पोखरा महानगरपालिकाले आफ्नो कार्यकालको अन्तिम वर्षतिर आइपुग्दा आम्दानी हुने प्राकृतिक तथा सार्वजनिक महत्वका विभिन्न स्रोत र सम्पदाहरु बिना टेन्डर निजी कम्पनीलाई सुम्पिन लागेको छ । फेवाताल किनारमा व्यक्तिले लगाएकोे पर्खाल ५ मिटर जति भत्काएर छोडेको छ । यी २ कार्यपछि महानगरबारे तीव्र प्रतिक्रिया व्यक्त भएका छन् । महानगरले सेती खोंच, पाताले छाँगो, लगायत १ दर्जनजति आयोजना लामो अवधिको लागि निजी कम्पनीलाई दिन तयार भएको समाचार सम्प्रेषण भएको छ । ती प्राकृतिक स्रोत र सम्पदामा अहिले १ हजारभन्दा बढीले काम गरेर आफ्नो जीविकोपार्जन गरिरहेका छन् । नगरपालिकाको त्यस कार्यले गर्दा ती मजदुरहरुको भविष्य अनिश्चित भएको छ भने अर्काेतिर प्राकृतिक स्रोत साधनको दोहन जथाभावी हुने सम्भावना बढेको छ ।
महानगरपालिकाले गर्नुपर्ने काम धेरै छन् तर त्यतातिर त्यसको दृष्टि गएको छैन । पोखराका सडकहरुमा धेरै खाल्डा परेका छन् । पानीको पाइप लाइन बिछ्याउँदा खनिएको ठाउँबाट धुलो उडेर जनस्वास्थ्यमा गम्भीर प्रभाव पारेको छ । पोखराको बसपार्क दशकौंदेखि अलपत्र परेर त्यसै रहको छ । त्यसले सबै पोखराबासीलाई गिज्याइरहेको छ । त्यसलाई के–कसरी बनाउने त्यतातिर ध्यान दिएको देखिएन । क्षेत्रीय अन्तर्राष्ट्रिय विमानस्थल निकट भविष्यमा तयार हुँदै छ । यो विमानस्थल तयार भएपछि सबै विमानहरु त्यतैबाट उड्नेछन् । अर्थात् वर्तमान अवस्थामा चालु रहेको विमानस्थल खाली हुँदै छ । त्यसलाई के प्रयोजनका लागि प्रयोग गर्ने ? त्यसको लागि दूरगामी चिन्तन मननको आवश्यकता छ ।
महानगरपालिकाले डोजर त फिर्के खोलामा पनि देखाएको थियो । त्यहाँ त मेयर आफैले डोजर चलाएको घटना चर्चित भएको थियो । फेवाताल प्रदूषित हुँदै गएको, अतिक्रमित हुँदै गएको सबैको चिन्ताको विषय हो । फेवातालको सीमांकन आदि विषयमा जति समिति गठन हुन्छन्, उति फेवातालको क्षेत्रफल घट्दै गएको सर्वविदित छ । यस्तो हुनु बिडम्बना हो । त्यो जे भए पनि प्राकृतिक स्रोत साधनमा महानगरपालिका बढी जिम्मेवार हुनुपर्छ । ती स्रोत साधनलाई आम्दानीको स्रोतको साधनमात्र सम्झन हुँदैन । सेती नदीसँग पोखराको कमजोर धरातलको गहिरो सम्बन्ध छ । भूगर्भशास्त्रीहरुले त्यसबारे धेरै कुरा भनेका छन् । पोखरा महानगरले अहिले सम्पदाहरु सार्वजनिक निजी साझेदारी अवधारणा अनुसार जिम्मा लगाउने भनेको छ । यसका बारेमा उठेका जिज्ञाशाका बारेमा महानगरले बेलैमा जवाफ दिनुपर्छ । काम राम्रो हो र असल नियतले काम गरेको हो भने सार्वजनिक रुपमा वक्तब्य निकालेर र पत्रकार सम्मेलन गरेर जानकारी गराउन महानगर किन आनाकानी गरेको ?
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१