१. सरकारले आगामी आर्थिक वर्ष २०७७÷७८ को लागि वजेट सार्वजनिक गरेको छ । अर्थमन्त्री युवराज खतिवडाले संघीय संसदमा विहीबार १४ खर्ब ७४ अर्ब ६४ करोड रुपैयाँको बजेट सार्वजनिक गरेका हुन् । बजेटमा चालु तर्फ ९ खर्ब ४८ अर्ब ९४ करोड र पूँजीगत तर्फ ३ खर्ब ५२ अर्ब ९१ करोड छुट्याएको छ । वित्तीय व्यवस्थापन तर्फ १ खर्ब ७२ अर्ब ७९ करोड रहेको छ ।
२. उक्त बजेटको खर्च गर्ने श्रोत मध्ये राजश्वबाट ८ खर्ब ८९ अर्ब ६२ करोड र वैदेशिक अनुदानबाट ६० अर्ब ५२ करोड अनुमान गरिएको र त्यसमा ५ खर्ब २४ अर्ब ५० करोड न्यून छ । सो पूर्तिका लागि वैदेशिक ऋणबाट २ खर्ब ९९ अर्ब ५० करोड र आन्तरिक ऋणबाट २ खर्ब २५ अर्ब श्रोत व्यवस्थापन गरिने जनाइएको छ ।
३. चालु आर्थिक वर्षको तुलनामा आगामी आ.व. को बजेट ३.८ प्रतिशतले घटेको छ । कोरोना बाट सिर्जना भएको विषम परिस्थितिका कारण बजेट कम बनाइएको हो । भोतिक पूर्वाधारतर्फ चालु आवको तुलनामा २४ अर्ब ७२ करोड घटाइएको छ । स्वास्थ्य र कृषिमा भने बजेट बृद्धि गरिएको छ ।
४. नयाँ बजेट अनुसार डिजेल पेट्रोल तथा सुनमा भन्सार बृद्धि र कोरोना विरुद्धमा अग्रभागमा खटिने बाहेकका सरकारी कर्मचारीको भत्ता कटौती गरिने भएको छ । स्वास्थ्यमा २१ अर्ब र शिक्षामा ८ अर्ब बढेको छ । कोभिड–१९ नियन्त्रण, रोकथाम र उपचारका लािग ६ अर्ब विनियोजन भएको छ । उपत्यकामा ३०० शैयाको सरुवा रोग अस्पताल बनाइने र प्रदेश राजधानीका सरकारी अस्पतालमा २५० आइसियू बेड विस्तार गरिने भएको छ ।
५. नयाँ बजेटमा विशेष गरी शिक्षा, स्वास्थ्य, कृषि र रोजगारीमा प्राथमिकता दिइएको देखिएको छ । कोरोनाका कारण देशमा भएको लकडाउनबाट ध्वस्त बनेको पर्यटन लगायतका उद्योग व्यवसायलाई उठाउन ठोस नीति नआएको भन्दै व्यवासायीहरु असन्तुष्ट बनेका छन् । कार्यक्रममा आएका कतिपय कुरा कार्यान्वयनमा जाँदा फितलो हुने गरेको पनि देखिन्छ । सिमान्तकृत जनतालाई सहुलियत प्रदान गर्ने तथा खानेपानी, पर्यावरण, पूर्वाधार विषयमा आएका कार्यक्रम सकारात्मक मानिएको छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१