१. नेपाल कम्युनिष्टपार्टी (नेकपा) का दुई अध्यक्षहरु के.पी. ओली र पुष्पकमल दाहाल बीचको आलोपालो शब्द फेरि चर्चामा आएको छ। अध्यक्ष पुष्पकमल दाहालले अस्ति भरतपुरमा पत्रकारहरुलाई आफूहरुबीच भएको सहमति र समझदारी अनुसार सरकार परिवर्तन हुन्छ भन्दै आलोपालो शब्द दोहोर्याएका छन्।
२. यस अघि प्रधानमन्त्री ओली भारतमा रहेको बेला पनि अध्यक्ष दाहालले त्यो कुरा कोट्याएका थिए भने अहिले प्रधानमन्त्री युरोप भ्रमणमा भएको बेला फेरि त्यो कुरा दोहोर्याएका छन्, प्रधानमन्त्री देश बाहिर भएको बेला त्यो कुरा किन दोहोर्याए? त्यो रहस्यमय छ। प्रधानमन्त्रीले त्यसबेला ४/५ दिनमा सरकार परिवर्तन हुन्छ भन्दै घुर्की लगाएका थिए।
३. यस पटक प्रधानमन्त्री ओलीले बेलायतमा छँदा त्यो सहमति दुई पार्टीका बीच भएको भन्दै अब पार्टी एक भएको छ, जे गर्नुछ, त्यो पार्टीले गर्ने बताएका छन्। उनले त्यसो भनेको भोलिपल्ट अध्यक्ष प्रचण्डले भरतपुरमा त्यो कुरा दोहोर्याएका हुन्। उनले त्यो कुरा दोहोर्याएपछि सञ्चार माध्यममा त्यसले अरु चर्चा पाएको छ ।
४. उनले त्यो कुरा दोहोर्याएका मात्र होइनन्, सरकारका कदमहरुको विस्तारै आलोचना पनि गर्न थालेका छन्। उनले गुठीको विषय र सञ्चार विधेयकमा सरकारले विचार पुर्याउन नसकेको अर्थात् सम्बन्धित पक्षलाई बुझाउन नसकेको भनी घुमाउरो कुरामा असन्तुष्टि जाहेर गरेका छन्।
५. लोकसेवा आयोगले हालै निकालेको विज्ञापन सम्बन्धमा पनि पूर्व एमाले र पूर्व माओवादीको दृष्टिकोण फरक देखिएका छन्। एक पक्षले विज्ञापनको पक्षमा विचार व्यक्त गरेका छन् भने अर्को पक्षले विरोध जनाएका छन्, यस्तो ट्रेण्ड (प्रवृत्ति) बढ्दै गएको छ। अध्ययन गनेर्हरुले पनि यसैमा ध्यान केन्द्रित गर्दैछन्।
६. राष्ट्रवादीका रुपमा लोकप्रिय हुँदै आएका प्रधानमन्त्री ओली अहिले विवादै विवादमा फँसेका छन्। उनका एक पछि अर्को कदम अलोकप्रिय ठहरिएका छन्। जसको विरोधमा मानिसहरु सडकमा उत्रेका छन्। यो क्रम बढ्दो छ। तर सरकारमा बस्नेहरुले भने आफूले कहिले सरकार छोड्नु नपर्ने हो कि भनी पेल्दै छन्।
७. सरकार सधैंका लागि हुँदैन। त्यसमा पनि आलोपालोमा सही गरेपछि त्यसलाई मान्नु पर्दछ। अध्यक्ष पुष्पकमल दाहाललाई अलमल गरेर पन्छाउने विचार घातक पनि हुन सक्छ। उनले पनि प्रधानमन्त्री विदेश गएको बेलामा मात्र त्यो कुरा भन्ने होइन, आमने सामने भएको बेलामा समेत राख्नु पर्दछ। अब समय धेरै छैन।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१