असभामुख घिमिरेका चुनौती

सम्पादक
माघ ८, २०७९

प्रतिनिधि सभाको गत बिहीबार भएको निर्वाचनमा एमाले स्थायी कमिटीका सदस्य देवराज घिमिरे सभामुख पदमा निर्वाचित भएका छन् । मत विभाजनबाट निर्वाचित भएका उनले उपस्थित २ सय ६८ सांसद्मध्ये १ सय ६७ सांसदको मत प्राप्त गरेका थिए । उनकाविरुद्ध उम्मेदवार भएका नेपाली कांग्रेसका इन्दिरा न्यौपानेले मात्र १ सय मत पाएका थिए । प्रतिनिधि सभाको सभामुख पदलाई अभिभावकका रुपमा लिने गरिन्छ । सबैको अभिभावक हुने भएकाले त्यस पदलाई सबै सम्मत चयन गर्ने गरिन्छ । विगतमा कतिपटक त्यस्तो भएको पनि थियो । तर यसपटक त्यस्तो हुन सकेन । त्यस्तो नभए पनि नवनिर्वाचित सभामुख घिमिरेले आफूले निष्पक्षताका साथ सभा सञ्चालन गर्ने प्रतिबद्धता जनाएका छन् । उनले राष्ट्रपति विद्यादेवी भण्डारीबाट सपथ ग्रहण गरेलगत्तै आफूले एमाले पार्टीको सबै पदहरु परित्याग गरेर स्वतन्त्र रहेको जनाएका छन् ।

२०१३ सालमा ताप्लेजुङमा जन्मेका उनले विद्यार्थी अवस्थादेखि नै कम्युनिस्ट आन्दोलनमा सक्रिय भएका थिए । उनी पार्टीमा संगठन कुशल कार्यकर्ताका रुपमा चिनिन्छन् र आफूले सम्हालेको काम कुरालाई सकेसम्म विवादरहित गरेर सम्पन्न गर्ने/गराउने उनको प्रयासलाई पार्टी नेतृत्वको प्रशंसा गर्न गर्ने गर्दछन् । पद र प्रतिष्ठाको लागि त्यत्ति दौडधुप नगर्ने भएकाले उनलाई पार्टीमा धेरै पछि परेका पनि भन्ने गरिन्थ्यो । व्यक्तिगत रुपले उनी एमालेका वरिष्ठ सदस्य भए पनि पदको हिसाबले उनी पछि पर्दै आएका थिए । यस पटक भने उनले प्रतिनिधि सभाका सदस्यको उम्मदेवार हुने अवसर पाए । उम्मेदवार भएर विजय हासिल पनि गरे । उनका समकालीन कतिपय साथीहरु पटक पटक सांसद भएका थिए । यो उनको पहिलो अवसर हो र पहिलो पटक सांसद भएका थिए । उनले सभामुख हुने अवसर पनि पाए । यो ठूलो कुरा हो । जुन कुरा उनले प्राप्त गरेका छन् ।

यसअघिका केही सभामुखहरु निष्पक्षताको निर्वाह गर्न नसकेकामा धेरै आलोचना भएका सभामुखविरुद्ध संसद अवरुद्ध पनि भएको थियो । सत्ता सरकारको र संसद प्रतिपक्षीको भन्ने मान्यता नेपालमा स्थापित भएको छ । प्रजातन्त्रको पुनस्र्थापित भएपछिको पहिलो संसदको सभामुख दमननाथ ढुंगानाले त्यसको लागि धेरै प्रचार गरेका थिए । त्यो मान्यताको पालना गर्नुपर्दछ भनेर धेरैले भन्ने गरेका छन् । तर आफ्नो पालामा कतिपयले गर्न सकेनन् । कोही पार्टीको छाँया बने भने कोही प्रधानमन्त्रीको ‘एसम्यान’ बने । सभामुखले स्वतन्त्र र निष्पक्ष भएर सभा सञ्चालन गर्नु एउटा चुनौती भएको छ । जसले यो चुनौतीको सामना गरेर काम गरे, उनी सफल भएका छन् र सफल सभामुखमा दर्ज भएका छन् । नव निर्वाचित सभामुखसामु ती सबै कुरा घामजस्तै छर्लंग छन् । उनले कुन बाटो अपनाउलान् त्यो भविष्यमा उनको क्रियाकलापले देखाउने छन् । हामी उनको सफलताको कामना गर्दछौं र उनको भूमिकाबाट संसदीय परिपाटी अरु सुदृढ हुने अपेक्षा गर्दछौं ।

Related News

सम्बन्धित समाचार

  • पृथ्वीजयन्तीमा बिदा गरियोस्

    सम्पादक पौष २२, २०७९
    पृथ्वीनारायण शाहले त्यसबेला बाइसे र चौबिसे लगायतका स–साना राज्यमा छरिएर रहेका राज्यहरुलाई एकीकृत गरेर नेपाल राष्ट्र बनाएका हुन् । उनले…
  • उद्योगी व्यवसायीको आन्दोलन स्थगित

    सम्पादक पौष १५, २०७९
    उद्योगी व्यवसायीले लामो समयदेखि गर्दै आएको आनदोलन स्थगित भएको छ । उच्च ब्याजदर लगानीयोग्य पँुजी अभावजस्ता कारणले उद्योगी व्यवसायीको मनोबल…
  • उपप्रधान तथा गृहमन्त्री रविलाई अवसर र चुनौती

    सम्पादक पौष १४, २०७९
    त्यसो त उपप्रधान तथा गृहमन्त्री रवि लामिछाने पहिले पनि चर्चामा आइरन्थे । अहिले झन् एकै पटक उपप्रधान तथा गृहमन्त्री भएपछि…
  • नव गठित सरकारलाई सफलताको कामना

    सम्पादक पौष १२, २०७९
    माओवादी केन्द्रका अध्यक्ष पुष्पकमल दाहाल प्रचण्ड देशका प्रधानमन्त्री भएका छन् । राष्ट्रपति विद्यादेवी भण्डारीले उनलाई आइतबारका दिन नियुक्त गरेकी हुन्…
  • दलितको चित्त दुखाइ

    सम्पादक पौष ८, २०७९
    देशमा दलित र उत्पीडितहरुको एक वर्ग छ, जो सधैं दलित र उत्पीडित भएरै रहिरहेका छन् । देशमा ठूलठूला परिवर्तन भए,…

hero news full width