चीनमा विरोध र्‍याली

सम्पादक
मंसिर १३, २०७९

चीनमा सामान्यतया विरोध भनेको हुँदैन, कहींकतै विरोध भए तापनि त्यसको स्वर सुनिँदैन र त्यस्तो विरोधलाई निर्ममतापूर्वक दबाइन्छ भन्ने भएको बेला केही दिन पहिले त्यहाँ कडा विरोध भएको छ, विरोधको र्‍याली नै भएको छ । केही हप्ता पहिले मात्र फेरि राष्ट्रपतिमा निर्वाचित भएका सी चिनफिङको राजीनामा नै मागेर र्‍याली भएको समाचार विश्वभर फैैलिएको छ । कम्युनिस्ट चीनमा सरकारको विरोध भनेको ज्यादै दुर्लभ कुरा हो । त्यसमा पनि राष्ट्रपति सीले राज्यका धेरै जनशक्ति आफूमा निहित गरेको बेला त्यस्तो विरोध र्‍याली देशको विभिन्न सहर र विश्वविद्यालयमा हुनु ठूलो कुरा हो । विरोध र्‍यालीले कुन रुपमा लिन्छ र त्यसलाई कसरी दबाइन्छ, त्यो अहिले भन्न सकिने कुरा होइन । तर त्यसले सनसनी भने फैलाएको छ ।

त्यहाँका जनता कोभिड–१९ को विरुद्धमा सरकारले शून्य सहनशीलता अपनाएर लामो समय कडाइ गरेको र सरकारको त्यस कदमबाट आर्थिक र सामाजिक रुपमा दबाब सिर्जना भए पनि सरकारले त्यसलाई बेवास्ता गरेको विरुद्धमा क्रुद्ध छन् । सरकारले लामो समय लकडाउन गरेबाट चीनको आर्थिक गतिविधि निस्क्रिय भई जनजीवन कष्टकर भएको जनताको गुनासो छ । यसैबीच निषेधाज्ञाको समयमा एक अपार्टमेन्टमा भएको आगलागीमा १० जनाको ज्यान गएको थियो । त्यहाँका जनताले निषेधाज्ञका कारण तिनीहरुको ज्यान गएको भनेर त्यसको दोष सरकारमाथि लगाएर आफ्नो आक्रोश व्यक्त गरिरहेका छन् । साथै तिनीहरुले खोप लगाउने कार्य अनिवार्य गरिएका र आफूलाई लगाउने खोप अन्तर्राष्ट्रिय रुपमा उत्पादित अन्य खोपभन्दा तुलनात्मक रुपमा कम प्रभावकारी भएकोमा पनि आपत्ति जनाएका छन् । तिनीहरुले विरोध र्‍याली गर्नु बाहिरबाट हेर्दा कोभिड–१९ को कारण सिर्जिएको जस्तो देखिए तापनि त्यसको अरु पनि धेरै कारणहरु भएको औंल्याउने गरिएको छ ।

कम्युनिस्ट व्यवस्थामा सामान्यतया वाक् स्वतन्त्रता प्रेस स्वतन्त्रतालगायत स्वतन्त्रताहरु हुँदैनन् । स्वतन्त्रता र नागरिक अधिकारको अभावमा त्यहाँ विरोध गर्न पाइँदैन विरोध गर्ने भनेको दुर्लभ कुरा हुन्छ । कहिलेकाहीं विरोध भएमा त्यसलाई आश्चर्य मानिन्छ । चीनमा अहिले भएको विरोध र्‍यालीलाई त्यसैले आश्चर्यको रुपमा हेरिएको छ । फेरि त्यो र्‍यालीको आयोजना गर्नुमा कोभिड–१९ ले सिर्जना गरेको कारण मात्र हुन् कि त्यसको पछाडि राजनीति कारण पनि छन् भनेर पनि नियाल्ने प्रयास गरिएको छ । त्यो जे भए तापनि र्‍यालीका सहभागीहरुले आफूहरुलाई पिसीआर परीक्षण चाहिँदैन, स्वतन्त्रता देऊ भन्ने नारा लगाएका छन् र तिनीहरुले सेतो ब्यानर बोकेका छन् । त्यो कुराले तिनीहरुको उद्देश्य प्रष्ट गर्दछ ।

Related News

सम्बन्धित समाचार

  • नयाँ सरकारसामु किसानका पुराना समस्या

    सम्पादक माघ २२, २०७९
    लोकतान्त्रिक पद्धतिमा चुनावलाई त्यसको सुन्दर पक्ष मानिन्छ । त्यो यति सुन्दर हुन्छ कि त्यसले मतदातालाई सधैं आकर्षित बनाउँछ । जनप्रतिनिधि…
  • लुम्बिनीलाई विवादको स्थल नबनाऊ

    सम्पादक माघ १९, २०७९
    भगवान् बुद्धको जन्मस्थल पवित्र लुम्बिनीको आकर्षक किसिमले विकास भइरहेको छ । लुम्बिनीमा विभिन्न बौद्ध देशहरु र बौद्ध संघसंस्थाले आ–आफ्नै देशको…
  • नयाँ राष्ट्रपतिको चर्चा

    सम्पादक माघ १८, २०७९
    नयाँ राष्ट्रपतिको चुनाव आगामी फागुन २५ गतेका दिन काठमाडौंमा हुने भएको छ । निर्वाचन आयोगले यो मितिको घोषणा गरेलगत्तै नयाँ…
  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…

hero news full width