उपप्रधान तथा गृहमन्त्री रविलाई अवसर र चुनौती

सम्पादक
पौष १४, २०७९

त्यसो त उपप्रधान तथा गृहमन्त्री रवि लामिछाने पहिले पनि चर्चामा आइरन्थे । अहिले झन् एकै पटक उपप्रधान तथा गृहमन्त्री भएपछि उनी चर्चाको शिखरमा छन् । उनी यसअघि न कहिले मन्त्री भए न कि सांसद नै बने । एकै पटकमा उपप्रधान तथा गृहमन्त्री चमत्कार हो । त्यस्तो चमत्कार उनले बराबर देखाउने गरेका छन् । उनले आफ्नो राष्ट्रिय स्वतन्त्र पार्टी ६ महिना पहिलेमात्र गठन गरेका थिए । ६ महिना पहिले मात्र गठन भएको पार्टीले प्रतिनिधि सभाको चुनावमा २० सिट जित्नु पनि एक चमत्कार नै हो । अहिले उनको पार्टी नवगठित सरकारको रुपमा त्यसले महत्वपूर्ण भूमिका खेल्न सक्ने भएको छ ।
उनी सञ्चार क्षेत्रमा क्रियाशील हुँदा पनि चर्चित थिए । उनले सञ्चालन गरेको ‘सिधा कुरा जनतासँग’ कार्यक्रम छोटो अवधिमा नै लोकप्रिय भएको थियो । प्रवासमा बस्ने नेपालीहरुले पनि त्यो कार्यक्रम खुब हेर्ने गर्दथे । त्यसरी हेर्नेहरुले चुनावको बेला आफ्नो घरमा आमाबुबा, दाजुभाइलाई एक भोट रविलाई दिन अनुरोध गर्ने गरेका थिए । सहर बजारमा उनको प्रचार चामत्कारिक रुपमा भएको थियो । उनी १० वर्ष अमेरिका गएर उतै बसे । त्यहाँबाट फर्केर उनले लगातार ६२ घन्टा ‘टक सो’ कार्यक्रम चलाएर विश्व कीर्तिमान राखे । त्यो कार्यक्रमले पनि उनको उचाइ अरु थपेको थियो । उनले एकपछि अर्को कीर्ति राख्दै सञ्चार क्षेत्रबाट राजनीतिक क्षेत्रमा जाने विचार गरे । त्यसरी विचार गर्दा–गर्दै उनले एकदिन विधिवत् रुपमा सञ्चार क्षेत्र परित्याग गरे र राजनीतिक पार्टी गठन गर्नेतिर लागे । जसको परिणाम राष्ट्रिय स्वतन्त्र पार्टीको जन्म भएको हो । यो उनको जीवनको ठूलो छलाङ हो ।

उनको लागि यो ठूलो अवसर हो भने चुनौती पनि हो । उनी यो सरकारको ३ जना उप–प्रधानमन्त्रीमध्ये एक हुन् । यो मुलुकलाई ३÷३ जना उपप्रधानमन्त्री चाहिन्छ कि चाहिँदैन, यो एक विवादको विषय हो । त्यसमा पनि राष्ट्रको फजुल खर्च आदि रोक्नु पर्दछ भनेर राम्रो र समसामयिक महत्वको विचार प्रवाह गर्ने आफैं उपप्रधानमन्त्री भएबाट त्यसले सर्वसाधारणमा के सन्देश जान्छ, त्यो सोचनीय कुरा हो । त्यसको अतिरिक्त, उनको नागरिकताको विवाद प्रहरीले छानबिन गर्दै छ । एकातिर प्रहरीले छानबिन गर्ने अर्कोतिर आफंै गृहमन्त्री हुँदा त्यो छानबिन के–कति निष्पक्ष किसिमले हुन्छ, त्यसमा सन्देश पैदा हुँदैन र? हुन त उनले त्यो छानबिनमा आफूले हस्तक्षेप नगर्ने बताएका छन् । तर हाकिमको मुख हेरेर र मुड हेरेर टिप्पणी लेख्ने र निर्णय गर्ने परिपाटी भएको ठाउँमा निष्पक्षताको निर्वाह के कति हुन्छ, त्यो प्रतिक्षाको विषय भएको छ । उनले सरकारमा गएपछि पनि आफूले प्रतिपक्षीको भूमिका निभाउने कुरा पनि बताएका छन् । क्याबिनेटको बैठकमा प्रधानमन्त्रीसँग कुरा मिलेन भने त्यसको विरोध गर्न सकिन्छ तर त्यसरी विरोध गर्नुको मतलब राजीनामा गर्नु हो । प्रधानमन्त्रीको विरोध गरेर क्याबिनेटमा रहिरहनु नैतिकताले दिंदैन । त्यो बचकाना कुरामात्र हो ।

Related News

सम्बन्धित समाचार

  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…
  • उद्योगी व्यवसायीको आन्दोलन स्थगित

    सम्पादक पौष १५, २०७९
    उद्योगी व्यवसायीले लामो समयदेखि गर्दै आएको आनदोलन स्थगित भएको छ । उच्च ब्याजदर लगानीयोग्य पँुजी अभावजस्ता कारणले उद्योगी व्यवसायीको मनोबल…
  • नव गठित सरकारलाई सफलताको कामना

    सम्पादक पौष १२, २०७९
    माओवादी केन्द्रका अध्यक्ष पुष्पकमल दाहाल प्रचण्ड देशका प्रधानमन्त्री भएका छन् । राष्ट्रपति विद्यादेवी भण्डारीले उनलाई आइतबारका दिन नियुक्त गरेकी हुन्…
  • दलितको चित्त दुखाइ

    सम्पादक पौष ८, २०७९
    देशमा दलित र उत्पीडितहरुको एक वर्ग छ, जो सधैं दलित र उत्पीडित भएरै रहिरहेका छन् । देशमा ठूलठूला परिवर्तन भए,…

hero news full width