निर्वाचन प्रक्रिया सम्पन्न

सम्पादक
पौष १, २०७९

निर्वाचन आयोगले प्रत्यक्षतर्फको निर्वाचन परिणाम पहिले नै घोषणा गरेको थियो भने बुधबार समानुपातिकतर्फको परिणाम पनि पत्रकार सम्मेलन गरेर सार्वजनिक गरेको छ । निर्वाचन आयोगका प्रमुख दिनेश थपलियाले त्यसरी घोषित एवं सार्वजनिक गरिएको परिणाम बिहीबार राष्ट्रपति विद्यादेवी भण्डारीसमक्ष बुझाएका छन् । त्यसरी प्रतिवेदन बुझाएसँगै गएको मंसिर ४ को निर्वाचन प्रक्रिया टुंगिएको छ । अब राष्ट्रपति भण्डारीले सरकार गठन प्रक्रिया थालनी गर्ने छिन् । यसपालिको निर्वाचनमा समानुपातिकमा ३ प्रतिशत मत ल्याएर ७ ओटा पार्टी राष्ट्रिय पार्टी बनेका छन् । राष्ट्रिय पार्टी बन्न सफल भएका पार्टीहरु हुन्, नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जसपा र जनमत । ३ प्रतिशत थ्रेसहोल्ड नकटाएका एकीकृत समाजवादी, नागरिक उन्मुक्ति पार्टी, लोसपा, नेमकिपा, राष्ट्रिय जनमोर्चा र स्वतन्त्र भएर प्रत्यक्षमा चुनाव जितेकाहरुको पनि संसदमा उपस्थिति हुने छ ।

यस पटक मतदाताहरुले पार्टीलाई त्रिशंकु संसदको उपहार दिएका छन् । त्रिशंकु संसदको संचालन ज्यादै गाह्रो हुन्छ । हुन त पार्टीहरुले एकल बहुमत आएको बेलामा पनि राम्ररी सरकार संचालन गर्न सकेनन् भने दुइतिहाइ बहुमतको त दुरुपयोग नै गरे । त्यसैको सजायस्वरुप आज यस्तो संसद उपहार दिएको हो कि भन्ने पनि भएको छ । त्यसकारण नेताहरुले हिजोजस्तै गरी सत्ता संचालन गर्ने कुरा नसोचे हुन्छ । स्थितिमा परिवर्तन आएको छ । नयाँ पार्टीहरु संसदमा पुगेका छन्, पुराना पार्टीहरुमा पनि नयाँ पुस्ताले आफ्नो प्रभाव जमाउने प्रयास गरेका छन् । कांग्रेस पार्टीमा त्यो प्रत्यक्ष देखिएको छ । पार्टी महामन्त्री गगन थापाको नेतृत्वमा सशक्त युवाहरु एकित्रित हुँदैछन् । महामन्त्री थापाले आफू संसदीय दलको नेतामा उम्मेदवारी दिने घोषणा गरेका छन् । अन्य पार्टीका युवाले पनि आफ्ना शीर्षनेताको काम कारबाहीबारे असन्तोष व्यक्त गरेका छन् । तर उनीहरुले भन्न भने सकेका छैनन् ।

एकातिर स्थिति यस्तो छ भने अर्कोतिर विदेशी चलखेल बढ्दो छ । निर्वाचन अगाडि र निर्वाचन पछि विदेशी कुटनीतिक व्यक्तिको सक्रियताले राम्रो संकेत गर्दैन । यो कुरालाई नेताहरुले गम्भीरतापूर्वक लिएका छैनन् । कतिपय नेताहरु विदेशी कुटनीतिक व्यक्तिसँग चिया पिउनुलाई नै महत्व सम्झनेहरु पनि छन् । राष्ट्रियताको सवाललाई अब हल्का किसिमले सम्झनु हुँदैन । अबको दिन भनेको हाम्रो सरकार गठन गर्ने दिन हो । सरकार गठन गर्ने क्रममा धेरै चलखेल हुन सक्दछन् । यस्तो बेलामा सुदृढ सरकार बनाउनेतिर हाम्रो ध्यान गएन भने भोलि अस्थिरताले हामीलाई सताउनेछ । अस्थिरता फेरि एक पटक हाम्रो नियति जस्तै हुनेछ । यस कुरालाई गम्भीरतापूर्वक लिन हामी आग्रह गर्दछौं ।

Related News

सम्बन्धित समाचार

  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…
  • उद्योगी व्यवसायीको आन्दोलन स्थगित

    सम्पादक पौष १५, २०७९
    उद्योगी व्यवसायीले लामो समयदेखि गर्दै आएको आनदोलन स्थगित भएको छ । उच्च ब्याजदर लगानीयोग्य पँुजी अभावजस्ता कारणले उद्योगी व्यवसायीको मनोबल…
  • उपप्रधान तथा गृहमन्त्री रविलाई अवसर र चुनौती

    सम्पादक पौष १४, २०७९
    त्यसो त उपप्रधान तथा गृहमन्त्री रवि लामिछाने पहिले पनि चर्चामा आइरन्थे । अहिले झन् एकै पटक उपप्रधान तथा गृहमन्त्री भएपछि…
  • नव गठित सरकारलाई सफलताको कामना

    सम्पादक पौष १२, २०७९
    माओवादी केन्द्रका अध्यक्ष पुष्पकमल दाहाल प्रचण्ड देशका प्रधानमन्त्री भएका छन् । राष्ट्रपति विद्यादेवी भण्डारीले उनलाई आइतबारका दिन नियुक्त गरेकी हुन्…

hero news full width