उद्योगी व्यवसायीको आन्दोलन स्थगित

सम्पादक
पौष १५, २०७९

उद्योगी व्यवसायीले लामो समयदेखि गर्दै आएको आनदोलन स्थगित भएको छ । उच्च ब्याजदर लगानीयोग्य पँुजी अभावजस्ता कारणले उद्योगी व्यवसायीको मनोबल खस्केको भन्दै त्यसको विरोधमा उनीहरुले सडक आन्दोलन गर्दै आएका थिए । नवनियुक्त उपप्रधान तथा अर्थमन्त्री विष्णु पौडेलले आफू भर्खरै मन्त्रालयमा आएको भन्दै उद्योगी व्यवसायीको मागमा सहानुभूति प्रकट गर्दै आन्दोलन स्थगित गर्न आग्रह गरेमा उनको आग्रह मनन् गर्दै आन्दोलन स्थगित भएको छ । अर्थमन्त्री पौडेलको लागि त्यो ठूलो सहयोग भएको छ । निवर्तमान अर्थमन्त्री जनार्दन शर्माले उद्योगी व्यवसायीको मागमा कुनै किसिमको वास्ता नगरेर उद्योगीहरुको काम सडकमा आएर तमासा गर्ने होइन, आ–आफ्नो उद्योग व्यवसायमा फर्की जाउ भन्ने आदेश दिएका थिए । उनको त्यस किसिमको व्यवहारबाट उद्योगी व्यवसायी क्रुद्ध भएका छन् ।

अर्थमन्त्री पौडेलले आन्दोलनकारी उद्योगी व्यवसायीलाई वार्ताका लागि आफैंले बोलाएका थिए । उनीसँग वार्ता गर्न विराटनगर, वीरगञ्ज, भैरहवा, काठमाडौं र नेपालगञ्जसम्मका जिल्ला, नगर र वस्तुसंघका प्रतिनिधि काठमाडौं पुगेका थिए । अर्थमन्त्रीले देशको अर्थतन्त्रमा संकट नआएको तथा लयमा फर्काउनु आवश्यक भएको बताएका थिए । अर्थतन्त्र लयमा फर्काएपछि सबै ठीक हुने आश्वासन दिएका थिए । देशको अर्थतन्त्रमा केही समयदेखि ह्रास आएको छ । व्यापार घाटा बढ्दै भएको छ । विदेशी मुद्राको संचित घट्दै गएको छ, राजस्वले खर्च धान्न सक्ने स्थिति उत्पन्न भएको छ । यस्तै विचौलियाको सक्रियता बढेको र अवैध धन्दा फष्टाउँदै गएको छ । यस्तो स्थितिमा उद्योग गरेर कमाएर खान्छौं भन्नेहरु सुकेर जानु स्वभाविक हो । अधिकांश उद्योगी व्यवसायीहरु चिन्तित छन् ।

पूर्व अर्थमन्त्री शर्माले बजेट निर्माण गर्ने बेलामा तेस्रो व्यक्तिलाई उपस्थित गरेर जे–जस्तो काम गरे, त्यो अवैधानिक हो र नियमविपरीत कुरा हो । तर, त्यो केसमा उनैले जिते । त्यसबेलादेखि अर्थतन्त्र खुल्लमखुल्ला विचौलियाको राज नै भयो । शुद्ध काम गरी खानेहरु पिल्सिदै गए भने विचौलिया मौलाउँदै गयो । त्यसबेला उनको राष्ट्र बैंक गभर्नर महाप्रसाद अधिकारीका बीच विवाद बढ्यो । २ महत्वपूर्ण व्यक्तिको विवादले पनि अर्थतन्त्रलाई ठूलो हानीनोक्सानी गरेको छ । विवादित अर्थमन्त्री भएका शर्माले पनि जिते भने गभर्नर अधिकारीले पनि जिते । निलम्बन पनि फुकुवा भयो र तिनीहरु आ–आफ्नो पदमा पनि फर्के । तर देशको सिंगो आर्थिक क्षेत्रले हा¥यो । आर्थिक क्षेत्रले क्रमशः ओरालो लाग्दै गएको सबैले देखेका छन् तर त्यसको उपचार कसैले गरेनन् । जसको परिणाम हामी कठिन अवस्थाबाट गुज्रनुपरेको छ । अहिले नयाँ अर्थमन्त्री आएका छन् । उनले यसको सही समाधान गर्नेमा सम्बद्ध पक्षहरु आशावादी छन् ।

Related News

सम्बन्धित समाचार

  • असभामुख घिमिरेका चुनौती

    सम्पादक माघ ८, २०७९
    प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट…
  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…
  • उपप्रधान तथा गृहमन्त्री रविलाई अवसर र चुनौती

    सम्पादक पौष १४, २०७९
    त्यसो त उपप्रधान तथा गृहमन्त्री रवि लामिछाने पहिले पनि चर्चामा आइरन्थे । अहिले झन् एकै पटक उपप्रधान तथा गृहमन्त्री भएपछि…
  • नव गठित सरकारलाई सफलताको कामना

    सम्पादक पौष १२, २०७९
    माओवादी केन्द्रका अध्यक्ष पुष्पकमल दाहाल प्रचण्ड देशका प्रधानमन्त्री भएका छन् । राष्ट्रपति विद्यादेवी भण्डारीले उनलाई आइतबारका दिन नियुक्त गरेकी हुन्…
  • दलितको चित्त दुखाइ

    सम्पादक पौष ८, २०७९
    देशमा दलित र उत्पीडितहरुको एक वर्ग छ, जो सधैं दलित र उत्पीडित भएरै रहिरहेका छन् । देशमा ठूलठूला परिवर्तन भए,…

hero news full width