करोना कहर

Avatar सम्पादक
जेठ २, २०७७

१. कोरोना भाइरसबाट जनतालाई बचाउन नेपाल सरकारले गरेको लकडाउनको ५२ औं दिन विहीवार पुरा भएको छ । कुनै चलचित्र प्रदर्शित भएको भए त्यसको ५२ औं दिन कति ठूलो उत्सवको रुपमा मनाइन्थ्यो । तर कोरोना कहरका यी दिनमा जनजीवनले भोग्नु परेको कष्ट वर्णन गरी साध्य छैन ।
२. विहीवार सम्ममा विश्वमा ४४ लाख ४६ हजार ३१ जना संक्रमित भएका छन् भने कुल मृत्यु दुई लाख ९८ हजार चार सय ४२ रहेको छ । यसै गरी १६ लाख ७० हजार चार सय ७४ जना निको भएका छन् ।
नेपालमा २१ हजार ५ सय ६७ जनाको परीक्षण भएकोमा दुई सय ४६ जना संक्रमित भेटिएका छन् भने ३५ जना निको भएका छन् । खुसीको कुरा नेपालमा कोरोनाबाट हालसम्म कसैको मृत्यु भएको प्रमाणित भएको छैन ।
३. विश्व स्वास्थ्य संगठनले हिजो मात्र एक विज्ञप्ति मार्फत कोरोना भाइरस कहिल्यै उन्मुलन नहुन सक्छ भनी सबैलाई सतर्क रहन सन्देश दिएको छ । हुन त यस सम्बन्धी खोप तथा औषधी बनाउन केही मुलुकहरुले प्रयास जारी राखेका छन् । केही त परीक्षणमा ल्याइएका समाचार पनि आइरहेका छन् । विज्ञहरुका अनुसार अहिले नै औषधी पत्ता नै लाग्यो भने पनि त्यसको विधि पूरा गर्न १८ महिना लाग्छ । त्यो वेलासम्म कोरोनाको महामारीले कुन रुप लिने हो त्यो अहिले भन्न सकिने स्थिति छैन ।
४. नयाँ रुपमा आएको कोरोना भाइरसको औषधी अहिल्यै पत्ता लाग्ला नलाग्ला त्यो वेग्लै कुरा हो । तर जसको अहिलेसम्म औषधी छैन, त्यसबाट बच्नको लागि हामी गम्भीर भएर लाग्ने कि नलाग्ने यो महत्वपूर्ण कुरा हो । फेरि यो एउटाको मात्र नभै मानव समाजकै चुनौतिको विषय भएको र एउटाकै लार्पावाहीले पनि धेरैको ज्यान जोखिममा पर्ने भएकोले ‘आफु पनि बचौं र अरुलाई पनि बचाऊँ’ भन्ने आदर्शलाई सबैले आत्मसात गर्न जरुरी छ ।
५. यो महामारीबाट जनधनको क्षति हुन नदिन सबैजसो देशले विभिन्न उपायहरु अवलम्बन गरिरहेका छन् । लामो समयसम्म भएको लकडाउनले मानिसहरु रोगले भन्दा भोकले मर्ने अवस्था देखिदैछ । उद्योग व्यवसायहरु बन्द हुँदा लाखौ लाखको रोजगारी समेत गुमिरहेको छ । विश्वले चरम आर्थिक संकट भोग्दै छ । यस अवस्थामा लकडाउनका विकल्पहरु खोजि जनजीवनलाई ऋण दिने तर्फ पनि ध्यान दिनु जरुरी देखिन्छ ।

Related News

सम्बन्धित समाचार

    • खबरकर्म र कोरोनाको जोखिम

      Avatar सम्पादक वैशाख ३१, २०७८
      हिजोआज सामाजिक सञ्जाल खोल्नेबित्तिकै त्रासलाग्दा खबर देखिन्छन् । पहिला पहिला यति संक्रमित भए भन्ने खबरका लिंक आउँथे । ए उसलाई…
    • नयाँ सरकारका चुनौती

      Avatar सम्पादक वैशाख ३०, २०७८
      विभिन्न शंका उपशंका र आकलनबीच गण्डकी प्रदेश मुख्यमन्त्रीमा पृथ्वीसुब्बा गुरुङ पुन नियुक्त भएका छन् । प्रतिपक्षी दलहरुको दाबी रहँदा रहँदै…
    • प्राणवायुको जोहो गर

      Avatar सम्पादक वैशाख २८, २०७८
      दोस्रो लहरको कोरोनाले मुलुकलाई आक्रान्त पारिसकेको छ । दैनिक मृत्यु हुनेको संख्या बढ्दो छ । पछिल्लो २४ घन्टाको मात्र आँकडा…
    • सहमतिको विकल्प छैन

      Avatar सम्पादक वैशाख २७, २०७८
      गण्डकीको राजनीतिक घटनाक्रमले एकाएक नयाँ मोड लिएको छ । मुख्यमन्त्री पृथ्वीसुब्बा गुरुङले राजीनामा दिएपछि अनेकखाले अड्कलबाजी गर्न थालिएको छ ।…
    • आफ्नो डाक्टर आफै

      Avatar सम्पादक वैशाख २४, २०७८
      लाग्थ्यो रेडियो, टिभीमा बारम्बार बजिरहने सूचनाको औचित्य के होला ? सुनेपछि मनमनै भनिन्थ्यो जाबो हात धुन पनि यसले भन्नुपर्ने मेरो…

    hero news full width