राज्यले देश र समाज विकास निर्माणका लागि विभिन्न माध्यमबाट काम गर्ने गर्दछ । ती माध्यम अपनाएर त्यसले सुखी र खुसी ल्याउने प्रयास गर्दछ । त्यो कुरा के कसरी भइरहेछ भन्ने हामी राज्यका विभिन्न दस्तावेजबाट चिन्न सक्दछौं । सरकारले विकास निर्माणका लागि सबभन्दा पहिले आफ्नो नीति र कार्यक्रम तयार गर्दछ । त्यो नीति र कार्यक्रम त्यसले संसदमा प्रस्तुत गर्दछ । त्यो नीति र कार्यक्रम राष्ट्रपति विद्या भण्डारीले संसदमा प्रसुत गरेका थिए । त्यही नीति र कार्यक्रमअनुसार सरकारको वार्षिक आय–व्ययको विवरण बजेट तर्जुमा गर्ने गरिन्छ । त्यो बजेट यस पटक अर्थमन्त्री जनार्दन शर्माले तयारी गरी संसद्मा प्रस्तुत गरेका थिए । संसदबाट बजेट पारित पनि भइरहेको छ । त्यतिमात्र होइन, देशको विकास निर्माण र अर्थ, उद्योग, वाणिज्य क्षेत्रहरुलाई सघाउ पु¥याउन नेपाल राष्ट्रबैंकले मौद्रिक नीति सार्वजनिक पनि गरिएको छ । मौद्रिक नीति राष्ट्रबैंकका गभर्नर महाप्रसाद अधिकारीले सार्वजनिक गरेका छन् ।
सरकारको नीति तथा कार्यक्रमको ठाउँमा नीति तथा कार्यक्रम आयो । वार्षिक बजेट पनि संसदबाट पारित भएको छ र मौद्रिक नीति पनि सार्वजानिक भएको छ । देशको विकास निर्माणका लागि सबै औपचारिकता पूरा भएको छ । आर्थिक वर्ष पनि सुरु भएको छ । ती दस्तावेजहरुमा विकास र निर्माणका धेरै कुराहरु गरिएका छन् । सैद्धान्तिक ज्ञान गुणका कुराहरु परेका छन् र कतैै ती सूत्रहरुको व्याख्या पनि गरिएका छन् । औपचारिक रुपमा भन्नु पर्दा दस्तावेजहरुमा केही कुराको अभाव देखिंदैन तर सबै भएर पनि केही नभएको जस्तो र केही खल्लोपनाको अनुभव भने यसपटक गरिएको छ ।
नीति र कार्यक्रम लामो थियो, विस्तृत थियो त्यो नीति र कार्यक्रमअनुसार बजेटको निर्माण नभए जस्तो र बजेटले जुन लक्ष्य निर्धारण गरेको छ, त्यसलाई मौद्रिक नीतिले त्यत्ति साथ र समर्थन नगरेको जस्तो देशमा कस्तो कस्तो वातावरणको सिर्जना भएको छ । नीति र कार्यक्रमको जुन मेरुदण्ड छ, आत्मा छ, त्यसलाई यो बजेट र मौद्रिक नीतिले सम्बोधन गर्न सकेको छैन । आत्माभित्र छ तर बजेट र मौद्रिक नीति बाहिर–बाहिर किनारै किनार भड्किरहे जस्तो देखिन्छ । अर्थ, आर्थिक क्षेत्रमा जुन विश्वासको वातावरण हुनु पर्दछ, त्यो नभए जस्तो कस्तो कस्तो ! अर्थमन्त्री जनार्दन शर्मा बजेट पेस गरेको लगत्तै विवादमा फस्नु राम्रो लक्षण होइन । फेरि उनीमात्र होइन, राष्ट्रबैंकका गभर्नर महाप्रसाद अधिकारी पनि आफ्नै किसिमको विवादमा परेका छन् । आर्थिक एवं मौद्रिक क्षेत्रका शीर्ष दुवै जना विवादमा तानिनु राम्रो होइन । ऐना, कानुन र अनुसन्धानले भोलि तिनीहरुको विवादलाई कहाँ कसरी टुंग्याउला, त्यो अहिले भन्न सकिंदैन । तर त्यो विवादले एउटा विश्वासको वातावरण खज्जमजिएको छ । यो राम्रो लक्षण होइन तर जसलाई हामी नराम्रो भन्छौं, त्यही भएको छ । यो अवाञ्छित स्थितिलाई छिटो टुंग्याउनु आवश्यक छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१