प्रतिनिधि सभाको निर्वाचन मंसिर ४ गते सम्पन्न भएको थियो । त्यस दिन प्रत्यक्ष र समानुपातिक दुवैको मतदान भएको थियो । प्रत्यक्षतर्फको मतगणना पहिले गरिएको थियो भने समानुपातिकको केही पछि गरिएको थियो । यतिन्जेल दुवैको मत परिणाम घोषणा भएको छ । पार्टी र व्यक्तिको हैसियत के–कति र कस्तो रह्यो त्यो प्रष्ट भएको छ । घोषित परिणामअनुसार कांग्रेस सबभन्दा ठूलो दल भएको छ भने एमाले दोस्रो र माओवादी तेस्रो भएको छ । यो प्रतिनिधि सभामा १२ राजनीतिक पार्टीहरु र ५ जना स्वतन्त्र रहने भएका छन् । यसमा कुनै एक पार्टी विशेषको बहुमत नभएकोले यसलाई त्रिशंकु संसद भनिनेछ । त्रिशंकु संसद सञ्चालन गर्नु चुनौतीपूर्ण हुन्छ भने त्रिशंकु संसदले गठन गर्ने सरकार पूरा अवधि टिकाउनु पनि उत्तिकै गाह«ो हुन्छ । तैपनि यो जनताको म्यान्डेट हो । यसलाई स्वीकार्नु बाध्यता हो ।
जनताले यस्तो म्यान्डेट किन दियो, यो चर्चाको विषय भएको छ । सामान्यत देश विकासका लागि स्थिर सरकार चाहिन्छ । स्थिर सरकार बहुमत प्राप्त पार्टीले मात्र दिन सक्छ भन्ने आम धारणा छ । हुनत मतदाताले पार्टीहरुलाई एकल बहुमत दिएर पनि संसदमा पु¥याएका थिए । एकल बहुमत प्राप्त पार्टीले पनि स्थिर सरकार दिन सकेन । जनताले पार्टीलाई दुई तिहाइ बहुमत पनि दिएका थिए । दुई तिहाइ बहुमत भनेको असाधारण कुरा हो तर त्यस्तो पार्टीको सरकार पनि टिकेन । २०१५ सालमा पहिलो पटक नेपाली कांग्रेसले दुई तिहाइ बहुमत ल्याएको थियो तर त्यसको सरकारलाई राजा महेन्द्रले ‘कु’ गरेर विघटन गरे । त्यसपछि लामो समय दुई तिहाइ बहुमत कसैले ल्याएनन् । राजनीतिमा दुई तिहाइ बहुमत भएमात्र देश विकास हुने भनाइ आयो । २०७४ सालमा जनताले एमाले र माओवादी मिलेर बनेको नेपाल कम्युनिस्ट पार्टी (नेकपा) लाई दुई तिहाइ बहुमत दिएर संसदमा पु¥यायो । त्यो पार्टीले त्यो दुई तिहाइको सदुपयोग गर्न सकेन । त्यस पार्टीका नेताहरु आफैं विभाजित भएर तिनीहरुको सरकार पनि विघटन भयो ।
हाम्रा पार्टीहरुले एकल बहुमत र दुई तिहाइ बहुमतको सदुपयोग गर्न नसकेको कारण जनताले त्रिशंकु संसदको उपहार दिएको हुन सक्दछ । त्रिशंकु संसदमा नयाँ पार्टीहरुको पनि प्रवेश भएको छ । युवाहरुको पनि प्रवेश भएको छ । तिनीहरुबाट धेरै आशा अपेक्षा गरिएको छ । तिनीहरुमध्ये धेरैले आफ्नो रुप, रंग, सिद्धान्त र आदर्श सार्वजनिक गरेका छैनन् । तैपनि तिनीहरुप्रतिको आकर्षण बढ्दो छ । संसदको गठन विधि भर्खरै पूर्ण हुँदैछ । यो संसदले के गर्ला कसरी काम गर्ला आदि इत्यादि कुरा अहिले भन्न सकिँदैन तर जे हुन्छ, राम्रो हुन्छ । राम्रो गर्नका लागि सबैको सद्भाव र सद्प्रयास रहने अपेक्षा गरिएको छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१