कांग्रेस भित्र प्रधानमन्त्रीको होड

सम्पादक
मंसिर १९, २०७९

मंसिर ४ गते सम्पन्न चुनावको परिणाम मध्ये प्रत्यक्षतर्फको मतगणना पूरा भएको छ भने समानुपातिकतर्फको गणना पनि सिद्धिने अवस्थामा छ । त्यसको मोटामोटी आकलन गरिएको छ । घोषित परिणामअनुसार नेपाली कांग्रेस संसदमा सबभन्दा ठूलो दल भएको छ । कांग्रेस ठूलो दल भएकोले त्यसको नेतृत्वमा सरकार बन्ने निश्चित छ । तैपनि बाहिर अनेक तिकडम भइसकेको छ । बाहिर त्यस्तो तिकडम भइरहेको छ भने कांग्रेसभित्र संसदीय नेताका लागि प्रतिस्पर्धा चलेको छ । संसदीय दलको नेता बन्न जो जसरी आएका छन्, त्यसले प्रधानमन्त्री शेरबहादुर देउवाको आसन हल्लिएको छ । तैपनि उनी आफ्नो आसन छोड्न तयार देखिँदैनन् । उनले स्थिति कसरी अघि बढ्छ, त्यो नियाली रहेछन् ।

यो पटक पुस्तान्तरणको आवाज चर्को रुपमा आएको छ । कांग्रेसभित्र मात्र होइन, राजनीतिक क्षेत्रबाहिर पनि त्यो आवाज चर्को रुपमा सुनिँदै छ । तर एमाले र माओवादी पार्टीभित्र भने त्यो खबर सुनिएको छैन । कांग्रेस पार्टीमा पार्टीका महामन्त्री गगन थापाले चुनावको पूर्व सन्ध्यामा आफू प्रधानमन्त्रीको दाबेदार भएको बताएका थिए । उनको त्यो विचारलाई अर्का महामन्त्री विश्वप्रकाश शर्माले पनि साथ दिएपछि नेता गगनको पक्ष अरु सुदृढ भएको देखिएको छ । पहिलेदेखि प्रधानमन्त्रीको दाबेदारको रुपमा रहँदै आएका वरिष्ठ नेता रामचन्द्र पौडेलले यसैबीच आफू सहमतिको विन्दु भएको उल्लेख गरेका छन् । एकातिरको स्थिति यस्तो छ भने अर्कोतिर कोइराला परिवारको विरासतको कुरा पनि आएको छ । बिपीका छोरा शशांक कोइराला र डा. शेखर कोइरालाले पनि यस पटक आफूलाई सशक्त दाबेदारका रुपमा प्रस्तुत गरेका छन् । कांग्रेसभित्रको राजनीति दिनदिनै गरम हुँदै गएको छ ।

कांग्रेस पार्टीको यो विशेषता हो कि पार्टीभित्र प्रजातन्त्र छ । प्रजातन्त्र भएकैले त्यहाँ नेतृत्वसँग प्रतिस्पर्धा हुन्छ । यही त्यसको जीवन्त हो । प्रतिस्पर्धामा अरु थपिन पनि सक्छ भने सहमतिमा त्यो संख्या घट्न पनि सक्छ । त्यो जे भए पनि यस पटक संसदीय दलको नेताको लागि प्रतिस्पर्धा हुन्छ भन्ने कुरा निश्चितप्राय छ । संसदमा कुनैपनि एक पार्टीको बहुमत नआएको स्थिति भएकोले गठबन्धनमा सरकार गठन गर्नु बाध्यता हो । त्यसको लागि आफू उपयुक्त पात्रका रुपमा भएको प्रधानमन्त्री शेरबहादुर देउवाले भन्ने गरेका छन् । सबैको आ–आफ्नै नारा छ, विचार छ । अरु आफ्नो पक्षमा वकालत गर्नु नराम्रो होइन अहिलेसम्म जे भएको छ, त्यो राम्रैका लागि भएको छ । पारदर्शिताको दृष्टिबाट पनि त्यसलाई राम्रो मानिन्छ । त्यो पार्टीभित्रको आन्तरिक चुनाव भए तापनि त्यसले धेरैलाई आकर्षित गरेको छ र मानिसहरुमा कांग्रेसप्रति उत्सुकता बढाएको छ ।

Related News

सम्बन्धित समाचार

  • नयाँ सरकारसामु किसानका पुराना समस्या

    सम्पादक माघ २२, २०७९
    लोकतान्त्रिक पद्धतिमा चुनावलाई त्यसको सुन्दर पक्ष मानिन्छ । त्यो यति सुन्दर हुन्छ कि त्यसले मतदातालाई सधैं आकर्षित बनाउँछ । जनप्रतिनिधि…
  • लुम्बिनीलाई विवादको स्थल नबनाऊ

    सम्पादक माघ १९, २०७९
    भगवान् बुद्धको जन्मस्थल पवित्र लुम्बिनीको आकर्षक किसिमले विकास भइरहेको छ । लुम्बिनीमा विभिन्न बौद्ध देशहरु र बौद्ध संघसंस्थाले आ–आफ्नै देशको…
  • नयाँ राष्ट्रपतिको चर्चा

    सम्पादक माघ १८, २०७९
    नयाँ राष्ट्रपतिको चुनाव आगामी फागुन २५ गतेका दिन काठमाडौंमा हुने भएको छ । निर्वाचन आयोगले यो मितिको घोषणा गरेलगत्तै नयाँ…
  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…

hero news full width