कार्तिकको मैना छ । नेपालीहरु बर्षभरि खानका लागि अन्न भित्र्याउन तल्लीन छन् । जब आकाशमा सानो बादल देखा पर्छ किसान रातभर निदाउँदैन त्यसरी नै देशको ठूलो पार्टी नेकपा र प्रति पक्ष दलका नेताहरुको बोलाइ र व्यबहार देख्दा नेपाली जनता डरारहेका र अनि अचम्भित भएका पनि छन् । नेपाली काङ्ग्रेस जुन देशमा बहुदलीय ब्यवस्थान पुनःस्थापना पछि धेरै पटक सरकारको नेतृत्व गर्यो । अनि ३/३ पटक प्रधानमन्त्री बनेका र हाल नेपाली काङ्ग्रेसको सभापति रहेका देउवाले रामचन्द पौडेलका कारण नेपाली काङ्ग्रेस बिग्रेको हो भन्नू र ओलिले पार्टीकालाई मुठ्ठीमा लिएर हिँड्नु अतिनै दुःखद बन्दैगएको देखिन्छ। सत्ता धारी पार्टीका अध्यक्ष तथा प्रधानमन्त्री देश र जनता प्रति उत्तरदायी नहुनु अनि प्रतिपक्षी दल मौन हुनु घातक देखिदै छ ।
अहिलेको अवस्थामा नेपाली सत्ताः¬–र ाजनीतिको मिँयो पार्टी हो नेकपा । दुइतिहाइ बहुमतसहित अहिले नेपालमा यही पार्टीको शासनसत्ता छ । प्रकट रुपमा नेकपाको दुई तिहाइ बहुमत रहेको छ, तर यो पार्टी नेतापिच्छे गुट–समूहमा टुक्रा¬–टुक्रा छ । व्यक्ति र गुटका स्वार्थ, अहंकार र दम्भको टक्करले त्यही बहुमतलाई धरापमा पारेको छ । यतिखेर नेकपा, त्यसको सरकार र तिनका नेताहरु आफैले सिर्जना गरेको ठूलो भूमरीमा फँस्दैछन् ।
जगजाहेर सत्य हो– अहिले देखापरेको भूमरीको सर्जक सोही पार्टीका मूल नेतृत्वकर्ता तथा मुलुकका शासनसत्ताको बागडोर सम्हालिरहेका ‘सर्वशक्तिमान’ प्रधानमन्त्री एवं सत्तारुढ नेकपाका अध्यक्ष खड्गप्रसाद शर्मा ओली नै हुन् । पार्टी नेतृत्व तथा राजकीय सत्तामाथि आफ्ना खुट्टाले बलियोसँग टेक्दै जाँदा पार्टी संगठनका विधान, नीति र पद्दतिलाई खल्तीमा हालेर मनचिन्ते व्याख्या– गर्ने हदसम्मको उनमा पलाएको निर्विकल्प शासकको दम्भ तथा अलौकिक र सर्वशक्तिमान ठान्ने ‘मतिभ्रम’ले गर्दा भूमरी सिर्जना भएको हो । हुँदा हुँदा म नभए देश डुब्ने छ भन्न लागेका छन् । र, त्यो भूमरीलाई चर्को रुपमा हुँडल्ने काम चाहिँ पार्टीभित्रको गुटबन्दी, अविश्वास र छिर्के हलाइको त्रासद स्थितिले पनि गरेको छ । फलतः यतिखेर त्यस ‘गुट्को ’ भूमरीले सबैभन्दा बढी रन्थनाएको कसैलाई छ भने उनै ओलीलाई छ । त्यसले उनको शासनसत्ताको कुर्सी डोलायमान भएको छ, पार्टीभित्रको उनको सर्वोच्च प्राधिकारमा चुनौती पैदा भएको छ । र, यो भूमरीबाट पार पाउन उनी कहिले प्रचण्ड त माधव शरणमा जान अभिशप्त छन् । यत्तिका बहुमत प्राप्त पार्टीका अध्यक्ष तथा प्रधानमन्त्री भएका ओलि बर्बराउनु देशका लागि नै घातक हो ।
पार्टी नेतृत्व तथा राजकीय सत्तामाथि आफ्ना खुट्टाले बलियोसँग टेक्दै जाँदा पार्टी संगठनका विधान, नीति र पद्दतिलाई खल्तीमा हालेर मनचिन्ते व्याख्या–प्रयोग गर्ने हदसम्मको उनमा पलाएको निर्विकल्प शासकको दम्भ तथा अलौकिक र सर्वशक्तिमान ठान्ने ‘मतिभ्रम’ले गर्दा भूमरी सिर्जना भएको हो । र, त्यो भूमरीलाई चर्को रुपमा हुँडल्ने काम चाहिँ पार्टीभित्रको गुटबन्दी, अविश्वास र छिर्के हलाइको त्रासद स्थितिले पनि गरेको छ ।
विगततिर फर्केर हेर्दा क्रान्ति र समाज रुपान्तरणको ‘पवित्र सपना’सहित ‘व्यक्तिहत्या’को राजनीतिबाट शुरु भएको हो ओलीको यात्रा । उनी र उनका अन्य सहयोद्धाले पक्रेका बाटो ‘गलत’ थियो भनेर उनीहरुकै पार्टीले स्वीकारिसकेको तथ्य बेग्लै चर्चा र बहसको विषय हो । त्यसै ‘गल्ती’वापत उनी र उनका थुप्रै सहयोद्धाले कठोर जेल जीवन, यातना तथा कतिपयले त मृत्युसमेत वरण गरिसकेको इतिहाससिद्ध तथ्य हो । ओली स्वयंले पनि १४ वर्षको जेल जीवन भोगेका हुन् ।
तत्कालीन शासकसामु गल्ती स्वीकार्दा वा माफी माग्दा नारकीय जीवनबाट छुटकारा पाउने ‘अवसर’लाई उनीहरुले लत्याएकै हुन् । आफ्ना अन्य सहयोद्धाजस्तै ओली पनि थुप्रै कमीकमजोरीका बाबजूद प्रतिकूल शासन सत्तासामु राजनीतिक आस्था, निष्ठा र समर्पणका सतिसालका रुपमा आफूलाई प्रमाणित सिद्ध गरिसकेकै व्यक्ति हुन् । त्यसैले नै ‘व्यक्ति हत्या’बाट राजनीति शुरु गरेका तथा पहाडबाट झापा झरेका क्रान्तिकारी जोशसहितका एक ठिटोलाई शनैशनै राष्ट्रिय राजनीतिमा स्थापित गरेको पनि हो । र, अनुकूल राजनीतिक व्यवस्था स्थापित भएपछि उनले मुलुकको सर्वोच्च कार्यकारी पद प्रधानमन्त्रीमा समेत आसीन हुने मौका प्राप्त गरेका हुन् । जब ओलि प्रधानमन्त्री बने जनताले ठूलो अपेक्षा गरेका थिए तर के भयो र अझै के हुँदै छ । आखिर किन ?
अहिलेको अवस्थामा आइपुग्दा ओलीको क्रान्तिकारी छबि खण्डित भइसकेको छ, धूलोपीठो भएको छ । त्यो छविलाई एउटा अहंकारी, दम्भी, पदलोलुप, अत्यन्तै व्यक्तिकेन्द्रित, मूढाग्रही र पूर्वाग्रही केपी ओलीको छबिले विस्थापित गरेको छ । तत्कालीन शासकहरुसामु आत्मसमर्पण गरेर ‘सुख सयलको जीवन’लाई लत्याएर उनले रोजेको १४ वर्षको कठोर जेल जीवन यतिखेर उनका लागि थोत्रो बखानको ब्याज भजाउने विषयवस्तु भएको छ । उनकै सहयोद्धा र उनकै पार्टीका सहकर्मीहरु चिच्याइ¬–चिच्याइ भनिरहेका छन्– आजका केपी ओली क्रान्तिकारी आदर्शबाट च्यूत भएर अत्यन्तै आत्मकेन्द्रित, व्यक्तिकेन्द्रित र घमण्डी शासकमा रुपान्तरित भइसकेका छन् । उनी आलोचना सुन्न र भिन्न विचारलाई पचाउनै सक्दैनन् । उनमा चरम व्यक्तिवादी अंहकार पैदा भएको छ । शक्तिको अति केन्द्रीकरण गर्ने रोगले उनी ग्रस्त बनेका छन्, संगठन र पार्टीका सिद्धान्त, नीति एवं विधान उनका लागि खोपीमा सजाउने वस्तु भएका छन् । पार्टी सञ्चालन गर्ने उनको रुचि र विधि सर्वसत्तावादी हुकुमे शैलीमा रुपान्तरित भएको छ ।
अहिले नेकपाभित्र देखापरेका द्वन्द्व र भूमरीको मूल जड पनि त्यसैमा निहित देखिन्छ । त्यसैको उपचार खोज्ने नाममै अहिलेको भूमरीको बबण्डर सिर्जना भएको देखिएको छ ।
यो कुरामा कुनै शंका छैन, अहिलेको भूमरी सिर्जनाका प्रथमकर्ता प्रधानमन्त्री ओली नै हुन् । तर आज जुन स्थिति पैदा भएको छ, के त्यसको एक्लो र एक मात्र दोषी ओली मात्रै हुन् त ? निश्चित रुपमा होइन । अहिलेको विद्रुप स्थितिको सम्पूर्ण भार र दोष रोगले जीर्ण भएको उनको बूढो काँधमाथि मात्रै लादिदिनु न्यायोचित हुँदैन । पार्टीको राजकीय सत्ताको सर्वोच्च पदमा आसीन भएपछि विस्फोटक रुपमा देखापरेका अहंकार, दम्भ र व्यक्तिवादजस्ता ‘ओली प्रवृत्ति’ले किन र कसरी पार्टी संगठनका विधान, नीति र पद्दतिलाई पाइतालामुनि कुल्चेर पार्टीभित्र बलियोसँग जरा गाड्ने अवसर, मौसम र मलजल प्राप्त गरे ? त्यसको निर्मम समीक्षा पनि हुनु जरुरी छ ।
उहाँलाई थाहा नै थियोे प्रचण्ड कस्तो प्रवृतिका छन् भनेर राजनीतिक चतु¥याइँ भएका ओलीले नेपाली काङ्ग्रेससग सहयात्री भएर हिडेको तत्कालीन माओवादी पार्टीलाई आफुतिर ल्याए । जनतामा ठूलो आशा र भरोसाहरु देखाई दुई तिहाई बहुमत ल्याई प्रधानमन्त्री बने । तर बिडम्बना ओली अहिले उक्त दुईतिहाई समेल्न सकिरहेका छैनन् । पूर्व माओवादी मात्रै हैन पूर्व नेकपा एमालेका कैयौं नेता कार्यकर्ता उहाँको कार्यशैलीप्रति सन्तोष देखिँदैनन । पटक–पटक फुटको सङ्घारमा पुगेर नफुटेको यस पालि पुनः तात्तिएर आएको ज्वालामुखी जस्तो बनेको छ ।
सर्वहाराको पार्टी भनाउँदो र त्यसैको सरकार छ । तर सर्वसाधारणले हातमा कम्तिमा एक लाख नदेखाउने हो भने हस्पिटल टेक्नसमेत नपाउने भएका छन् । स्वस्थ्य र शिक्षा निःशुल्क हुनुपर्छ भनेर जति भने पनि अहिले पार्टी र सरकारको औकात सबैले बुझेका छ्न । पार्टी भित्र भित्रै मडारिएको बादल नफारेसम्म देशको विकास हुन सक्दैन ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१