१. नेपाली राजनीतिको पुराना पुस्ताका एक स्तम्भका रुपमा रहेका पूर्व उपप्रधान मन्त्री तथा अर्थमन्त्री भरतमोहन अधिकारीको शनिवार ८३ वर्षको उमेरमा निधन भएको छ । उनी फोक्सो र मुटु सम्बन्धी रोगबाट केही महिनादेखि पीडित थिए । उपचारका क्रममा ह्याम्स अस्पतालमा उनको निधन भएको हो ।

२. भरतमोहन अधिकारी, मनमोहन अधिकारीको प्रधानमन्त्रित्व कालमा वि.सं. २०५१ सालमा पहिलो पटक अर्थमन्त्री भएका थिए । त्यसबेला नेपालको इतिहासमा पहिलो पटक कम्युनिष्ट पार्टी सरकारमा आएकोले सरकारले जनतालाई के कसरी दूरगामी प्रभाव पार्ने काम गर्ने भनेर खूव चिन्तन मनन गरेको थियो ।

३. वाम अर्थशास्त्रीहरुको समेत विचार विमर्शबाट उनले बजेटमा बृद्धभत्ताको व्यवस्था गरे । उनले गरेको बृद्धभत्ताको त्यो व्यवस्था ज्यादै लोकप्रिय भयो । त्यो व्यवस्थाबाट उनीमात्र लोकप्रिय भएका होइनन्, त्यसले चुनावमा एमालेलाई जिताउनमा पनि ठूलो सघाउ पुर्याएको थियो । त्यसको प्रभाव अझ पनि रहेको देखिन्छ ।

४. त्यसपछि उनी पटक पटक मन्त्री पनि भए । उनी २०६७ सालमा उपप्रधान तथा अर्थमन्त्री भएको बेला नक्कली भ्याट विलको प्रकरण चकेर्को थियो । उनले भ्याटविल प्रकरणमा व्यापारीहरुलाई उन्मुक्ति दिन खोजेकोमा उनी विवादित हुन पुगे । त्यसैबेला अर्थसचिव भएका रामेश्वर खनालले उनीसँग विमति राखेर अकस्मात राजीनामा दिएपछि उनी विवादित र आलोच्य पनि बने ।

५. मनमोहन अधिकारीले विद्यार्थी अवस्थादेखि नै राजनीतिमा पदार्पण गरेका थिए । उनले १५ वर्षकै उमेरमा भारतको भारतीय कम्युनिष्ट पार्टीको सदस्यता प्राप्त गरेका थिए । भारतको स्वतन्त्रता संग्राममा उनको पनि योगदान रहेको थियो । भारतका कम्युनिष्टहरुले उनलाई आदर र श्रद्धापूर्वक हेर्ने गर्दथे ।

६. पञ्चायती व्यवस्था विरोधी आन्दोलनमा सधैँ उनको सक्रियता रहने गर्दथ्यो । त्यबेला उनी भूमिगत पनि बसे । तीन वर्ष भारतमा स्वनिर्वासित भएर वसे । तीनै वर्ष उनले जेलमा यातना पनि भोगे । २०४२ र २०४६ सालको ऐतिहासिक आन्दोलनमा उनको ठूलो योगदान रह्यो । २०४७ सालको संविधान निर्माण आयोगमा उनी पनि सदस्य भएका थिए ।

७. त्यसबेला छरिएर रहेका कम्युनिष्ट पार्टीहरुलाई नजिक ल्याउन र एकीकृत गर्नमा उनले सक्रिय भूमिका खेलेका थिए । वरिष्ठतम वामपन्थीका रुपमा उनलाई आदर र सम्मान गर्ने गरिएको थियो । ७० वर्ष नाघेपछि उनले पार्टी नति अनुसार सक्रिय राजनीतिबाट अलग रहेता पनि नेताहरुलाई सरसल्लाह र सुझाव दिने काममा उनी सक्रिय नै रहेका थिए ।