मन्त्री थापाको असामयिक निधन

सम्पादक
कार्तिक २५, २०७९

प्रदेश १ का वन वातावरण तथा भू–संरक्षण मन्त्री शेखरचन्द्र थापाको बुधबार उपचारक्रममा विराटनगरस्थित नोवेल शिक्षण अस्पतालमा मृत्यु भएको छ । मन्त्री थापा ५८ वर्षका थिए । उनी मोरङ क्षेत्र ३ (१) मा प्रदेश सभा सदस्यका लागि कांग्रेसबाट उम्मेदवार पनि भएका थिए । उनी राजनीतिमा एक भलाद्मी व्यक्तिका रुपमा चिनिन्थे । र, सबैसँग मित्रवत् व्यवहार गर्दथे । कांग्रेस वृत्तमा उनी लोकप्रिय थिए । २०७४ को निर्वाचनमा उनी समानुपातिकबाट प्रदेश सांसद चुनिएका थिए । एमाले सरकार पतन भएपछि बनेको गठबन्धन सरकारमा उनी मन्त्री बने । मन्त्री भएपछि उनले आफ्नो कार्य दक्षता राम्ररी देखाएका थिए । कतिपय मानिस मन्त्री भएपछि घमण्डी हुने, अरुलाई वास्ता नगर्ने किसिमका हुन्छन् । उनी भने थप नरम र अनुशासित भए । निस्कलंक मन्त्रीका रुपमा उनको प्रभाव बढ्दै थियो ।

असोज २३ मा प्रदेश सांसदका लागि मनोनयनपत्र दर्ता गरेर के–कसरी चुनाव प्रचारमा जाने भनेर साथीहरुसँग बसेर कार्यक्रम बनाउन लागेकै बेला उनलाई डेंगु संक्रमण भयो । स्थानीय नोवेल अस्पतालमा ३ दिन राखेर पनि संक्रमण नघटेपछि थप उपचारार्थ काठमाडौंको ह्याम्स अस्पताल पु¥याइएको थियो । त्यहाँ उनलाई १७ दिन आइसियुमा र ५ दिन वार्डमा राखेर उपचार गरिएको थियो । उपचारबाट केही प्रगति भएको थियो । तर उम्मेदवार भएको मान्छ,े कार्यकर्ता भेट्न उनी अत्तिए र काठमाडौंबाट विराटनगर फर्के । विराटनगर फर्केर चुनाव प्रचारको काम सुरु गर्नै नपाई उनलाई निमोनिया भयो । फेरि स्थानीय नोवेल अस्पतालमा भर्ना भए । अस्पताल भर्ना गरिए पनि उनको स्वास्थ्य बिगं्रदै गयो र त्यसैबाट उनको मृत्यु भयो ।

डेंगुलाई समाजले गम्भीर प्रकृतिको रोगको रुपमा लिएको छैन । पहिले त्यो रोग लामखुट्टेबाट तराई क्षेत्रमा फैलिने गरेको सुनिएको थियो भने अहिले पहाडी क्षेत्रमा पनि त्यो लामखुट्टेले ज्यानै लिएको समाचार आएको छ । ६० जना जतिको यसबाट मृत्यु भएको अनुमान छ । कांग्रेसका होनहार नेताको त्यही रोगबाट निधन हुनु दुखको कुरा हो । उनी पार्टीको साधारण सदस्यबाट क्रमशः माथि उक्लेका नेता थिए । पार्टीमा उनले आफ्नो छवि राम्रो बनाएका थिए । उनी पूर्व प्रधानमन्त्री गिरिजाप्रसाद कोइरालाको स्वकीय सचिव भएर पनि काम गरेका थिए । उनले यस्ता धेरै क्षेत्रबाट अनुभव हासिल गरेका थिए । उनको निधनमा प्रदेश सरकारले बिहीबार सार्वजनिक बिदासमेत दियो भने त्यहाँ राष्ट्रिय झण्डा आधा झुकाइएको थियो । उनको निधनमा प्रधानमन्त्री शेरबहादुर देउवा लगायतका नेताहरुले शोक वक्तव्य जारी गरेर उनको योगदानको उच्च मूल्याङ्कन गरेर श्रद्धाञ्जली अर्पण गरेका छन् ।

Related News

सम्बन्धित समाचार

  • पोखरा बहुमुखी क्याम्पसलाई शुभकामना

    सम्पादक मंसिर १६, २०७९
    पोखरा बहुमुखी क्याम्पस पोखरामा पृथ्वीनारायण क्याम्पसपछिको दोस्रो क्याम्पस हो भने सामुदायिक क्षेत्रमा खोलिएको यो तत्कालीन पश्चिमाञ्चलकै पहिलो क्याम्पस हो ।…
  • सरकारको स्थिरता र अस्थिरताको चर्चा

    सम्पादक मंसिर १४, २०७९
    प्रतिनिधि सभाको निर्वाचनमा कुनै एक पार्टीको बहुमत नआउने भएपछि अब बन्ने सरकार स्थिर होला कि अस्थिर होला भन्ने बहस चल्न…
  • चीनमा विरोध र्‍याली

    सम्पादक मंसिर १३, २०७९
    चीनमा सामान्यतया विरोध भनेको हुँदैन, कहींकतै विरोध भए तापनि त्यसको स्वर सुनिँदैन र त्यस्तो विरोधलाई निर्ममतापूर्वक दबाइन्छ भन्ने भएको बेला…
  • लैंगिक हिंसाविरुद्धको कार्यक्रम

    सम्पादक मंसिर १२, २०७९
    महिलाको संख्या पुरुषको भन्दा बढी छ । बढी भएकोले कतै महिलाको विषयमा उल्लेख गर्नु पर्दा आधा आकाश ढाकेर बसेका महिलाहरु…
  • युवा र वृद्धको समन्वयकारी भूमिका

    सम्पादक मंसिर ९, २०७९
    प्रतिनिधि सभा र प्रदेश सभाको निर्वाचन–२०७९ को मतगणना कार्य भइरहेको छ । गणना सकिन अझै केही दिन लाग्ने देखिन्छ ।…

hero news full width