कोरोना पीडितलाई ऋण

Avatar सम्पादक
माघ ८, २०७७

गण्डकी प्रदेश सरकारले कोरोना पीडितहरुलाई उद्योग व्यवसाय सञ्चालनका लागि निब्र्याजी ऋण दिने स्कीम तयारी गरेको छ । सरकारको त्यो स्कीम अनुसार त्यसले राष्ट्र बैंकसँग सम्झौता पनि गरेको छ । सम्झौतामा प्रदेश सरकारतर्फबाट सचिव इन्दु घिमिरे र राष्ट्र बैंक पोखरातर्फबाट बैंकका प्रमुख ईश्वरीप्रसाद भट्टराईले मंगलबार हस्ताक्षर गरेका छन् । स्कीम अनुसार कोरोना पीडितहरुले उद्योग व्यवसाय सञ्चालन गर्न ५० हजारदेखि १५ लाख रुपैयाँसम्म बिनाव्याज ऋण पाउने भएका छन् । सरकारको यो व्यवस्थाबाट कोरोना पीडितहरुमा उत्साहको सञ्चार भएको छ । यो समाचार सम्प्रेषण भएदेखि उनीहरु कहिले स्कीम लागु होला भनेर उत्सुकतासाथ प्रतीक्षा गरिरहेका छन् ।

सरकारले कोरोना पीडितलाई ऋण उपलब्ध गराउन ४ किसिमका उद्योग व्यवसायको छनोट गरेको छ । ती मध्य एक हो–लघु घरेलु तथा साना उद्यम, दोश्रो साना पर्यटन व्यवसाय, तेस्रो साना यातायात व्यवसाय हो भने चौथो साना सेवामूलक व्यवसाय हो । सरकारले लघु, घरेलु तथा साना उद्यम र साना पर्यटनका लागि १ लाखदेखि १५ लाखसम्म र साना यातायात र साना सेवामूलक व्यवसायका लागि ५० हजारदेखि १० लाखसम्मको ऋण दिने प्रावधान बनाएको छ । सरकारको यो व्यवस्था अनुसार १८ वटा बैंकहरुले ऋण प्रवाह गर्ने छन् । ती १८ बैंकहरुको प्रदेशमा ४ सय ८० शाखाहरु छन् । ऋण लिन चाहनेहरुले तीमध्ये जुनसुकै बैंकबाट पनि आफ्नो सुविधा अनुसार ऋणका लागि निवेदन दिन सक्ने छन् । सरकारले ऋण प्राप्त गर्ने विधि सकेसम्म सरल गरेको दाबी गर्दछ । ऋण प्राप्त गरेपछि ६ महिनासम्म भुक्तानी गर्नु नपर्ने “ग्रेस पिरियड” राखेको छ । तर ऋण पाउन ऋणीले धितोस्वरुप घर, जग्गा सुनचाँदी व्यवसायमा रहेको जिन्सी तथा उपकरण राख्न पाउने व्यवस्था गरेको छ । त्यो ऋण ३ वर्षभित्र भुक्तानी गर्नु पर्ने छ ।

सरकारको उद्देश्य धेरैलाई ऋण दिएर अर्थिक गतिविधि चलायमान बनाउनु रहेको छ । सरकारको यो स्कीमले सरकारप्रति जनता र निजी क्षेत्रको विश्वास बढ्ने छ । सरकारले आफ्नो आर्थिक क्षेत्रको महत्वपूर्ण कार्यक्रमरुपमा यसलाई ल्याउँदैछ । कार्यक्रम निश्चय नै महत्वपूर्ण देखिन्छ । आर्थिक गतिविधि चलायमान गर्न यसले सघाउ पुर्‍याउने विश्वास पनि गर्न सकिन्छ । तर मुख्य कुरा ऋण लिन प्रक्रिया र धितो राख्ने विधि के कति सरल हुन्छ, त्यो महत्वपूर्ण कुरा हो । धेरै झन्झटिलो भयो भने मानिसको आकर्षण कम हुन सक्छ ।

Related News

सम्बन्धित समाचार

    • राजनीतिमा विश्वासको संकट

      Avatar सम्पादक वैशाख १०, २०७८
      माओवादी केन्द्रका अध्यक्ष पुष्पकमल दाहाल प्रधानमन्त्री केपी ओलीको सबभन्दा चर्काे विरोधीका रुपमा देखिएका छन् । उनी र एमालेका वरिष्ठ नेता…
    • गण्डकीमा १३ गतेको प्रतीक्षा

      Avatar सम्पादक वैशाख ९, २०७८
      गण्डकी प्रदेश प्रमुख अमिक शेरचनले वैशाख १३ गते गण्डकी प्रदेश सभाको विशेष बैठकको आह्वान गरेपछि प्रदेशको राजनीति तात्न थालेको छ…
    • मुलुक डुबाउने खेल रोक

      Avatar सम्पादक चैत्र ३०, २०७७
      नागरिकका अधिकार स्थापित गराउने भनेर ल्याइएको संघीयतामाथि कालो बादल मडारिएको छ । नागरिकमा निराशा छाएको छ । राजनीति दलका नेताहरु…
    • वैकल्पिक सरकारका प्रस्ताव

      Avatar सम्पादक चैत्र २९, २०७७
      वैकल्पिक सरकार गठन गरी प्रधानमन्त्री केपी ओलीको सरकारलाई विस्थापित गर्नुपर्दछ भनी लामो समयदेखि कराए तापनि त्यसबारे औपचारिक वार्ता भएको थिएन…
    • सरकारको नेतृत्व गर्न कांग्रेस तयार

      Avatar सम्पादक चैत्र २३, २०७७
      नेपाली कांग्रेसले प्रधानमन्त्री केपी शर्मा ओलीको राजीनामा माग्ने र आफ्नै नेतृत्वमा सरकार गठन गर्ने निर्णय गरे लगत्तै देशको राजनीतिले अर्को…

    hero news full width