सन् १८२६ देखि १९४८ सम्म म्यानमारमा ब्रिटिसको उपनिवेश थियो । सन् १९४२ देखि १९४५ सम्म म्यामार फेरि जापानको नियन्त्रण रह्यो । उपनिवेशवाद शक्तिशाली राष्ट्रहरुले कमजोर राष्ट्रहरुमाथिको नियन्त्रणको अवधारणा थियो । जहाँ शक्तिशाली राष्ट्रहरुले कमजोर राष्ट्रहरुको स्रोत र साधनमाथि प्रभुत्व र नियन्त्रण गर्ने गदर्थे । सोही उपनिवेशका कारण म्यानमारमा जातीय विभाजन हुनुका साथै आर्थिक र राजनीतिक प्रभाव पारेको थियो ।
इतिहासलाई केलाएर हेर्दा दोस्रो विश्वयुद्धताका देखिनै म्यानमारमा बुद्ध धर्म मान्नेहरु ब्रिटिसले उपनिवेश गरेको हेर्न रुचाउँथे भने मुस्लिमहरु जापानी उपनिवेश समर्थन गर्थे । म्यानमारका प्रथम प्रधानमन्त्री यु नु दुवै पक्षको विवादलाई सुल्झाउन चाहन्थे । तर यी विवादहरु अझै पनि कायमै छन् । किनभने दुवै धर्मका विश्वास, विचार, र आस्थाहरु फरक फरक छन् । सेनाले त्यहाँका नेताहरुलाई पटक पटक नियन्त्रणमा लिने र राज्यसत्ता सञ्चालन गर्दै आएको थियो । जातीय विभाजन र मुस्लिम समुदायको व्यवस्थापन पक्षनै राजनीतिक विषय बन्दै आइरहेको छ ।
संघिय लोकतन्त्रको अभ्यासमा जाने र जातीय, सामाजिक द्वन्द्वको अन्त्य गर्न नेतृत्व वर्ग, सेना र शसस्त्र द्वन्द्वमा लागेका समूहहरु बीच पटक-पटक सहमति भएको थियो । उक्त सहमतिमा केही जातीय समूहहरु सहमति भए भने केही जतीय समूहहरुले उक्त निर्णयहरु स्वीकार गरेनन् । त्यस मध्येको रोहिग्या समुदायलाई सरकारले आफ्नो जनता नभएको भनेको थियो । सन् २०१४ मा त्यहाँको सरकारले १ सय ३५ वटा समूहहरुलाई सरकारी तथ्यांकमा समावेश गर्यो तर रोहिग्या समुदायलाई उक्त लिष्टमा राखेन् । सोही अनुसार अन्य समूहरुलाई देशको नागरिकता दिएको थियो । तर रोहिग्याहरुलाई नाागरिकता दिएन । सेना बुद्ध धर्मप्रति आस्थावान देखिन्छ । त्यसैले बुद्ध धर्म र मुस्लिम धर्म मान्नेहरुबीच ठूलो विवाद छ । त्यही विवादको मारमा रोहिग्या समुदाय पनि परेको छ ।
पछिल्लो पटक सन् २०१७ मा रोहिग्या समुदायमाथि हिँसात्मक गतिविधि भयो । त्यसको नेतृत्व सेना आफैले लिएको आरोपहरु लागिरहेको छ । हिँसाकै कारण हजारौं रोहिग्याहरु देश छाडी वंगलादेश, भारत, नेपाल जान वाध्य भएका थिए । १० लाखभन्दा बढी मुस्लिम रोहिंग्याहरु राज्यविहीन र राज्यको पहिचानबाट वञ्चित भएका थिए । अन्तरिाष्ट्रय समुदायले उनीहरुको संरक्षण र मानवीय सहायता प्रदान गरिरहेको छ । यो विषय अन्तर्राष्ट्रिय अदालतमा समेत पुगेको थियो । उक्त घटनालाई अन्तर्राष्ट्रिय मानव अधिकारीवादीहरुले संहारको नाम दिएका थिए । जसले गर्दा म्यानमारको सेनाले अन्तर्राष्ट्रिय मानव अधिकार हनन् गरेको आरोप लागेको थियो । तर सेनाले भने जातीय दंगाको व्यवस्थापन गरेको भनी तर्क गरेको थियो ।
सेनाको प्रतिगामी कदमले फेरि म्यानमार पहिलेकै अवस्थामा फर्किएको छ । लोकतन्त्रको अभ्यासमा ठेस लागेको छ
अन्तर्राष्ट्रिय समुदायले आङसाङ सुकीको निर्वाचित सरकारले किन केही गर्न सकेन भनेर प्रश्नहरु उठाइएरहेका थिए । पटक पटक निर्वासनमा रहेकी उनी पछिल्लोपटक निर्वाचनबाट सरकारको नेतृत्व गरिरहेकी थिइन् । तर म्यानमारको संविधानले सेनालाई बढी अधिकार दिएको छ । सुकी लोकतन्त्रका लागि राष्ट्रिय लिग नामक पार्टीको पनि प्रतिनित्वि गर्ने भएकाले अन्तर्राष्ट्रिय समुदायले उनको ठूलै अपेक्षा गरेको थियो । लोकतन्त्र र मानव अधिकारका लागि अहिंसात्मक आन्दोनमा लागेको भन्दै नोबेल शान्ति पुरस्कार पनि उनले प्राप्त गरेकी थिइन् । तर म्यानमार भित्रको आन्तरिक समस्या व्यवस्थापन र रोहिंग्या समुदायको व्यवस्थापनमा चासो नदेखाए पछि भने उक्त पुरस्कार विवादित बनेको थियो ।
जनताले निर्वाचनबाट सुकीलाई छनौट गरे पनि त्यहाँको संविधान अनुसार सरकारमा सेनाको उपस्थिति हस्तक्षेपकारी नै हुन्छ । त्यसमा पनि गृह मन्त्रालय, सीमा व्यवस्थापन मन्त्रालय, रक्षा मन्त्रालय सेनाकै मातहतमा रहन्छन् । त्यसै गरी त्यहाँको नीतिगत संरचना र त्यसको लागु गर्ने पक्ष एकदमै फितलो छ । सुकीको सरकार जनताबाट निर्वाचित भए पनि लोकतान्त्रिक विधिमा देशलाई अगाडि लैजान उनले सकेकी छैनन् । त्यसका अलावा देशलाई संघीय लोकतान्त्रिक व्यवस्थामा लैजान चाहिने आवश्यक नीति र नियम पनि प्रयाप्त छैनन् । त्यसैले त्यहाँको लोकतन्त्र नाम मात्रको बन्न पुगेको छ । त्यसैगरी सेनाले जनताको हक अधिकारभन्दा सेनाका मुख्य व्यक्तिको पक्षमा चासो दिने गर्दछ । सन् २०११ देखि त्यहाँको सेनाले लोकतान्त्रिक अभ्यासलाई स्वीकार गर्दै आएको थियो । तर राजनीतिक मुलधारमा अल्पसंख्यक समुदायको पहुँच भने छैन ।
संयुक्त राष्ट्रसंघीय सुरक्षा परिषदले म्यानमानरलाई रोहिंग्या समुदायप्रति जवाफदेही रहन आग्रह गर्दै आएको हो । सुरक्षा परिषदले सन् २०१८ मा म्यानमार र वंगलादेशमा त्यहाँका रोहिंग्याहरुको अवस्थाका बारेमा अध्ययन गरेको थियो । सोही भ्रमणमा म्यानमारको सरकारले देशभित्र भएका आन्तरिक द्वन्द्वको व्यवस्थापनमा सहकार्य गर्ने निर्णय गरेको थियो ।
रोहिंग्याको समस्या व्यवस्थापन गर्ने विषयलाई लिएर सेनाले सन् १९६२ देखि बेला बेला कु गरिरहेको छ । सुकी त्यसको सिकार बन्दै आइरहेकी छन् । फेरि उनलाई सेनाले हिरासतमा लिएको समाचार आएका छन् । एक वर्षका लागि आपत्कालीन राज्यको घोषणा गरिएको छ । सेनाको उक्त कार्यले फेरि म्यानमार पहिलेकै अवस्थामा फर्किएको छ । लोकतन्त्रको अभ्यासमा फेरि ठेस लागेको छ । सेनाले रोहिंग्याहरुको समस्या व्यवस्थापनमा खासै चासो दिँदैन । सुकीबाट अन्तर्राष्ट्रिय समुदायले अझै अपेक्षा गरिरहेको छ । सन् २०११ देखि लोकतान्त्रिक अभ्यास नै समस्या व्यवस्थापनको मुख्य आधार बन्दै आएको थियो । पछिल्लो पटक सन् २०२० मा भएको निर्वाचनमा सेना समर्थित पार्टीले राम्रो पहिचान दिन सकेन । सुकीको पार्टीले राम्रो मत ल्याएको थियो । निर्वाचनकै विषयलाई लिएर सेनाले विवाद झिकिरहेको थियो । सेनाको यो हर्कतले रोहिंग्याहरुको समस्या व्यवस्थापन फेरि थप समस्या बनेको छ । त्यहाँको लोकतन्त्र र रोहिंग्या समुदायको व्यवस्थापनका लागि अन्तर्राष्ट्रिय समुदायको निरन्तर दबाब जरुरी छ ।
Related News
सम्बन्धित समाचार
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
पाब्लो नेरुदा : जनकवि तथा क्रान्तिकारी नेता
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१