यातायात सञ्चालन

Avatar सम्पादक
असाेज १, २०७७

१. झण्डै ६ महिना अघिदेखि रोकिएको हवाई उडान र लामो दूरीका यातायात आजदेखि सञ्चालन हुँदैछन् । कोरोना भाइरसको संक्रमणका कारण सरकारले चैत्र ११ बाट देशभर लकषउन गरेपछि यातायात सेवा बन्द रहेको थियो । यसबीचमा स्थानीय क्षेत्रमा निश्चित मापदण्ड अपनाई साना सवारी साधान सञ्चालन भएपनि लामोदूरीका सार्वजनकि यातायात सञ्चालन भएको थिएन ।

२. सार्वजनिक यातायात सञ्चालन नहूँदा सर्वसाधरणले ठूलो कठिनाई भोग्नु परेको थियो । यातायातका साधन नचल्दा जनजिविका चलाउन मुस्किल भयो । व्यापार व्यवसाय, उद्योग धन्दा समेतमा असर प¥यो । स्वास्थ्य सुरक्षाका मापदण्ड पूरा गरेर यातायात सञ्चालन गर्न पाउनुपर्ने माग गर्दा कोरोना संक्रमणि बढिरहेका कारण सरकारले फुकुवा गर्न सकेन ।

३. अहिले पनि कोरोना संक्रमण बढिरहेको छ । बन्द गरिरहँदा अर्थतन्त्रमा ठूलो असर परिरहेको र मानिसहरु रोगले भन्द भोकले बढि मर्ने अवस्था देखियो । निशेधाज्ञा जारी राखिरहँदा झन् धेरै समस्याहरु थपनो आशंका भयो । यस अवस्थामा कोरोना संक्रमणबाट बच्न आवश्यक स्वास्थय सुरक्षाका उपायहरुको अवलम्बन गरी जनजिविकाका लागि अग्रसर हुनुको विकल्प रहेन ।

४. सरकारले स्वास्थ्यको संवेदनशीलतालाई ध्यानमा राखि रोकेको आवागमन अब खुला हुने भएको छ । तर स्वास्थ्यका आवश्यक मापदण्ड पुरा गर्नुपर्दछ । सवारी चालक, सहचालकले आनिवार्यरुपमा मास्क, पञ्जा लगाउनुपर्ने र सवारी साधनलाई पनि निर्मलीकरण गर्नुपर्नेछ । यसैगरी गाडीको एक लहर सीटमा एकजना मात्र बस्न पाउने र यात्रीले अनिवार्य रुपमा मास्क लगाउनु पर्नेछ । सिट क्षमताको ५० प्रतिशत मात्र यात्रु राख्न पाइने र ५० प्रतिशत बढीसम्म भाडा लिन सकिने सरकारले जनाएको छ । यसैगरी हवाई यात्रामा पनि विदेशबाट आउने यात्रुले ७२ घण्टा अघि पिसिआर रिपोर्ट नेगेटिभ आएको अनिवार्य प्रमाण हुनुपर्ने व्यवस्था गरिएको छ ।

५. कोरोना संक्रमणबीच भएको यातायातको सहजतालाई सचेत पूर्वक नै उपयोग गर्नुपर्दछ । स्वास्थ्य सुरक्ष्ाँका उपायहरु अबलम्बन नगरी लापरवाही गरियो भने संक्रमण बढ्दा फेरी बन्द गर्नुपर्ने अवस्था पनि हुन सक्छ । त्यस्तो नहोस् र हामी हरकेले जिम्मेवार भएर आफू पनि बाँच्नु र अरुलाई पनि बचाउनु पर्छ भन्ने कुरालाई सदा मनमा राखेर काम ग¥यौ भने कोरोना संकट सहजै पार लाउन सकिन्छ ।

हाम्रो सुझाव