विवादको सगरमाथा बन्ने सम्भावना

सम्पादक
असाेज ११, २०७९

देशमा आगामी मंसिर ४ गते प्रतिनिधि सभा र प्रदेश सभाको चुनाव हुन गइरहेको छ । मंसिर ४ गते जति नजिकिँदै छ, उति मानिसहरु सजग र सतर्क भएका देखिन्छन् । संवेदनशील भएका छन् । राजनीतिसँग सम्बन्धित व्यक्तिहरु अर्थात् राजनीतिक पदाधिकारीहरु अरु उत्तेजित देखिन्छन् । नागरिकता विधेयक प्रमाणीकरण गर्ने सम्बन्धमा उठेको विवाद अहिले चारैतिर फैलिएको छ । जताततै पुगेको छ । अहिले त्यो विधेयकको कुरा यत्ति व्याप्त भएको छ कि त्यो विवादले सगरमाथा बन्ने सम्भावना बोकेको छ । राजनीतिमा सरकार र प्रतिपक्षी पार्टीका नेताहरुबीच भनाभन हुन्छ र त्यो समय आएपछि समाधान पनि हुन्छ । यो शाश्वत कुरा हो । तर अहिलेको विवाद ज्यादै नराम्ररी फैलिएको छ, त्यो प्रमाणीकरणको विषयमा मात्र सीमित छैन ।

राष्ट्रपति विद्यादेवी भण्डारीले संविधानअनुसार नागरिकता विधेयक प्रमाणीकरण नगर्दा सरकारले त्यसमा तीव्र प्रतिक्रिया व्यक्त ग¥यो । ती दुवै अंग नागरिकता विधेयकसँग सम्बन्धित भएकाले त्यसलाई पनि अन्यथा भन्न सकिँदैन । तर त्यसैबीच उपराष्ट्रपति नन्दबहादुर पुनले समेत राष्ट्रपति भण्डारीको त्यो कार्यप्रति तीव्र प्रतिक्रिया जनाए । ठूलाबडाको बीचको विवाद बढ्दै गएर अहिले सभामुख अग्निप्रसाद सापकोटा र राष्ट्रिय सभाका अध्यक्ष गणेशप्रसाद तिमिल्सिनाबीच पुगेको छ । तिनीहरुको विवाद प्रमाणीकरण नभई सभामुख र उप–सभामुखको पदावधि सम्बन्धमा रहेको छ । यो विवाद निर्वाचन आयोग समक्ष पुगेको छ । अर्को विवाद सरकार र निलम्बनमा रहेका प्रधानन्यायाधीश चोलेन्द्र शमशेर जबराबीच छ । सरकारले उनलाई आफ्नै घरमा नजरबन्दमा राखेको छ । जसले गर्दा मानव अधिकारको प्रश्न उत्पन्न भएको छ ।

विवाद सरकारमा रहेका र जनप्रतिनिधिबीच मात्र भएका होइनन् । राजनीतिक पार्टीहरुमा पनि विवाद उत्तिकै व्याप्त छ । विवादको स्वर त्यसरी नआउने माओवादी केन्द्रबाट पनि यसपटक ठूलै विवादको स्वर आयो । माओवादी केन्द्रका अध्यक्ष पुष्पकमल दाहाल र त्यही पार्टीका नेता तथा अर्थमन्त्री जनार्दन शर्माबीच असन्तोष र भनाभन चर्केको थियो । तर अहिले त्यसलाई दबाइएको छ । पार्टीगत हिसाबले अहिले सबभन्दा ठूलो विवाद नेपाली कांग्रेसमा देखिएको छ । संस्थापन पक्षविरुद्ध डा. शेखर कोइरालाले राजधानीमा एउटा मेला नै गरेर आफ्नो असन्तोष व्यक्त गरेका छन् । कोइरालाले पार्टीबाट समानुपातिकको बन्द सूचीमा जे–जति नामहरु राखे त्यसमा पनि असन्तोष व्यक्त गरेका छन् । उनले पार्टी सभापति प्रधानमन्त्री देउवा यस्तै गरी अघि बढेमा आफ्नो तर्फबाट छुट्टै उम्मेदवार बनाएर चुनाव लड्ने धम्की दिएर विराटनगर गएका छन् । डा. शेखरले जे–जसरी धम्की दिएका छन्, त्यसबाट ५ दलहरुको गठबन्धनभित्र पनि तरंग उत्पन्न भएको छ । स्थिति गम्भीर छ । गम्भीरतातिर देश अघि बढिरहेको छ ।

Related News

सम्बन्धित समाचार

  • नयाँ सरकारसामु किसानका पुराना समस्या

    सम्पादक माघ २२, २०७९
    लोकतान्त्रिक पद्धतिमा चुनावलाई त्यसको सुन्दर पक्ष मानिन्छ । त्यो यति सुन्दर हुन्छ कि त्यसले मतदातालाई सधैं आकर्षित बनाउँछ । जनप्रतिनिधि…
  • लुम्बिनीलाई विवादको स्थल नबनाऊ

    सम्पादक माघ १९, २०७९
    भगवान् बुद्धको जन्मस्थल पवित्र लुम्बिनीको आकर्षक किसिमले विकास भइरहेको छ । लुम्बिनीमा विभिन्न बौद्ध देशहरु र बौद्ध संघसंस्थाले आ–आफ्नै देशको…
  • नयाँ राष्ट्रपतिको चर्चा

    सम्पादक माघ १८, २०७९
    नयाँ राष्ट्रपतिको चुनाव आगामी फागुन २५ गतेका दिन काठमाडौंमा हुने भएको छ । निर्वाचन आयोगले यो मितिको घोषणा गरेलगत्तै नयाँ…
  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…

hero news full width