नयाँ सरकारको सम्भावना

सम्पादक
फागुन २८, २०६९

१. नयाँ सरकार गठन गर्ने कुरा धेरै भए। प्रधानमन्त्रीको नाम पटक-पटक प्रस्तावित भए। नयाँ सरकार जति छिटो हुन्छ भनियो, उति पर पुगेको छ। जति सरकार गठन गर्न ढिलाइ भयो, उति चुनाव पनि पर सरेको छ। चुनावको म्याद पनि दुर्इ पटक सरिसक्यो। अब तेस्रो पटक सर्न बाँकी छ।

२. प्रधानन्यायाधीशलाई प्रधानमन्त्री बनाएर जेठमा चुनाव गराउने कुरा चलेको पनि महिना दिन बित्न लागेको छ। त्यो कुरा पनि आज-आज भोलि भनी पर सर्दै गएको छ। कति पर सर्दछ, त्यो यसै भन्न सकिने अवस्था छैन। तर जेठमा चुनाव हुने सम्भावना भने कम हुँदै गएको छ।

३.     प्रधानन्यायाधीशलाई प्रधानमन्त्री बनाउने कुरामा एक त राजनीतिक पार्टीहरूबीच अझै राम्ररी सहमति हुन सकेको छैन। तीनवटा ठूला पार्टीर मधेसी मोर्चाबीच धेरैपटक बैठक भएका छन्। तिनीहरूले दिनदिनै भनेझैं बैठक बसेर विचार विमर्श गरिरहेका छन्। तर तिनीहरूले सोचेझैं प्याकेजमा सहमति भएको छैन।

४. ती पार्टीहरू प्रधानन्यायाधीशलाई प्रधानमन्त्री बनाउने र निर्वाचनसम्बन्धी विषयमा मात्र केन्द्रित भइ बैठक बसेमा सहमति पुग्न सहज हुने थियो। तर तिनीहरू निर्वाचनभन्दा बाहिरका विषयमा अहिले छलफल गर्दैछन्। आफूले भनेझैं गरी निर्णय गरउने यही बेला हो भनी तिनीहरूले अन्य विषय ल्याएर अल्मल्याउने गरिरहेका छन्।

५. एकातिरस्थित यस्तो छ भने अर्कोतिर सर्वोच्च अदालतले प्रधानन्यायाधीशलाई प्रधानमन्त्री बनाउने पेशी पर सार्दैछ। त्यसमा पनि नेपाल बार एशोसिएसनले त्यो पेशीलाई अरु पर सार्ने प्रयास गर्ने भएको छ। त्यस रिटका सम्बन्धमा बारको तर्फबाट बहस गर्ने वकिलहरूको सङ्ख्या डेढ दर्जन जति पुगिसकेको छ।

६. पक्ष र विपक्षबाट त्यत्तिकै सङ्ख्यामा वकालत गर्ने भए, त्यो वकालतले मात्र पनि कति दिन बिताउने हो, यसै भन्न सकिन्न। अदालतको फैसला धेरै दिन ढिलो भएमा सरकार गठन गर्ने कुरा स्वभावत् ढिलो हुने नै भयो। किनभने प्रधानन्यायाधीश अदालतको निर्णयलाई पर्खनुपर्दछ भन्ने पक्षमा अझ पनि छन्।

७. यसैबीच प्रधानमन्त्री डा. बाबुराम भट्टराईलाई प्रधानमन्त्री भएको बेलामा एकपटक माओको देशमा टेक्ने रहर छ। लामो प्रयासपछि प्रधानमन्त्रीलाई चीनले निम्तो दिई चीन भ्रमणको दिन तोक्ने सम्भावना छ। त्यसरी चीन भ्रमणको दिन तोकियो भने उनलाई एकपटक चीन भ्रमण जाने अवसर उपलब्ध गराउनुपर्ने अवस्था पनि आउन सक्छ। ती सबै काम गरिञ्जेल नयाँ सरकार गठनको सम्भावना त्यसै रहन्छ। त्यो सम्भावना सरेपछि चुनावको सम्भावना झन पर जानु स्वभाविकै भयो।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width