सरकारको स्थिरता र अस्थिरताको चर्चा

सम्पादक
मंसिर १४, २०७९

प्रतिनिधि सभाको निर्वाचनमा कुनै एक पार्टीको बहुमत नआउने भएपछि अब बन्ने सरकार स्थिर होला कि अस्थिर होला भन्ने बहस चल्न थालेको छ । निर्वाचन परिणामले अहिलेसम्म नेपाली कांग्रेसले ५३ सिटमा विजय र २ मा अग्रता तथा एमालेले ४३ स्थानमा विजय र १ मा अग्रता भएको देखाएको छ । ती दुवै ठूला पार्टीको एकल बहुमत पुग्ने अवस्था छैन । समानुपातिकको मतपत्र पनि गन्ने काम भएको छ । समानुपातिकको भोट जोड्दा पनि एकल बहुमतको आशा छैन । ती दुई ठूला पार्टीबाहेक अन्य पार्टीहरुमा माओवादीको १७ र एकीकृत समाजवादीको १० सिट आएको देखिन्छ । त्यस्तै राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टी प्रत्येकले ७/७ सिट रिजर्भ गरेका छन् भने अन्य पार्टीले ५ भन्दा कम सिटमात्र ल्याएका छन् । प्रतिनिधि सभाको यही स्थितिलाई देखेर देश अझ पनि अस्थिरतातिर जाने आकलन गरिएको छ ।

सांसदहरुको गणितीय स्थितिले निश्चय नै आशालाग्दो भविष्यको संकेत गर्दैन । तर त्यो संकेत गर्दैन भने तापनि हामीले आफ्नो प्रयास छोड्नु हुँदैन । विगततिर फर्केर हेर्दा एकल बहुमतको सरकार पनि पूरा अवधि गरिरहेको हामीले देखेका छौं । एमाले र माओवादी मिलेर चुनाव लड्दा करिब दुई तिहाइ बहुमत ल्याएको थियो । तर त्यो दुई तिहाइले पनि स्थिर सरकार दिन सकेन । केपी ओली र पुष्पकमल दाहालबीचको मतभेद, वैमस्यता र कलहले पार्टी चिराचिरा भयो भने सरकार विघटन भयो । यस किसिमले सोच्दा स्थिर र अस्थिर सरकार भनेको कुरा संसदको अंकगणितमा मात्र पनि आधारित हुँदैन रहेछ भन्ने कुरा हामीलाई विगतका घटनाहरुले देखाएका छन् ।

नेतृत्वमा बस्नेहरुको प्रवृत्ति, सहकर्मीहरुसँग गरिने व्यवहार, त्यो व्यवहारमा अपनाउने लचकता र उदारता आदिले पनि सरकारको आयु निर्धारण गर्दछ । सहनशीलता र सरकारलाई जसरी भए पनि पूरा अवधि टिकाउँछौं भन्ने भावनाले पनि यस क्षेत्रमा धेरै काम गर्दछ । यस्ता भावनाका कुराको चर्चा परिचर्चा गर्दा अर्को महत्वपूर्ण कुरा के पनि देखिन आउँछ भने सरकारदेखि बाहिर रहेका प्रतिपक्षी दल र सांसदहरुको पनि यस क्षेत्रमा उत्तिकै ठूलो भूमिका रहन्छ । तिनीहरुको सकारात्मक एवं सहयोगात्मक भावनाले सरकार टिकाउने काम गर्दछ । अहिले हाम्रो देशमा आश लाग्दा नयाँ पार्टीहरु आएका छन् । तिनीहरुले सरकार दायाँ–बायाँ लाग्न थाले घन्टी बजाएर ठीक गर्ने प्रतिबद्धता व्यक्त गरेका छन् । वास्तवमा सरकार गठन गर्ने, विघटन गर्ने काम नै सांसदहरुको हो । त्यसो भएकाले नयाँ सांसदहरुले विवेकसम्मत काम गरेर स्थिति कायम राख्ने अपेक्षा गरिन्छ ।

Related News

सम्बन्धित समाचार

  • नयाँ सरकारसामु किसानका पुराना समस्या

    सम्पादक माघ २२, २०७९
    लोकतान्त्रिक पद्धतिमा चुनावलाई त्यसको सुन्दर पक्ष मानिन्छ । त्यो यति सुन्दर हुन्छ कि त्यसले मतदातालाई सधैं आकर्षित बनाउँछ । जनप्रतिनिधि…
  • लुम्बिनीलाई विवादको स्थल नबनाऊ

    सम्पादक माघ १९, २०७९
    भगवान् बुद्धको जन्मस्थल पवित्र लुम्बिनीको आकर्षक किसिमले विकास भइरहेको छ । लुम्बिनीमा विभिन्न बौद्ध देशहरु र बौद्ध संघसंस्थाले आ–आफ्नै देशको…
  • नयाँ राष्ट्रपतिको चर्चा

    सम्पादक माघ १८, २०७९
    नयाँ राष्ट्रपतिको चुनाव आगामी फागुन २५ गतेका दिन काठमाडौंमा हुने भएको छ । निर्वाचन आयोगले यो मितिको घोषणा गरेलगत्तै नयाँ…
  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…

hero news full width