सरकारले देशमा प्रचुर मात्रामा उद्योगहरु खोली प्रत्येक घरघरमा रोजगारीको अवसर दिनुपर्दछ । देशका स–साना, मझौला, घरेलु तथा ठूला उद्योगहरु खोल्न सरकारले नियम कानून सरल बनाउनुपर्दछ ।
जबसम्म देशमा आर्थिक समृद्धि हुँदैन, तबसम्म देशले प्रगति हासिल गर्न सक्दैन । देश विकासको मेरुदण्ड भनेको आर्थिक विकास नै हो । देशको आर्थिक विकास गर्नको लागि देशमा उद्योगधन्दाको विकास हुनुपर्छ । अन्यथा देशको आर्थिक विकास सम्भव छैन । अझैसम्म देशमा ५÷७ हजार श्रमिकले काम गर्ने उद्योग कलकारखाना देशमा खुलेका छैनन् । यो दुःखलाग्दो कुरा हो ।
विदेशीले बनाएका केही उद्योगहरु बाँसबारी छालाजुत्ता कारखानाले देशमा राम्रै छालाका जुत्ता उत्पादन गरी सर्वसाधारण नेपाली जनताले सो जुत्ता लगाउँथे । राम्रो गुणस्तर पनि थियो । सो उद्योगबाट उत्पादित जुत्तामा सबै नेपाली सन्तुष्ट थिए । सो उद्योग पनि कौडीको मूल्यमा त्यस बेलाको सरकारले बेच्यो । त्यसैगरी भृकुटी कागज कारखाना, गैंडाकोटबाट पनि देशलाई चाहिने कागज उत्पादन भइरहेको थियो । सो उद्योग पनि कौडीको भाउमा निजी क्षेत्रलाई बिक्री गरियो । आज सो उद्योग बन्द भयो । सो कारखानाको जग्गा हाल आएर घडेरीमा बेचिएको छ ।
त्यसैगरी, हेटौँडा कपडा कारखानाबाट राम्रो राम्रो कपडा उत्पादन गरी रहेको थियो । सो पनि निजी क्षेत्रलाई त्यसबेलाको सरकारले कौडीको मूल्यमा बेच्यो । वीरगञ्ज कृषि औजार कारखानाबाट कृषिमा प्रयोग हुने औजार उत्पादन हुन्थे । राम्रै नाम चलेको थियो । राम्रै कृषि औजारहरु उत्पादन भएका थिए । सो उद्योग पनि बन्द भयो । यसरी देशमा खुलेका केही बचे खुचेका अन्य उद्योगहरु पनि बन्द भएका छन् ।
देशमा भएका केही पुराना उद्योगहरु पनि विगतका सरकारले संरक्षण गर्न सकेनन् । नयाँ उद्योगहरु संचालन गर्नेतर्फ विगतका सरकारले ध्यान दिएनन् । बचेखुचेका केही उद्योगहरु पनि माओवादीले ध्वस्त पारे । केवल राजनीतिक चलखेलमात्र भयो । आ आफ्नो पार्टीहरु आ आफ्नो पार्टीको विकास र आ आफ्ना पार्टीको कार्यकर्ताको भरण पालनपोषणमै सीमित भए । आफ्नो पार्टी सरकारमा कसरी जाने को मन्त्री बन्ने, कसलाई प्रधानमन्त्री बनाउने, कसरी आफू प्रधानमन्त्री बन्ने लगायत चलखेलमात्र भयो । देशको विकासतर्फ कसैले ध्यान दिएनन् ।
देश र जनताको भलाईको सट्टा पार्टीहरु कसरी सरकारमा जाने आफू लागेको पार्टीलाई बलियो कसरी बनाउने, आ–आफ्ना पार्टीका कार्यकर्तालाई भरणपोषण गर्ने र आफू र आफ्ना मान्छेलाई कसरी प्रधानमन्त्री, मन्त्री बनाउने भन्नेमा नै पार्टीहरु सीमित भए । देशको भलाईभन्दा पार्टी र व्यक्तिको भलाईतर्फ लागे । ठूला पार्टीहरु देशभन्दा पार्टीको भलाईमै सीमित भए । पार्टीहरु धेरै राजनीतिक चलखेलमै सीमित भएको र देश र जनताको भलाई गर्नुभन्दा आफू र आफ्नो मानछे बनाउनमै नेता र कार्यकर्ता सीमित रहे । हुनुपर्ने पार्टी र कार्यकर्ताभन्दा देश र जनताको सेवा र भलाई गर्नुपर्ने हो । सो हुन सकेन ।
देशमा उद्योगको विकास हुन नसकेर देशका युवा वर्गहरु बेरोजगार भई विदेशी भूमिमा रोजगारीको लागि जानुपर्ने बाध्यता रह्यो । काम गर्न सक्ने युवा जनशक्ति रोजगार खोज्न विदेश गएको कारण ग्रामीण समाजमा रोगी महिला, वृद्धवृद्धा, केटाकेटीमात्र बसोबास गरेका छन् । जबसम्म देशमा प्रचुर मात्रामा उद्योगहरु खुल्दैनन्, तबसम्म देशका युवाले रोजगारी पाउन सक्दैनन् । देश आर्थिक समृद्धितर्फ लम्कन सक्दैन । अहिले देशमा महिला वृद्ध वृद्धा मात्र देखिन्छन् । काम गर्न सक्ने युवा जनशक्ति विदेशमा, यहाँ वृद्धवृद्धा र महिला मात्र रोगी बालबालिका मात्र रहन्छन् । ती विचरा रोगी बालबालिका वृद्धवृद्धा महिलाले देशमा केही विशिष्ट योगदान दिन सक्दैनन् ।
नयाँ बनेको बाम सरकारले देशमा प्रचुर मात्रामा उद्योगहरु खोली प्रत्येक घरघरमा रोजगारीको अवसर दिनुपर्दछ । देशका स–साना, मझौला, घरेलु तथा ठूला उद्योगहरु खोल्न सरकारले नियम कानून सरल बनाउनुपर्दछ । विदेशबाट आयात गरिने कच्चा पदार्थ सरल तरीकाले आयात गर्न पाउने व्यवस्था गरिनुपर्छ । उद्योग, व्यवसाय गर्न खोज्ने उद्योगीहरुलाई बिना धितो ऋण प्रवाह गरिनुपर्छ । नयाँ खोलिने उद्योगलाई कँही कतैबाट चन्दा माग्ने, जबर्जस्ती चन्दा असुल गर्नेमाथि कडा भन्दा कडा कारबाही गरिनुपर्छ ।
देशमा नयाँ खुल्ने उद्योग र भएका पुराना उद्योगहरुलाई सरकारले पूर्णरुपमा सुरक्षाको ग्यारेन्टी गरिनुपर्छ । विदेशी उद्योगहरुलाई स्थापित गरी देशमा प्रचुर मात्रामा साना ठूला उद्योग खोलिनुपर्छ । देशमा जथाभावी सडक जाम चक्काजाम, उद्योग बन्द गर्नेलाई सुरक्षा निकायले खोजी खोजी जेल राखी कडाभन्दा कडा कारबाही गर्नुपर्छ । पुराना उद्योगलाई सरकारले पूर्ण सहयोग र संरक्षण गर्नुपर्छ ।
केपी ओली नेतृत्वको पालामा बनेको बामसरकार प्रधानमन्त्री तथा अन्य मन्त्रीहरु जिल्ला जिल्लामा जाने र राजनीतिमा रमाउने, उद्घाटन र शिलान्यास गर्ने, रिबन काट्ने काम मात्र समय नबिताई देशमा आर्थिक वृद्धि गर्नतर्फ सबै सक्रिय भएर काम गर्नुपर्छ । देशमा उद्योगहरु खोली प्रत्येक घरघरका युवाहरुलाई रोजगारी दिई देश विकासमा लम्कनुपर्छ ।
तत्कालीन एमाले–माओवादी गठबन्धनको नेकपा सरकारले उही पुरानो शैली अपनाई, तामझामको साथमा मन्त्रीहरुले फूलमाला लगाउने, भाषण गर्ने, उद्घाटन गर्ने, आफूमात्र बन्ने, आफ्नो बाम पार्टी र कार्यकर्ताको भरणपोषण र विदेश भ्रमणमा रमाए भने अर्को चुनावमा पत्ता काटिन सक्नछ । फेरि आउने चुनावमा कम्युनिष्ट पार्टी नै पलायन भएर पञ्चायत पार्टी पलान भए जस्तै पत्तासाफ हुन सक्छ । सरकारले बेलैमा होस पु¥याउनुपर्छ ।
जनताका इच्छा, आकांक्षा पूरा गरी नयाँ समृद्ध नेपाल बनाउनुपर्छ । चुनावमा वाचा गरे अनुसार देशको विकास गरी आर्थिक समृद्धि गरेर जनताको आशा आकांक्षा पूरा गर अनिमात्र अर्को चुनावमा फेरि जनताले पत्याइ पुनः सरकारमा जाने अवसर दिनेछन् । अन्यथा कम्युनिष्ट सरकार रुसबाट खारेज भएजस्तै नेपालबाट पनि सरकार ढल्नेछ, बेलैमा होस पलाओस् ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१