१. मधेश टुक्र्याएर छुट्टै राज्य बनाउने अभिव्यक्ति दिएपछि विवादास्पद भएका सि.के.राउत नेतृत्वको स्वतन्त्र मधेश गठबन्धन राष्ट्रको मूलधारको राजनीतिमा आएको छ। त्यस गठबन्धनले सरकारसँग ११ बुँदे सहमति गरेपछि उनको छुट्टै राज्य बनाउने अभियानको अन्त्य भएको छ। यसलाई लोकतन्त्रको जीतको रूपमा लिएको छ।
२. सरकारका तर्फबाट गृहमन्त्री रामबहादुर थापा र स्वतन्त्रमधेश गठबन्धनका तर्फबाट स्वयं सी.के.राउतले प्रधानमन्त्री के.पी. ओलीको उपस्थितिमा शुक्रवार हस्ताक्षर गरेका थिए। सहमति पत्रमा राजनीतिक , सामाजिक, आर्थिकलगायतका उद्देश्यहरू प्राप्तिका निम्ति शान्तिपूर्ण एवं लोकतान्त्रिक बाटोबाट अघि बढ्नु पर्दछ भन्ने मान्यतामा द्दढ छौँ भनिएको छ।
३. सहमतिपत्रमा स्वतन्त्र मधेश गठबन्धनका नेता तथा कार्यकर्ताहरू माथि लगाइएको राज्यविरुद्धको अपराधलगायत सम्पूर्ण राजनीतिक मुद्दाहरू फिर्ता गर्ने , ६ महिना पहिले प्रहरीको हिरासतमा मृत्यु भएका बाँके जिल्ला इञ्चार्ज राममनोहर यादबको परिवारलाई राज्यको तर्फबाट उचित क्षतिपूर्तिको व्यवस्थागर्ने कुरा उल्लेख गरिएको छ।
४. स्वतन्त्र मधेश गठबन्धनले कहीँ कतै बम र बारुद पड्काएको थिएन। तैपनि उनीहरूले जे जसरी मधेश टुक्र्याउने अभियान चलाएको जुन अभिव्यक्ति दिए त्यो बम र बारुदभन्दा कडा र खतरनाक मानिएको थियो। त्यसै कारण सरकारले सी.के.राउत लगायतका नेता र कार्यकर्ताहरूलाई पक्राउ गरेको थियो।
५. त्यो गठबन्धनमा अकस्मात कसरी परिवर्तन आयो , त्यो सवै बाहिर आएको छैन। तर राउतलाई पक्रे पछि अन्य नेताहरू सहमतिका लागि दौडधुप गरिरहेका थिए। सरकारले पनि गोप्यरूपले वार्ता गरी अन्तिम चरणमा पुर्याएको थियो। त्यसै बेला सवोर्च्च अदालतले पनि थुनामा रहेका राउतलाई थुनामुक्त गरेको कुरा उल्लेखनीय छ।
६. सहमतिपत्रमा हस्ताक्षर गरेको बेला राउतले अहिंसा , बुद्ध र महात्मा गान्धीको नाम पटक पटक उच्चारण गरे। उनले अरुहरू झैँ आफु हिंसाको लाइनमा जने होइन भन्ने कुरा दोहोर्याए। वास्तवमा स्वतन्त्र मधेश गठबन्धन बनाए तापनि उनले त्यस्तो बम र बारुदको विस्फोट गरेको भने त्यति सुनिएको थिएन।
७. सर्वसाधारण नेपालीहरूले पनि अति खतर्नाक मानिएको गठबन्धन शान्ति प्रक्रियामा आएको छ। यो ठूलो कुरा हो। सरकारले र गठबन्धनले सहमतिपत्रमा उल्लेख गरिएका कुराहरूलाई अक्षरशः पालना गर्नु पर्दछ। कुनै पक्षले पनि सहमति तोड्ने प्रयास नगरोस् यो हाम्रो आग्रह हो। राम्रा र महत्वपूर्ण सहमति गरेकोमा हामी दुवै सम्बद्ध पक्षहरूलाई धन्यवाद ज्ञापन गर्न चाहन्छौँ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१