देशको यस्तो अवस्था भएको बेला गण्डकी प्रदेशमा सार्वजनिक लेखा समितिद्वारा बन्दीपुरमा त्यस्तो गोष्ठीको आयोजना गरिनु समसामयिक महत्वको भएको छ। गोष्ठीमा सरोकारवाला सहित गण्डकी प्रदेशका सांसद, विषय विज्ञ र सञ्चारकर्मीहरुको सहभागिता रहेको थियो भने सहयोगी संस्थामा युएनडीपी रहेको थियो।
४. गण्डकी प्रदेश भर्खरै निर्माण भएको छ। प्रादेशिक सरकारले यसको ऐन, नियमहरु तर्जुमा गरिरहेको छ। भर्खरै सुरुभएकोले यसलाई भ्रष्टाचारमुक्त बनाउन सकिन्छ। काँचो माटोलाई जस्तो आकारमा ढाल्न पनि सकिन्छ भन्ने गरिए झैँ यो प्रदेशलाई सरोकारवालाहरुले चाहेमा भ्रष्टाचारमुक्त प्रदेश बनाउन सक्दछन्। तर त्यसका लागि प्रचुर इच्छाशक्ति चाहिन्छ।
५. भ्रष्टाचार के लाई भन्ने ? कस्तोलाई भन्ने ? जिज्ञासा रहेको बेला बन्दीपुर गोष्ठीको शुभारम्भमा गण्डकी प्रदेशप्रमुख बाबुराम कुँवरले बजेट जुन शीर्षकमा छुट्टयाइएको छ त्यही शीर्षक अन्तर्गत खर्च नगर्नु पनि भ्रष्टाचार हो भनेर प्रष्ट भनेका छन्। उनले विधिको शासनबाट नै मुलुकमा सुशासन कायम हुने कुरा बताएका छन्।
६. सरकारको भ्रष्टाचार नियन्त्रण गर्ने काममा सार्वजनिक लेखासमितिले महत्वपूर्ण भूमिका खेल्न सक्दछ। गोष्ठिीमा महालेखा परीक्षक टङ्कमणि शर्माले भ्रष्टाचार र अनियमितता संबन्धमा विस्तृत व्याख्या गर्दै सम्बद्ध सबैलाई सजग र सतर्क पारेका थिए। उनले सरकारी खर्चमा अनियमितता बढ्दै गएकोमा चिन्ता पनि व्यक्त गरे।
७. बन्दीपुरको गोष्ठी लेखासमितिले आयोजना गर्नु र त्यसमा प्रदेशका मन्त्रीहरु सहभागी हुनु ठूलो कुरा हो। तिनीहरुबीच समन्वय र समझदारी हुनुपर्दछ केन्द्रमाजस्तो हुनुभएन। केन्द्रमा लेखासमितिले वाइडबडी जहाज खरिदमा भ्रष्टाचार भएको देखाउने उता सरकारले ढाकछोप गर्न खोज्नेजस्तो काम भयो, त्यो राम्रो होइन। त्यसले राम्रो सन्देश दिँदैन। गण्डकी प्रदेशमा त्यस्तो स्थिति नआओस्। यसमा सबै सजग र सतर्क रहनु पर्दछ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१