आदिवासी जनजातिको आन्दोलन

सम्पादक
श्रावण २४, २०७६

१. आदिवासी जनजाति लगायतका पिछडिएका जाति र वर्गका लागि संविधानमा आरक्षण गरिएको कोटा सरकारले तलमाथि गर्न थालेपछि आदिवासी जनजातिहरु आन्दोलित छन्। आदिवासी जानजाति लगायतका पिछडिएका जाति र वर्गको उत्थान र विकासको लागि संविधानमा त्यस्तो प्रावधान गरिएको छ।

२. संविधानले आरक्षणको व्यवस्था गरेपछि त्यस वर्गको स्थितिमा केही सुधार भएको महसुुस गरिएको छ। शताब्दीदेखि शिक्षा, दीक्षा, व्यवसाय आदिमा पछि पारिएका वर्गको यत्ति छिटै उत्थान र विकासको धेरै आशा त गर्न सकिँदैन, तर केही सुधार र परिवर्तन भने निश्चय नै देखिएको छ।

३. त्यो वर्ग र जातिमा आएको सुधार र परिवर्तन शायद कसैका लागि सह्य भएन र तिनीहरुले आरक्षणको विरुद्धमा यताउता बोलेर आफ्नो असहिष्णुता देखाउन थालेका छन्। असहिष्णु र अनुदारवादीहरुले त्यसरी बोल्नु एउटा कुरा हो भने सरकारले संविधान प्रदत्त हक अधिकार तल माथि पार्नु अर्को कुरा हो।

४. आदिवासी जनजातिहरु यस देशका भूमिपुत्र हुन्। उनीहरुले बोल्ने भाषा र मान्ने धर्म, संस्कार, संस्कृति, भेषभूषा मौलिक छन्। त्यसमा नेपाली माटोको सुवास छ। राष्ट्र र राष्ट्रियताको हिसाबले ती हाम्रा अमूल्य निधि हुन्। तिनीहरुको संरक्षण र सम्वद्र्धन गर्नु अथवा जगेर्ना गर्नु हामी सबैको कर्तव्य हो।

५. २५ औं विश्व आदिवासी दिवसको सन्दर्भमा यी कुरा उल्लेख गर्नु अरु सान्दर्भिक हुन्छ। आयोजकहरुले यस दिवसको नारा “पहिचान सहितको संघीयता र स्वायत्तताका लागि संविधान संशोधन हाम्रो साझा अभियानः २५ औं विश्व आदिवासी दिवसको सन्दर्भमा समानुपातिक समावेशिताको लागि हाम्रो आन्दोलन” भन्ने छानेका छन्।

६. संयुक्त राष्ट्रसंघले आदिवासी जनजातिहरुको स्थितिमा सुधार गर्न महत्वपूर्ण कदम चालेको छ। यस विश्व संस्थाले आदिवासी वर्ष मनायो। आदिवासी दशक पनि घोषणा गर्यो। त्यो प्रयासले आदिवासी जनजातिहरुले आफ्नो हक अधिकारबारे राम्ररी जान्ने बुझ्ने अवसर पाएका छन् र त्यसको लागि संगठित हुने प्रेरणा पनि पाएका छन्।

७. तर आदिवासी जनजातिहरुको संगठन हिजो जे जति सुदृढ थियो। आज त्यो देखिँदैन। केही गर्छौ भनी नेतृत्वमा आउनेहरुले आफ्नो पालामा केही गर्नुपर्दछ। २५ औं विश्व आदिवासी दिवसले यस क्षेत्रमा लागेकाहरु सबैलाई एउटा उत्साह प्रदान गरी आफ्नो वर्गको उत्थान र विकासको लागि सधैं प्रयासरत रहने शक्ति प्रदान गरोस्, यही हाम्रो कामना छ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width