१. नेपाली काङ्ग्रेस कहिलेकाहीँ अनावश्यक विवादमा फस्ने गर्दछ। अहिले पनि त्यो पार्टीत्यस्तै विवादमा फसेको छ। अहिलेको विवाद हो- मन्त्रिपरिषद्का अध्यक्ष खिलराज रेग्मीले सर्वोच्च अदालतबाट राजीनामा दिनुपर्दछ भन्ने विवाद। सभापति कोइरालाले अध्यक्ष रेग्मीले प्रधानन्यायाधीशबाट राजीनामा दिनुपर्दछ भनेपछि विवाद बढेको छ।

२. सभापति कोइरालाले नेकपा-माओवादीलगायतका पार्टीरू -जसले चुनावको विरोध गरिरहेका छन्) लाई चुनावी धारमा ल्याउन सकिन्छ कि भनी त्यो कुरा उठाएका हुन्। तर उनको त्यो कुरालाई वरिष्ठ नेता शेरबहादुर देउवा, उपसभापति रामचन्द्र पौडेललगायतले त्यो कुरा उनको निजी विचार भन्दै विरोध गरेका छन्।

३.     यसअघि सभापति कोइरालाले पार्टीका विभिन्न समितिमा सदस्य पदमा मनोनयन गरेका थिए। त्यो मनोनयन एकतर्फी भएको भनी नेताहरूले विरोध गर्दै आएका छन् र मनोनयनमा परेकाहरू कतिपयले पनि आफूसँग नसोधी राखिएको भन्दै असन्तोष जाहेर गरी राजीनामा दिएका थिए।

४. पार्टीभत्र त्यो विवाद बल्झिएको बेलामा अहिले राजीनामाको कुरा आएको छ। त्यो राजीनामाको कुराले पार्टीकाई हानी नोक्सानी पार्दछ कि फाइदा पुग्दछ भनी पार्टीका त्यसको समीक्षा गरिएको छैन। अड्कल र अनुमानको भरमा राजीनामा दिनुपर्दछ र दिनुहुँदैन भनी नेताहरू विभाजित भएका छन्।

५. चुनावको मुखमा नेताहरू त्यसरी विभाजित हुँदा त्यसको प्रभाव स·ठनमा के कस्तो पर्दछ भन्ने कुरा समेत उनीहरूले ख्याल गरेको देखिएन। विवाद तानिएर लम्बिएको धेरै समय बितेको छ। तर त्यसलाई केन्द्रीय समितिमा या पदाधिकारीहरूको बैठकमा राखी सुल्झाउने प्रयास भएको छैन। दुवै पक्षले त्यसलाई विवादकै रूपमा राखिराखेका छन्।

६. शक्ति पृथकीकरणको सिद्धान्त अनुसार भनेर नेपाल बार एशोसिएन र नागरिक समाजका अग्रजहरूले अध्यक्ष रेग्मीले राजीनामा दिनुपर्दछ भनी माग गरिरहेका छन्। केही राजनीतिक पार्टीरूले पनि त्यो कुरा उठाउने गरेका छन्। सभापति कोइरालाले पनि त्यही हेरेर राजीनामाको कुरा उठाएको हुन सक्दछ। तर राजीनामा नै समस्याको समाधान हो कि होइन, त्यो पनि निश्चित छैन।

७. नेपाली काङ्ग्रेस इतिहास बोकेको पार्टीहो, लोकतन्त्रको पर्याय मानिएको पार्टीहो। तर त्यस पार्टीभत्र लोकतान्त्रिक पद्धति नभएको गुनासो बराबर सुनिन्छ। पार्टीभत्र लोकतान्त्रिक पद्धतिको अभ्यास गराई कुनै पनि विषयमा भित्र विचार विमर्श गरेपश्चात् मात्र बाहिर ल्याउने सिष्टम बसाल्नुपर्दछ। ताकि यस्तो अनावश्यक विवादमा उल्झनु नपरोस्।