१. कोरोना भाइरसका कारण देशमा लकडाउन भएको पहिलो महिना चैतमा अपराधका घटना कम देखिए पनि दोश्रो महिनामा बढेको छ । देशका विभिन्न भागमा अपराधहरु भइरहेका छन् । लकडाउनकै बीच लुटपाट, चोरी, महिला हिंसा तथा हत्याका घटनाहरु भएका हुन् ।
२. पोखरा–२७ सुन्दरी बजारका २२ वर्षिय सुरेश विकको गाडिएको अवस्थामा रहेको शव प्रहरीले उत्खनन गरी निकालेको छ । शनिबार साँझ साथीको घरमा जान्छु भनी हिडेका विकको मंगलबार शव अर्घाैंमा माछापोखरीको डिलमा गाडिएको अवस्थामा भेटिएको प्रहरीले जनाएको छ । घटनामा संलग्न रहेको अभियोगमा प्रहरीले दुइजना युवालाई पक्राउ गरेको छ ।
३. यस अघि जेठ ३ गते पोखरा–१४, मा पनि प्रहरीले २२ वर्षिय विमल रानाभाटको शव फेला पारेको थियो । आफ्नै साथीले घनले हानेर हत्या गरी बारीमा शव गाडेको अनुसन्धानबाट खुल्न आएको प्रहरीले जनाएको छ । हत्यामा संलग्नहरुलाई पक्राउ गरी अदालतमा पेश भइसकेको छ ।
४. लकडाउनको वेला ठाउँठाउँमा जुवातास रक्सी सेवन आदिबाट पनि अपराधिक घटनाहरु हुने गरेको पाइएको छ । वेरोजगारका कारण पनि अपराध बढेको हुनसक्छ । खालि दिमागमा भूतको वास हुन्छ भन्ने उक्ति छ ।
५. खालि समयलाई मानिसले सिर्जनात्मक काममा लगाउनु पर्दछ । यसवेला घरभित्र र वाहिर पनि गर्नुपर्ने धेरै काम हुन सक्छन् । कुनै कृतिको अध्ययन तथा कुनै कार्यहरुवारे घरभित्रै सम्वाद पनि गर्न सकिन्छ । सकारात्मक सोचले रचानात्मक कार्य हुन सक्छ ।