पर्यटक प्रभाव पर्ने कुराको खोजी

सम्पादक
श्रावण १७, २०७९

पर्यटन नेपालको प्राथमिकता प्राप्त क्षेत्र हो । यो संघको विकासका लागि स्थानीयदेखि संघ सरकारले पनि विविध कार्यक्रम ल्याउने गरेका छन् । पर्यटन क्षेत्रको विकास र प्रचारप्रसारका लागि सरकारले पटक–पटक नेपाल भ्रमण वर्ष घोषणा गर्दै आएको छ । अहिले पनि ‘नेपाल भ्रमण दशक’ मनाउने तयारीमा सरकार छ । भ्रमण दशक मनाउनु राम्रो कुरा हो । तर त्यसको लागि तयारी आवश्यक पर्दछ । विगतका भ्रमण वर्षहरुले कहिले लक्ष्य हासिल गर्न नसकेको तीतो अनुभव हामीसँग छ । त्यो अनुभवबाट शिक्षा सिकेर अगाडिको काम कुरा गर्नु पर्दछ । तर सरकारले त्यसरी काम कुरा गरेको देखिंदैन । नाराको रुपमा मात्र यस्तो कार्यक्रम ल्याएर हामी सफल हुन सक्दैनौं ।

सरकारले पर्यटन भ्रमण वर्ष मनाउने घोषणा गर्नासाथ निजी क्षेत्र उत्साहित भएर त्यस क्षेत्रमा लगानी गर्छन् । होटल रेष्टुराँ बनाउँछन् तर विभिन्न बाधा अवरोधका कारण भ्रमण वर्ष सफल हुन सक्दैन । भ्रमण वर्ष असफल हुनुको मतलब पर्यटन व्यवसायी आफै पनि असफल हुनु हो र लगानी डुब्नु हो । भ्रमण वर्ष–२०२० ले लगानीकर्तालाई सबभन्दा क्षति पु¥याएको थियो । त्यस बेला कोरोनाको महामारी फैलियो । जसको कारण भ्रमण वर्ष बीचैमा स्थगित भयो । पर्यटक आउन जान बन्द भयो । लकडाउनले गर्दा कोही कतै घर बाहिर जाने कुरा भएन । पर्यटन व्यवसायीका लागि त्यो एक अभिशाप नै सावित भयो । तर अहिले स्थितिले काँचुली फेर्न लागेको छ । क्षितिज उज्यालो देखिंदै छ । यस्तोमा सरकारले सन् २०२३ देखि २०३३ सम्मलाई भ्रमण दशक घोषणा गरेको छ । भ्रमण दशकको धेरै कुरा बाहिर आएको त छैन तर जति आएका छन्, त्यसबाट सरकार अहिले पनि त्यत्ति गम्भीर भएको देखिंदैन ।

अझ पनि हामी पर्यटन भन्नासाथ हिमालमात्र सम्झन्छौं । हिमाल निश्चय नै हाम्रो सबभन्दा आकर्षणको विषय हो । तर, त्यसलाई सम्पूर्ण हो भन्ने सम्झनु भएन । त्यसको साथै हाम्रा अन्य डाँडाकाँडा, धार्मिक, सामाजिक, सांस्कृतिक सम्पदाहरु छन् । नाचगान र संगीत छन् । साहित्य छ । ती कुराहरुको अडियो–भिडियो देखाएर उनीहरुको बसाइँ लम्बाउन सकिन्छ । भक्तपुरले आफ्नो नाच प्रत्यक्ष देखाएर पर्यटक प्रभाव पारिरहेको छ । तर त्यसको सिको कसैले गरेको देखिएन । त्यसो गरियो भने त्यसबाट हाम्रो धर्म संस्कृतिको प्रचार–प्रसार पनि हुन्छ । त्यसरी प्रचार–प्रसार गर्न पाउनु ठूलो अवसर हो । फेरि यो हिमाल र डाँडाकाडा आदि भनेको पर्यटकलाई देखाउने तिनीहरुलाई जानकारी दिने विषयमात्र हो भनेर सम्झनु पनि भएन । त्यसबारे हामीले पनि र हाम्रा नानीबाबुहरुले पनि जान्नु बुझ्नु प¥यो । यस्ता कुरामा पनि सरकारको ध्यान जानु आवश्यक छ । सरकारले भ्रमण दशक मान्नुभन्दा पहिले यस्तो कुरामा ध्यान दिनु उपयुक्त हुने कुरा हामी आग्रह गर्न चाहन्छौं ।

Related News

सम्बन्धित समाचार

  • परराष्ट्रमन्त्री खड्काको चीनमा व्यस्त कार्यक्रम

    सम्पादक श्रावण २५, २०७९
    परराष्ट्रमन्त्री नारायण खड्का ३ दिनको भ्रमणका लागि मंगलबार चीन पुगेका छन् । मन्त्री खड्का चिनिया समकक्षी वाङ चीको मैत्रीपूर्ण निमन्त्रणामा…
  • देश चुनावी माहोलमा प्रवेश

    सम्पादक श्रावण २२, २०७९
    सरकारले संघीय प्रतिनिधि सभा र प्रदेश सभाको निर्वाचनको लागि मंसिर ४ गते मिति घोषणा गरेको छ । सरकारको यो घोषणाका…
  • बढ्दो हत्या–हिंसामा जिम्मेवार को ?

    सम्पादक श्रावण २०, २०७९
    केही दिन पहिले ललितपुरको तारकेश्वर नगरपालिका बस्ने दिनेश पाण्डे, उनकी श्रीमती सुनिता पाण्डे, तिनीहरुका १३ वर्षीया छोरी आरिका र ८…
  • चुनावको मिति छिटो घोषणा गर

    सम्पादक श्रावण १९, २०७९
    स्थानीय तहको निर्वाचन सम्पन्न गरेर सुस्ताएको सरकार अर्को निर्वाचन पनि गर्नु पर्नेछ भन्ने बिर्सेझैं गरी बसेको छ । संविधानअनुसार संघीयतिर…
  • पोखरामा अविरल वर्षाको प्रभााव

    सम्पादक श्रावण १८, २०७९
    वर्षाको बेला छ रातो दिन पानी परिरहेछ । केही स्थानलाई अपवाद मानेर भन्ने हो भने खेतबारीमा पानी प्रशस्त देखिन्छ ।…

hero news full width