अर्थमन्त्रीको आग्रह

Avatar सम्पादक
श्रावण २०, २०७६

१. देशको व्यापार घाटा प्रत्येक वर्ष बढ्दै गई कहालीलाग्दो अवस्थामा पुगेको र त्यसमा सम्बन्धितहरुले चिन्ता समेत व्यक्त गर्ने गरेका छन्। यही कुरालाई महसुस गरेर अर्थमन्त्री डा. युवराज खतिवडाले काठमाडौंमा भएको व्यापारीहरुको एक भेलालाई सम्बोधन गर्दै व्यापारीहरुले सामान आयात गरेर बेच्ने होइन, उत्पादन गरेर बेच्न आग्रह गरेका छन्।

२. अर्थमन्त्री खतिवडाले सरकारले स्वेदेशी उद्योगलाई संरक्षण गर्ने नीति लिएको पनि बताए। उनले भन्सारमा तयारी वस्तुको आयात र कच्चा पदार्थको आयातमा एक तह फरक पारिएको पनि बताए। उनले भन्सार नीतिमा दिइएको उक्त लाभ लिँदै उद्योग धन्दामा आउन सबै व्यवसायीहरुलाई आग्रह पनि गरे।

३. सरकारले भन्सार रणनीतिमा व्यापारलाई सहजीकरण गर्ने र उद्योगलाई संरक्षण गर्ने नीति अख्तियार गरेको बताइएको छ। तैपनि लगानीकर्ताहरु उद्योग धन्दामा लगानी गर्न हिच्किचाई रहेका छन्। उनीहरुले त्यस्तो हिच्किचाहट गरेरै हो कि बाह्य लगानीकर्ताहरु पनि त्यसरी आकर्षित भएका छैनन्।

४. सरकारले गत चैत्र महिनामा काठमाडौंमा आयोजित लगानी सम्मेलनमा १७ खर्ब ३० अर्ब रुपैया बराबरको लगानी प्रस्ताव गरेका थिए। तिनीहरुले केही समझदारीमा हस्ताक्षर समेत गरेका थिए। त्यसपछि तिनीहरु पनि उत्साहका साथ आएको पनि देखिएन। द्व

५. अर्थमन्त्री खतिवडाले निजी क्षेत्रलाई उत्पादन गर्ने क्षेत्रमा लगानी गर्न त आग्रह गरे। तर सरकार अन्तर्गतका गोरखकाली रबर उद्योग, हेटौँडा कपडा कारखाना लगायतका औद्योगिक प्रतिष्ठानहरु धेरै वर्षदेखि बन्द छन्। ती उद्योगहरुमा ५० जना देखि कमसेकम ३०० जना कामदारहरु दैनिक हाजिरी गरेर बसिरहेका छन्।

६. तिनीहरुले वषौर्देखि तलब पनि पाएका छैनन्। तिनीहरु द्विविधामा छन्। हाजिरी गर्न नगए पाकेको तलब पछि भुस होला भन्ने डर, हाजिरी गरेर पनि केही पाउने हो कि होइन भन्ने शंका। त्यस्तोमा पनि सरकारको ध्यान गएको छैन। आयात घटाउने बारेमा पनि अर्थमन्त्री खतिवडाले ती उद्योगहरुबारे केही बोलेनन्।

७. हामीले पहिले पनि बन्द रहेका ती उद्योगहरु बारे लेखेका थियौं। सरकार लामो समय अनिर्णयको बन्दी भएर बस्नु हुँदैन। त्यो राष्ट्रिय सम्पत्तिको दुरुपयोग हो। जति पछि भयो उति नोक्सानी, बढ्दै जान्छ। बन्द रहेका ती औद्योगिक प्रतिष्ठानहरु संचालन गरिएमा एकातिर आयात प्रतिस्थापन हुनसक्छ भने अकोर्तिर राष्ट्रिय सम्पत्तिको सदुपयोग हुन्छ। त्यसको साथै बेरोजगारहरुले रोजगारी पाउँछन् भने हाजिरी गरेर दिन बिताइरहेका कामदारहरुको भविष्य पनि सुनिश्चित हुन्छ।

तपाइको विचार व्यक्त गर्नुहोस्

अन्य शिर्षकहरू

संविधान दिवस र हामी

परराष्ट्रको विवाद

वी.पी.को सम्झना

आरतिको बढ्दो महत्व

प्रमुख समाचार

संविधान दिवसमा प्रदेश प्रमुखको शुभकामना

थप प्रमुख समाचार

भलिवलमा कर्मचारीको समूह विजयी

गण्डकी प्रदेश पर्यटन प्रवद्र्धन अभियान

डेंगु नियन्त्रण गर्न माग

मुख्यमन्त्री नै उत्रिए सरसफाइमा