१. पाकिस्तानमा तालिवानीलगायतको केहीको धम्कीको बाबजुत त्यहाँको नेशनल एसेम्बली र प्रान्तीय चुनाव शनिबार सम्पन्न भएको छ। आइतबार बिहानदेखि नै मत परिणाम आउन थालेको छ। मतदानको परिणाम सबै घोषणा गरिएको छैन तर घोषित परिणाम अनुसार पूर्व प्रधानमन्त्री नवाज शरीफको पार्टीको सरकार बनाउने निश्चय भएको छ।

२. पाकिस्तानको इतिहासमा राष्ट्रपति आसिफ अलि जर्दारीको पाकिस्तान पिपुल्स पार्टीले पहिलो पटक आफ्नो पदावधि पूरा गरेको छ। यसअघि त्यहाँ चुनाव त हुन्थ्यो तर केही समयपछि सैनिकले निर्वाचित सरकारलाई अपदस्थ गर्दथे। शरीफको सरकारलाई पनि सन् १९९९ मा पवेज मुसर्रफले कु गरी शरीफलाई हटाएका थिए।

३. यसपटक एक निर्वाचित सरकारले अको निर्वाचित सरकारलाई सत्ता हस्तान्तरण गरिने भएकोले यसलाई राजनीति गर्नेहरूले बडो महत्त्वका साथ हेरिरहेका छन्। अब त्यहाँ प्रजातन्त्रले जग बसाल्ने अनुमान गरिएको छ। नेपालमा जस्तै त्यहाँ पनि राजनीतिक अस्थिरता छ र प्रधानमन्त्री धेरै फेरिने गर्दछ। एक सभेक्षणले २३ जना प्रधानमन्त्री फेरिएको बताएको छ।

४. यस पटकको चुनावमा नवाज शरीफको पाकिस्तान मुस्लिम पार्टीसत्तारुढ जर्दारीको पिपुल्स पार्टीर क्रिकेट खेलाडी इमरान खानको तहरिक ए इन्साफबीच कडा मुकाविला हुने अनुमान गरिएको थियो। तर घोषित परिणामले शरीफको पार्टीलाई धेरै सिट भएको देखाएको छ। त्यस पार्टीले सरकार बनाउने तैयारी पनि सुरु गरेको छ।

५. यसअघिको चुनावमा पनि तालिवानीलगायत केहीले निर्वाचन बहिस्कार गर्ने घोषणा गरेको थियो, त्यस बेला तालीवानीहरूले मत दिन जानेहरूको हात काट्ने फरमान जारी गरेका थिए। तैपनि मानिसहरूले देशको राजनीतिक स्थिरता र विकासका लागि मतदान गरेका थिए। आतड्ढकारीहरूले यसपटक पनि बम बिस्फोट गरी १५० भन्दा बढीको ज्यान लिए। तैपनि मानिसहरूले मत खसाल्न गएका थिए।

६. मतदान बहिस्कार भन्नु जति सजिलो छ, गर्न त्यति गाह्रो हुन्छ। त्यो कुरा पाकिस्तानको चुनावले देखाएको छ। निश्चय नै त्यहाँ केही मतको प्रतिशत कम भयो होला। तर त्यसले सरकार गठनमा खास फरक पार्दैन। नेपालमा पनि चुनावको चर्चा भइरहेको र चुनाव बहिस्कार गर्ने कुरा भइरहेकाले यो अवस्थामा त्यहाँबाट केही सिक्नु आवश्यक छ।

७. पाकिस्तान भारतसँगै स्वतन्त्र भएको देश हो। त्यहाँ आर्मीहरूले पटक-पटक कु गर्ने गरेकाले सरकार स्थिर भएको छैन। अब आर्मीहरूको प्रभाव पनि घट्दै गएको छ। आर्मी शासनले पनि केही गर्न नसकेको सर्वसाधारणले भोगिसकेका छन्। सर्वसाधारणले लोकतान्त्रिक निर्वाचित सरकार एकमात्र विकल्प हो भनेर उनीहरूले नयाँ सरकारका लागि म्याण्डेट दिएका छन्।