Worldlink ads

कोरोना भाइरसबाट मृत्यु

Avatar सम्पादक
जेठ ५, २०७७

१. नेपालमा कोरोना भाइरसबाट विहीवार एक जनाको मृत्यु भएको छ । सिन्धुपाल्चोक बाह्रविसेकी २९ वर्षीया महिलाको मृत्यु भएको स्वास्थ्य तथा जनसंख्या मन्त्रालयले जानकारी दिएको हो । उनी त्रिवि शिक्षण अस्पतालमा केही दिन अघि सुत्केरी भएकी थिइन् । आमा छोरा दुवैको स्वास्थ्य राम्रै थियो । डिस्चार्ज भएर घर गएलगत्तै ज्वरो र खोकी साथै श्वास प्रश्वासमा समस्या आएपछि अस्पताल ल्याउने क्रममा उनको मृत्यु भएको हो ।
२. प्रहरी र सेनाको स्कटिङ सहित शव वाहनमा उनको शव धुलिखेलबाट काठमाडौं आर्यघाट ल्याई विद्युतीय शवदाह गृहमा अन्त्येष्टि गरिएको थियो । कोरोना भाइरसका कारण मृत्यु भएका व्यक्तिको शव व्यवस्थापनका लागि सरकारले बनाएको छुट्टै कार्य विधि अनुसार मृतकको अन्त्येष्टि गरिएको थियो । उक्त विधि अनुसार अन्त्येष्टिमा सहभागीले पञ्जा, चश्मा, टोपी, मास्क सहित पीपीई लगाउनु पर्छ । मृतकका आफन्तले समेत शवलाई छुन पाउँदैनन् । हेर्न चाहेमा एक–एक जनाले पालैपालो कम्तीमा एक मिटर टाढाबाट हेर्न, जल छर्कन तथा फूल चढाउँन पाइन्छ ।
३. कोरोना भाइरसको संक्रमण बढ्नसक्ने आशङ्काले मृतकको घर बाह्रविसे–९, राम्चे र माइती गाउँपालिका वडा नं. ७ र ८ लाई सिल गरिएको छ । उनलाई माइतीहरु पनि भेट्न गएकोले माइती गाउँ पनि सिल गरिएको हो । सिल गरिएका वडाबाट कोही पनि बाहिर आउन र वडाभित्र प्रवेश गर्न पाउँदैनन् । यसैगरी मृतकका परिवार तथा सम्पर्कमा रहेका व्यक्तिहरुको आवश्यक स्वास्थ्य जाँच गरी क्वारेन्टाइनमा राख्ने कार्य भइरहेको जनाएको छ ।
४. कोरोना भाइरसबाट नेपालमा मानिसको मृत्यु भएको यो पहिलो घटना हो । यस अघि संक्रमितहरु उपचारमा रहेका भएपनि सामान्य अवस्थामा रहेका थिए । वाह्रविसेकी महिलामा एक्कासी देखिएको गम्भीर रुपकोे संक्रमणले स्वास्थ्यको क्षेत्रमा चुनौती थपिएको छ । अहिलेसम्म कोही केही नुहँदा हल्का रुपमा लिइएको कोरोना संक्रमणमा कसैले पनि लापरवाही गर्न नहुने सन्देश पनि यो घटनाले दिएको छ ।
५. कोरोना संक्रमणबाट बच्न, हात धुनुपर्ने, एक अर्काबाट एक मिटरभन्दा टाढा रहनुपर्ने, मुखमा मास्क लगाउनु पर्ने, हुलमुलमा सहभागी हुन नहुने जस्ता सामान्य नियमहरु पनि पालना नहुँदा जोखिम बढ्दो छ । दिनहुँ कोरोना संक्रमितको संख्या थपिँदै छ । लापारवाही हुन थाल्यो भने देशमा भयावह स्थिति आउन सक्ने अवस्थालाई मध्यनजर गरी आफू पनि सुरक्षित हुने र अरुलाई पनि सुरक्षित बनाउन सबैले ध्यान दिनु जरुरी छ ।

Related News

सम्बन्धित समाचार

    • गुरुङ भाषाको सम्मान

      Avatar सम्पादक माघ १३, २०७७
      गुरुङ भाषाका आदिकवि हर्कबहादुर गुरुङको सालिक कहाँ राख्ने कसरी राख्ने भन्ने लामो समयदेखिको विचार–विमर्श टुङ्गाउँदै गुरुङहरुको बाहुल्य भएको जिल्ला स्याङ्जाको…
    • संवेदनशील राजनीति

      Avatar सम्पादक माघ १२, २०७७
      नेत्रविक्रम चन्द ‘विप्लव’ नेतृत्वको नेकपाले गत शनिवार आह्वान गरेको नेपाल बन्द आंशिक सफल भएको प्रक्षेपण गरिएको छ । आफ्ना २…
    • कांग्रेसको बढ्दो भूमिका

      Avatar सम्पादक माघ ११, २०७७
      सत्तारुढ नेपाल कम्युनिष्ट पार्टी दुई चिरामा विभाजित भएको छ । तीमध्ये ओली पक्ष सत्तामा आसीन छ भने अर्को पक्ष ओलीको…
    • राष्ट्रपति वाइडेनबाट अपेक्षा

      Avatar सम्पादक माघ ९, २०७७
      डेमोक्रेटिक पार्टीका नेता जो वाइडेन अमेरिकाको नयाँ राष्ट्रपति बनेका छन् । राष्ट्रपतिका रुपमा उनी ३ महिना पहिले नै निर्वाचित भएका…
    • कोरोना पीडितलाई ऋण

      Avatar सम्पादक माघ ८, २०७७
      गण्डकी प्रदेश सरकारले कोरोना पीडितहरुलाई उद्योग व्यवसाय सञ्चालनका लागि निब्र्याजी ऋण दिने स्कीम तयारी गरेको छ । सरकारको त्यो स्कीम…

    hero news full width