अग्रज पत्रकारको अवसान

Avatar सम्पादक
चैत्र ८, २०७७

नेपालका अग्रज पत्रकार तथा वरिष्ठ वामपन्थी बुद्धिजीवी मणिलाल श्रेष्ठको २०७७ चैत ३ गते मंगलबारका दिन काठमाडौंको गंगालाल अस्पतालमा ८९ वर्षको उमेरमा निधन भयो । उनी लामो समयदेखि मिर्गाैला र मुटुको रोगबाट पीडित थिए । उनी २००८ सालमा नेपाल भाषा दैनिक पत्रिकामा आबद्ध भएर पत्रकारिता पेसामा लागेका थिए । उनको सम्बन्धमा अर्काे उल्लेखनीय के पनि छ भने पूर्वप्रधानमन्त्री कृष्णप्रसाद भट्टराईको अध्यक्षतामा नेपालमा पहिलोपटक गठित नेपाल पत्रकार संघको महासचिव पनि भएका थिए । उनले पत्रकार संघको महासचिव पनि भएका थिए । उनले पत्रकार संघको सांगठनिक विकास र पत्रकारको हक हितका लागि महत्वपूर्ण योगदान गरेका थिए । संस्थापक महासचिवको रुपमा उनी स्मरणीय रहिरहेका छन् ।
उनी वामपन्थी बुद्धिजीवीका रुपमा चर्चित थिए । उनी खाँटी कम्युनिस्ट थिए, तर कुनै पनि कम्युनिस्ट पार्टीसँग उनी आबद्ध भएर रहेनन् । उनी विद्यार्थी अवस्थामा विद्यार्थी फेडेरेसनसँग आबद्ध थिए तर त्यसमा पार्टीले एकाधिकार गर्न थालेपछि उनले फेडेरेसन परित्याग गरेका थिए । २०१४ सालमा उनी काठमाडौं नगरपालिकामा वडाअध्यक्ष पदमा कम्युनिस्ट पार्टीको तर्फबाट लड्न खोजेका थिए । तर नेपाल भाषा र साहित्य सम्बन्धमा नेताहरुसँग विचार नमिलेपछि उनी स्वतन्त्र उम्मेदवार भएर विजयी भएका थिए । धर्म र कर्मकाण्ड सम्बन्धमा पनि उनको आफ्नै विचार थियो । उनले आफ्नो पिताजीको निधनमा कुनै कर्मकाण्ड गरेनन् । उनले टीका लगाउँदैनथे ।
उनले कलकत्ता विश्वविद्यालयबाट अंग्रेजी भाषामा एमए र एलएलसी गरे । इतिहास उनको रुचिको विषय थियो । इतिहासका तिथि मिति उनलाई कण्ठै आउँथ्यो । घटनाक्रमलाई क्रमबद्धरुपमा भन्न सक्थे । त्यस सम्बन्धमा अभूतपूर्व ज्ञान भएकाले उनलाई इन्साइक्लोपेडिया पनि भन्ने गरिएको थियो । नेपाल भाषाको विकासको लागि उनले धेरै काम गरेका थिए । त्यसमा लागेकाले उनलाई साम्प्रदायिक पनि भनियो । पञ्चायत कालमा उनी ३ वर्ष जेल पनि बसे । एकताका उनको प्राध्यापक पेसा पनि खोसियो । तैपनि उनले आदर्श र सिद्धान्त परित्याग गरेनन् । उनले धेरै धेरै कम्युनिस्ट नेताहरुलाई प्रशिक्षण दिएका थिए । सल्लाह र सुझाव दिएका थिए । कम्युनिस्टहरु त फैलिए । सरकारमा कम्युनिस्ट, सदनमा कम्युनिस्ट र सडकमा पनि कम्यनिस्ट छन् । तर आचरण र व्यवहार सिद्धान्त अनुसार नभएकामा उनी खिन्न हुन्थे । पार्टीको विभाजनबाट पनि उनी दुखित भएका थिए । उनको निधनमा प्रधानमन्त्री ओलीले विज्ञप्ति जारी शोक व्यक्त गरेका छन् ।

Related News

सम्बन्धित समाचार

    • मुलुक डुबाउने खेल रोक

      Avatar सम्पादक चैत्र ३०, २०७७
      नागरिकका अधिकार स्थापित गराउने भनेर ल्याइएको संघीयतामाथि कालो बादल मडारिएको छ । नागरिकमा निराशा छाएको छ । राजनीति दलका नेताहरु…
    • वैकल्पिक सरकारका प्रस्ताव

      Avatar सम्पादक चैत्र २९, २०७७
      वैकल्पिक सरकार गठन गरी प्रधानमन्त्री केपी ओलीको सरकारलाई विस्थापित गर्नुपर्दछ भनी लामो समयदेखि कराए तापनि त्यसबारे औपचारिक वार्ता भएको थिएन…
    • सरकारको नेतृत्व गर्न कांग्रेस तयार

      Avatar सम्पादक चैत्र २३, २०७७
      नेपाली कांग्रेसले प्रधानमन्त्री केपी शर्मा ओलीको राजीनामा माग्ने र आफ्नै नेतृत्वमा सरकार गठन गर्ने निर्णय गरे लगत्तै देशको राजनीतिले अर्को…
    • देउवा र प्रचण्डको भेटघाट

      Avatar सम्पादक चैत्र १९, २०७७
      प्रधानमन्त्री केपी शर्मा ओलीलाई प्रतिगामी भनेर सबैभन्दा बढी र चर्को गरी आलोचना गर्ने माओवादी केन्द्रका अध्यक्ष पुष्पकमल दाहाल प्रचण्ड र…
    • राजनीतिमा विश्वासको संकट

      Avatar सम्पादक चैत्र ९, २०७७
      केही महिनादेखि प्रधानमन्त्री केपी ओलीको चौतर्फी विरोध भइरहेको छ । प्रतिनिधिसभा ब्यूतिएपछि नैतिकताको हिसाबले पनि प्रधानमन्त्रीले राजीनामा गर्नुपर्दछ भन्नेहरुको संख्या…

    hero news full width

    sanil ads

    wordlink ads