देश र जनताको अपेक्षा

सम्पादक
मंसिर ८, २०७९

गत आइतबार सम्पन्न भएको प्रतिनिधि सभा र प्रदेश सभाको निर्वाचन परिणाम धमाधम आउन थालेको छ । निर्वाचन परिमाणले निश्चय नै कसैलाई खुसी बनाएको छ भने कतिपयलाई दुखित बनाएको छ । जित्नेहरुले विजय ¥याली निकाल्दै छन् भने हार्नेहरुले आफ्नो कमिकमजोरी केलाउँदै होलान् र के–के कारणले आफू हारेको हो र के–के कारणले आफ्ना प्रतिद्वन्द्वीले जितेको हो, त्यसको मूल्यांकन गर्दै होलान् । गोप्य मतदानको यो विशेषता हुन्छ कि मत गणना नभएसम्म कसले जित्छ र कसले हार्छ भन्ने अनुमान गर्न गाह्रो हुन्छ । अधिकांशले जित्छु भनेरै चुनाव लडेका हुन्छन् । कोही कोही उम्मेदवारहरु भने आफ्नो उपस्थिति देखाउनलाई पनि चुनावमा प्रत्यासी भएका हुन्छन् भने कोही आफ्नो पार्टीको नीति र विचारको विरोधमा तथा आफूलाई उम्मेदवारी नदिएकोमा असन्तोष जाहेर गर्न पनि चुनावको मैदानमा उत्रेका हुन्छन् । त्यसरी उम्मेदवार भएकालाई बागी उम्मेदवार भन्ने गरिन्छ ।

राजनीति गर्नेहरुका लागि चुनाव एक यस्तो मैदान हो । जहाँ उत्रेर तिनीहरुले आफ्नो भाग्यको पैmसला गरिदेऊ भनेर मतदातासँग अपिल गर्दछन् । त्यस्तो अपिल गर्ने क्रममा तिनीहरुले आफूले र आफ्ना पार्टीले देश र जनताका लागि गरेको काम कुराको फेहरिस्त जनसमक्ष राख्ने गर्दछन् । आगामी समयमा आफ्नो र आफ्नो पार्टीले तयार गरेका कार्यक्रम र योजनाहरु आकर्षक ढंगले प्रस्तुत गर्ने गर्दछन् । जसलाई घोषणापत्र भन्ने गरिएको छ । मतदाताले ती नै कामकुराहरु छनोट तथा मूल्यांकन गरेर मतदान गर्दछन्, भन्ने आम घोषणापत्र सकेसम्म विस्तृत र आकर्षक किसिमले बनाएर प्रचारप्रसार गर्ने गर्दछन् । घोषणापत्रहरु एक किसिमको किताब जस्तै हँुदै गएका छन् । चुनावमा एक पदका लागि धेरैले मनोनयन गरेका हुन्छन् । मनोनयन गर्ने सबैले जित्ने कुरा हँुदैन । जित्ने एक जनाले हो । अरुहरु सबै हार्छन्, यो शाश्वत कुरा हो । त्यसरी जित्नु हार्नु साधारण कुरा हो । फेरि एक पटक जितेकाले अर्को पटक हार्छन् भने अघिल्लो पटक जितेकाले अहिले हारेको पनि हुन सक्छन् । यी सबै तिनीहरुले गरेका काम कुरामा भर पर्दछन् । मतदाताको रोजाइ र मूल्यांकनमा आधारित हुन्छन् । त्यसैले चुनाव लड्नेहरु मतदाताको नजरबाट टाढा जानु हँुदैन, ओझेलमा पर्नु हँुदैन । तिनीहरुको दुख सुखमा साथ दिनु, तिनीहरुको आवश्यकता परिपूर्ति गर्नु र तिनीहरुको आवाजको कदर गरेर सक्रिय भएर हुनु नितान्त आवश्यक हुन्छ । यो चुनाव जित्नेहरुको हौसला बुलन्द भएको छ, उत्साह र उमंग बढेको छ र के–के काम गर्ने भनेर मनमा अनेक तरंग आएको हुनुपर्दछ । यसको सदुपयोग गरेर तिनीहरुले देश र समाजको लागि समर्पित भएर निस्वार्थ भावले अघि बढेमा त्यो ठूलो कुरा हुनेछ । देश र समाजले तिनीहरुबाट धेरै आशा अपेक्षा गरिरहेका छन् ।

Related News

सम्बन्धित समाचार

  • पोखरा बहुमुखी क्याम्पसलाई शुभकामना

    सम्पादक मंसिर १६, २०७९
    पोखरा बहुमुखी क्याम्पस पोखरामा पृथ्वीनारायण क्याम्पसपछिको दोस्रो क्याम्पस हो भने सामुदायिक क्षेत्रमा खोलिएको यो तत्कालीन पश्चिमाञ्चलकै पहिलो क्याम्पस हो ।…
  • सरकारको स्थिरता र अस्थिरताको चर्चा

    सम्पादक मंसिर १४, २०७९
    प्रतिनिधि सभाको निर्वाचनमा कुनै एक पार्टीको बहुमत नआउने भएपछि अब बन्ने सरकार स्थिर होला कि अस्थिर होला भन्ने बहस चल्न…
  • चीनमा विरोध र्‍याली

    सम्पादक मंसिर १३, २०७९
    चीनमा सामान्यतया विरोध भनेको हुँदैन, कहींकतै विरोध भए तापनि त्यसको स्वर सुनिँदैन र त्यस्तो विरोधलाई निर्ममतापूर्वक दबाइन्छ भन्ने भएको बेला…
  • लैंगिक हिंसाविरुद्धको कार्यक्रम

    सम्पादक मंसिर १२, २०७९
    महिलाको संख्या पुरुषको भन्दा बढी छ । बढी भएकोले कतै महिलाको विषयमा उल्लेख गर्नु पर्दा आधा आकाश ढाकेर बसेका महिलाहरु…
  • युवा र वृद्धको समन्वयकारी भूमिका

    सम्पादक मंसिर ९, २०७९
    प्रतिनिधि सभा र प्रदेश सभाको निर्वाचन–२०७९ को मतगणना कार्य भइरहेको छ । गणना सकिन अझै केही दिन लाग्ने देखिन्छ ।…

hero news full width