पृथ्वीजयन्तीमा बिदा गरियोस्

सम्पादक
पौष २२, २०७९

पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले त्यसरी नेपाल राष्ट्र बनाएकाले आज हामीले आफूलाई नेपाली भनेर गर्व गर्न पाएका छौं । यो उनको महान देन हो । त्यही देन सम्झेर नेपालीहरुले पृथ्वीजयन्ती मनाउँदै आएका थिए । तर पछि राजतन्त्र विरोधमा आन्दोलन भएपछि आन्दोलनकारीहरुले विभिन्न स्थानमा रहेका राजाहरुको सालिक तोडफोड गरे । राजतन्त्रको विरोधमा विषवमन गरे । र, लामो समयदेखि मनाउँदै आएको र एउटा परम्पराजस्तै भएको पृथ्वीजयन्ती मनाउन छाडे । त्यसदिन सार्वजनिक बिदा दिंदै आएको बिदा पनि कटौती गरे । सरकारले पृथ्वीजयन्ती मनाउन छाडे पनि जनस्तरबाट त्यो दिवस मनाउने काम जारी नै रहेको छ । अहिले कतिपय नगरपालिका र गाउँपालिकाले पनि आ–आफ्नो स्थानमा बिदा घोषणा गरेर पृथ्वीजयन्ती मनाउन थालेका छन् । त्यो दिवसमा संघीय सरकारले बिदाको घोषणा गरोस् भनी सरकारलाई दबाब दिने गरेका छन् ।

कुनै बेला राजालाई सामन्ती प्रथाका प्रतीकरुपमा व्याख्या गर्ने कम्युनिष्टहरुको एउटा स्कुलिङ नै तयार भएको थियो । त्यो स्कुलिङबाट प्रशिक्षित एवं दीक्षितहरुले राजा भन्नासाथ नाक खुम्च्याउथे र राजतन्त्रको अन्त गर्नु पर्दछ भन्थे । तर राजा र राजाका भाइदाइले त्यो कुरालाई महत्व दिएनन् । तिनीहरुले कम्युनिष्टलाई प्रयोग गरेर तिनीहरुबाट काम लिन खोजे । कम्युनिष्टहरु पनि थरिथरिका भए । माओवादीको जनयुद्ध पश्चात् यस्तो स्थिति उत्पन्न भयो कि जसले राजतन्त्रको नै अन्त गर्‍यो, त्यसैबेला राजाहरुको सालिक तोडफोड गरिए र पृथ्वीजयन्ती मनाउने काम पूर्णविराम लाग्यो । तर अहिले स्थितिले क्रमशः कोल्टे फेर्दैछ । पृथ्वीजयन्ती मनाउनेहरुको संख्या बढ्दै गएको छ र पृथ्वीजयन्ती मनाउन सार्वजनिक बिदा दिनु पर्दछ भन्नेहरुको संख्या पनि बढ्दै गएको छ । जसले गर्दा सरकारमाथि ठूलो दबाब बढ्दैछ ।

पृथ्वीनारायण शाहले नेपालको एकीकरण गरेका हुन् भन्नेमा अब विवाद गरिरहनु आवश्यक छैन । आफूलाई परिवर्तनका संवाहक हौं भन्नेहरुले यो कुरा छिटो बुझ्नु पर्दछ । दौरासुरुवाल र भादगाउँले टोपीलाई नेपालको राष्ट्रिय पोशाक भनेर ठम्याउन र त्यो पहिरन लगाउन जे–जति समय खर्चियो, त्यो बेकार भयो । त्यसले केही समय अन्यौलमात्र गर्‍यो । देश बनाउन अग्रसर हुनेहरुले यस्तो वास्तविकतामा शाश्वत सत्य बुझ्न समय खर्चनु हुँदैन । केही पूर्वाग्रहलाई परित्याग गर्न पनि सक्नु पर्दछ । पृथ्वीनारायण शाहको महानवाणीहरु आज पनि उत्तिकै सान्दर्भिक छन् । अहिले झन् छिमेकी एवं विदेशीहरुबाट तानातानमा परेको बेला पृथ्वीनारायण शाहका दिव्य उपदेश सबैले चिन्तन–मनन गर्नुपर्दछ । चिन्तन–मनन त्यो बेला सम्भव हुन्छ, जब हामीले राज्यस्तरबाटै पृथ्वीजयन्ती मनाउँछौं र पृथ्वीजयन्ती मनाउन बिदा दिन्छौं । त्यो दिनको महत्वलाई राज्यस्तरबाटै व्याख्या गरेर बिदाको घोषणा गर्नु पर्दछ । त्यो घोषणा अहिले यसै पटक हुनु पर्दछ भन्नेमा हामी जोड दिन्छौं ।

Related News

सम्बन्धित समाचार

  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • उद्योगी व्यवसायीको आन्दोलन स्थगित

    सम्पादक पौष १५, २०७९
    उद्योगी व्यवसायीले लामो समयदेखि गर्दै आएको आनदोलन स्थगित भएको छ । उच्च ब्याजदर लगानीयोग्य पँुजी अभावजस्ता कारणले उद्योगी व्यवसायीको मनोबल…
  • उपप्रधान तथा गृहमन्त्री रविलाई अवसर र चुनौती

    सम्पादक पौष १४, २०७९
    त्यसो त उपप्रधान तथा गृहमन्त्री रवि लामिछाने पहिले पनि चर्चामा आइरन्थे । अहिले झन् एकै पटक उपप्रधान तथा गृहमन्त्री भएपछि…
  • नव गठित सरकारलाई सफलताको कामना

    सम्पादक पौष १२, २०७९
    माओवादी केन्द्रका अध्यक्ष पुष्पकमल दाहाल प्रचण्ड देशका प्रधानमन्त्री भएका छन् । राष्ट्रपति विद्यादेवी भण्डारीले उनलाई आइतबारका दिन नियुक्त गरेकी हुन्…
  • दलितको चित्त दुखाइ

    सम्पादक पौष ८, २०७९
    देशमा दलित र उत्पीडितहरुको एक वर्ग छ, जो सधैं दलित र उत्पीडित भएरै रहिरहेका छन् । देशमा ठूलठूला परिवर्तन भए,…

hero news full width