नागरिक सभाको घोषणा

सम्पादक
जेठ २७, २०७०

१. काठमाडौंमा नागरिक समाजमा अग्रजहरूको शनिबार भएको एक भेलाले नागरिक सभा घोषणा गरेको छ। राष्ट्रिय स्वार्थ र सार्वजनिक हितका लागि सरकार, राजनीतिक दल र नीति निर्माण तहमा दबाब दिन र सकारात्मक हस्तक्षेपका लागि संस्कृतिविद् रमेश ढुङ्गेलको नेतृत्वमा नागरिक सभा घोषणा गरिएको छ।

२. मुलुकमा अहिले राजनीतिक, सामाजिक तथा शान्ति सुरक्षाको अवस्था नाजुक छ। नागरिकको आत्मसम्मान दिनप्रतिदिन गिर्दै गएको छ। राजनीतिक अन्यौलताका कारण मुलुक अवरुद्ध छ। सामाजिक सद्भाव खलबलिएको छ। मुखले सबैले राम्रो कुरा ओकल्छन् तर त्यसरी ओकलिएका राम्रा कुराको परिणामा खराब हुने गरेको छ।

३. मुलुकको यस्तो अवस्थामा नागरिक सभा गठन गरिनु निश्चय नै सकारात्मक कुरा हुन सक्दछ। यसले जे जस्तो उद्देश्य राखेको छ, त्यो उद्देश्य पूरा गर्न सक्यो भने त्यसले सकारात्मक सन्देश दिन सक्दछ। सभामा डा. सुरेन्द्र केसी, डा सुरेशराज शर्मा, केशव चौलागाई, आनन्दराम पौडेल, आनन्द सन्तोषी राई, श्रीहरि अर्याल, सुगतरत्न कंसाकार, राधेश्याम लेकालीलगायत छन्।

४. नागरिक सभामा रहेकाहरू निश्चय नै जनजीवनका विभिन्न क्षेत्रमा लामो समय अनुभव हासिल गरेका अनुवभी पात्रहरू छन्। उनीहरूले राजधानीमा मात्र होइन, क्षेत्रीय र स्थानीयस्तरमा कार्यक्रम गर्ने पनि जनाएका छन्। राजधानीमा मात्र केन्द्रित नहुने उनीहरूको कार्यक्रमले केही आशा जगाएको छ।

५. जनप्रतिनिधिको अभाव भएको बेलामा कहिले काहीँ जनताका प्रतिनिधिका रूपमा कोही न कोहीले बोलिदिनु पर्दछ। मानिसहरू नियम र कानुनले मिचिएका छन्। व्यवहारिकता हराउँदै गएको छ। जनताको आवाज दबिएको छ। स्वेच्छाचारिता बढ्को छ। राजनीतिक पार्टीरूको भूमिका गौण हुँदै गएको छ।

६.  यस्तो बेलामा नागरिक सभा देखा पर्नु निश्चय नै आशाको किरण हो। चाहेमा यस्तो सभाले थिचिएका मिचिएका सर्वसाधारणको उद्धार गर्न सक्छ। यसले राष्ट्र र राष्ट्रियताको सवालमा सरकारलाई सुझाव दिन सक्छ र बाटो बिराएको बेला खबरदारी गर्न सक्छ।

७. तर यस्तो स्वेच्छिक संस्था कति समय रहला, त्यो नै प्रष्ट छैन। यसअघि पनि केही संस्था गठन गरिएको थियो। तर त्यसको विघटन कहिले गरियो कसैले थाहा पाएनन्। भावावेशमा गठन गरिएको संस्थाहरू त्यस्तै हुन्छन्। यो संस्था त्यस्तो नहोस्। यो सभा कमसेकम जनप्रतिनिधिहरू निर्वाचित भएर नआएसम्म कायम रहनुपर्दछ र जनताको आवाज बुलन्द गर्नुपर्दछ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width