हाम्रा आधारभूत आवश्यकताहरुको प्रवाहमा राज्यशक्तिकै आडमा दलालीकरण गरिएको हुनाले आलोचकहरु अहिले नेपालमा चलिरहेको अर्थव्यवस्थालाई दलाल पुँजीवाद भन्न रुचाउँछन् । तर अबको दुनियाँमा यसलाई आम उपभोक्तावादी बनाई गरिब जनताको पहुँचमा गुणस्तरीय आधारभूत आवश्यकता प्रवाह नगरेमा यस व्यवस्थाबाट गरिबी घटाउन सकिने अवस्था छैन ।
पुँजीवादी अर्थव्यवस्था भनेको त्यस्तो अर्थव्यवस्था हो, जसमा उत्पादनका साधनहरुमा व्यक्तिगत वा निजी स्वामित्व हुन्छ । यस्तो अर्थव्यवस्थामा व्यक्तिहरूलाई आफ्नो पेसा व्यवसाय गर्ने, नाफा कमाउने र व्यक्तिगत सम्पत्ति जम्मा गर्ने कानुनी अधिकार रहेको हुन्छ । यस्तो बजारमा बजार माग र पूर्तिको अन्तक्र्रियाबाट मूल्य निर्धारण हुन्छ । व्यावसायिक फर्महरुबीच हुने प्रतिस्पर्धाको कारणले उपभोक्ताले गुणस्तरीय वस्तु सस्तो र सर्वसुलभ मूल्यमा प्राप्त गर्छन् भन्ने यसको सैद्धान्तिक आधार रहेको हुन्छ । यसको आधारमा हेर्ने हो भने यस्तो बजारमा गुणस्तरीय वस्तु सर्वसुलभ पाइनुपर्ने हो । तर व्यवहारमा खास सर्वसुलभ केही पाइँदैन । दैनिक उपभोग्य वस्तुको मूल्यलगायत स्वास्थ्य र शिक्षाजस्ता आधारभूत कुराहरुको मूल्य आकाशिएको छ । किन गरिब झन्झन् गरिब हँुदै गएका छन् ? धनी झन्झन् धनी हँुदै गएका छन् ? धनी र गरिबबीचको खाडल किन बढ्दै गएको छ ? धनी र गरिबबीचको यो खाडल बढ्दै जानुमा धेरै कारणहरु हुन सक्छन् ? धेरै कारणमध्ये दलाल पुँजीवादी व्यवस्था प्रमुख कारण हो भन्नुमा अतिशयोक्ति नहोला ।
सामान्य अर्थमा दलाल भन्नाले उत्पादक र उपभोक्ताबीचमा काम गर्ने वा वस्तु तथा सेवालाई उत्पादक तथा उपभोक्ता समक्ष पु¥याउने काम गर्ने व्यक्तिलाई दलाल वा विचौलिया भनिन्छ । वस्तु, सेवा तथा सम्पत्तिको किनबेचमा सहजीकरण गर्ने र त्यहाँबाट कमिसन वा नाफा कमाउने मानिसलाई विचौलिया भनिन्छ ।
विचौलिया हुनु नै नराम्रो होइन । यसलाई सेवाको रुपमा पनि लिन सकिन्छ तर गहिरिएर हेर्दा उत्पादन कार्यमा संलग्न हुने उत्पादक पनि पीडामा छन् । उनीहरूलाई आफ्नो व्यवसाय धान्न हम्मेहम्मे छ । कच्चा पदार्थ, ऊर्जा र कामदारको पारिश्रमिक बढेको बढ्यै छ । बैंक कर्जाको ब्याज आकाशिएको छ । यसरी हेर्दा उत्पादकहरु पनि मर्कामा छन् । यता उपभोक्ता पनि चर्काे मूल्यस्फीतिको कारणले चरम निराशा छ । सामान्य आम्दानी भएका गरिब, किसान र मजदुरले जीवन धान्न पनि हम्मे हम्मे छ । तर यिनै उत्पादक र उपभोक्ताबीचमा सहजकर्ताको भूमिकामा रहने बिचौलिया भने जुनसुकै समयकालमा पनि दिन दुगुना र रात चौगुनाको आर्थिक फड्को मारिरहेका छन् । गरिब, किसान र मजदुरको बाँच्नै गारो हुने अवस्थामा पनि किन उनीहरुको अस्वाभाविक आर्थिक प्रगति छ त भन्ने कुराको विश्लेषण गर्ने बेला भएको छ । विचौलियाहरुले उच्च नाफा आर्जन गर्दै गर्दा यसले आम जनता र अर्थतन्त्रमा कस्तो प्रभाव रहन्छ भन्ने कुरालाई सजिलोसँग बुझ्न अर्थतन्त्रका केही क्षेत्रहरुको बारेमा चर्चा गरौं ।
कृषिः कृषि क्षेत्रमा विचौलियाको असर कसरी परिरहेको छ र यसबाट को को नराम्रो गरि प्रभावित भएका छन् भन्ने कुरा हामी सबैले बुझेकै कुरा हो । यस क्षेत्रमा उत्पादन गर्ने किसानले जीवन निर्वाह गर्ने बाहेक खासै आर्थिक प्रगति गरेको देख्न मुस्किल छ । उत्पादन लागत उच्च र उनीहरुले बिचौलियाहरुबाट प्राप्त गर्ने कृषिजन्य वस्तुहरुको मूल्य एकदमै कम छ । किसानहरुसँग सस्तो मूल्यमा कृषि उपज खरिद गर्ने र बजारमा चर्काे मूल्यमा बिक्री गरी मनग्ये नाफा कमाउने काम दलालहरुले गरिरहेका छन् । त्यसकारणले किसानको हैसियत जस्ताको तस्तै छ, उपभोक्ता पनि चर्काे मूल्य तर्न बाध्य छन् तर कृषि उपजको व्यापार गर्ने मानिस वा बिचौलियाहरुको हैसियत उकासिएको छ । यसै कारणले गर्दा हाम्रो कृषि बजार दलालमैत्री छ । तर सरकार किसानको यो अवस्था देखेर जानेर पनि बेखबर जस्तो देखिन्छ । जबसम्म किसानको पक्षमा उत्पादनको पक्षमा अर्थतन्त्र हुँदैन तबसम्म किसानले मुक्ति पाउँदैनन् । दैनिक उपभोग्य वस्तु सर्वसुलभ पाउन सकिँदैन । त्यसकारण किसानको हित र उत्थान भनेको समग्रमा देशको उत्थान हो ।
स्वास्थ्य क्षेत्र : सरकारले स्वास्थ्य क्षेत्रमा पनि निजी लगानी भिœयाउने निर्णय गरेसँगै निजी क्लिनिक तथा अस्पतालहरु खुले । तर यी निजी स्वास्थ्य संस्थाहरुको स्वास्थ्य सेवा निकै महँगो तथा सर्वसाधारण मानिसको पहँुचभन्दा निकै बाहिर छ । कारणवश कुनै गरिब परिवारका मानिस मेसो पाएर वा नपाएर निजी अस्पताल उपचारको लागि पसे भने तिनको उठिबास हुने कुरो निश्चय छ । सामान्य हात भाँचिएर सरकारी अस्पताल जाँदा सरकारी अस्पतालमा जम्माजम्मी ५ हजारमा उपचार हुन्छ तर एउटा निजी अस्पताल जानुस् त ५० हजारदेखि १ लाखसम्म खर्च हुने कुरा निश्चित प्रायः छ । जिउँदो होऊन्जेल दोहन गरेर बिरामी मर्ने बेलामा सरकारी अस्पताल रिफर गर्छन् यिनीहरु । मिठो बोली, सुकिलामुकिला टायल (मार्बल देखाएर बिरामी लुट्छन् यिनीहरुले पनि । सरकारी अस्पताल काम गर्ने डाक्टरहरुले पनि सरकारी अस्पतालमै आफ्नो निजी क्लिनिक वा अस्पतालको विज्ञापन गर्छन् लाजै नमानीकन । पुँजी लगानी गरेको र राम्रो नाफा कमाउनुपर्ने मनस्थितिमा हुन्छन् उनीहरु पनि । यसको अर्थ के हो भने हाम्रो स्वास्थ्य सेवा दलालमैत्री छ । स्वास्थ्य सेवालाई नाफा आर्जन गर्ने साधन बनाइएको छ । जसले बढी लगानी गर्छ, उसैले बढी नाफा कमाउँछ यस क्षेत्रमा पनि । त्यसैले यो क्षेत्र पनि दलाल पुँजीवादको चपेटामा छ । यसले गर्दा गरिब झन् गरिब बन्नुपर्ने बाध्यता छ यहाँ । हुनेले त उपचार गर्ला तर गरिब रहेछ भने भने पछुताउनु पर्छ निजी अस्पताल ।
उत्पादक र उपभोक्ताबीचमा सहजकर्ताको भूमिकामा रहने बिचौलिया जुनसुकै समयकालमा पनि दिन दुगुना र रात चौगुना आर्थिक फड्को मारिरहेका छन्
शिक्षाः शिक्षा एउटा आधारभूत आवश्यकता हो । गुणस्तरीय स्वास्थ्य शिक्षा सबैको पहुँचमा हुनु जरुरी छ । सबैलाई समान तथा आधारभूत गुणस्तरीय शिक्षाको अवसर उपलब्ध गराउनु राज्यको दायित्व हो । तर शिक्षा जस्तो संवेदनशील क्षेत्रमा पनि निजीकरण गरी राज्यले विचौलियाको प्रवेश गरायो । शिक्षालाई किनबेचको वस्तु बनायो । सरकारले कम्तीमा कक्षा १२ सम्मको शिक्षालाई आफ्नो दायित्वलाई नजरअन्दाज गरी यो क्षेत्रमा पनि विचौलियाको प्रवेश गरायो । अहिले देशभर आधारभूत आवश्यकता शिक्षाको पनि किनबेच भइरहेको छ । छोराछोरी पढाउनकै लागि युवाहरु विदेशिएका छन् । राज्य मौन छ भने विचौलियाहरु मालामाल । राज्यले राखेकै व्यवस्थाभित्र रहेर उनीहरुले शिक्षाको व्यापार गरेको हुनाले उनीहरुलाई भने केही भन्नु छैन ।
घरजग्गाः बस्ने बास तथा खाने गासको बन्दोबस्तीका लागि घरजग्गा निकै मह्वपूर्ण क्षेत्र हो । २०६२/६३ सालपछि घरजग्गाको मूल्य यसरी आकाशियो कि सामान्य रोजगारी गरी नेपालमै बस्ने इमानदार मानिसको लागि यो ‘आकाशको फल आँखा तरी मर’ जस्तै भएको छ । अन्य क्षेत्रजस्तै यो क्षेत्र पनि दलालमैत्री छ । यो क्षेत्र त दलालहरुको ऊर्वर भूमि नै हो । आवश्यकताको आधारमा घरजग्जा किनबेच हुनसकेको भए आज घरजग्गाको मूल्य यतिसम्म उर्लिने थिएन होला । यस क्षेत्रमा चरम व्यापारीकरण भयो कि घरजग्गाको मूल्य दिन दुगुना र रात चौगुना भई उर्लियो । हामीले बैंकबाट ऋण लिएर मस्त लगानी गर्यौं तर अहिले जग्गाको मूल्य पहिलेको जस्तो पनि पर्दैन, जसको फलस्वरूप हामीले अहिलेको मन्दी खेप्दै छौं । यहाँ हामीले १० वर्ष पहिले नै घरजग्गाको चर्के मूल्य तिरेको कारणले सिंगो अर्थतन्त्रमा र आम जनतामा उठ्नै नसक्ने गरी क्षति भयो । तर यसबीच मुठ्ठीभर दलालहरु भने नाफाको आहालमा पौडिरहे । यसकारण पुष्टि हुन्छ कि हाम्रो अर्थ व्यवस्था दलालमैत्री छ ।
यहाँनेर मुख्य कुरा के हो भने बैंकहरु नाफा कुम्ल्याउन तल्लीन रहिरहे तर राज्य उनीहरुलाई नै पोस्ने र आम जनताहरुलाई सोस्ने नीति निर्माण गर्दै उनीहरुकै पोषणकार्यमा जुटिरह्यो । अनुत्पादक क्षेत्र हो भन्ने जान्दाजान्दै राष्ट्र बैंकले पनि यो क्षेत्रमा प्रवाह भइरहेको कर्जामा कडाइ गर्न सकेन । तर राष्ट्रबैंक उतपादनमूलक क्षेत्रमा चाहिने आवश्यक लगानी र सस्तो ब्याजदरको बारेमा जानेर पनि बेखबर जस्तै रह्यो ।
पुँजीबजारः बढ्दो ब्याजदर र पर्याप्त तरलताको अभावमा सेयर बजारको ओरालो यात्राले ३२०० को उच्च बिन्दुमा पुगेको नेप्से इन्डेक्स २१०० को हाराहारीमा लर्खराइरहेको छ । आम लगानीकर्ताले अरबौं गुमाए । ब्रोकर एजेन्जहरुको आम्दानीमा कमी भए तापनि उनीहरु खासै डुबेका छैनन् । यस क्षेत्र पनि ब्रोकरमैत्री छ । बेलाबेलामा ब्रोकरहरुको जिम्मा बैंकलाई दिने र ब्रोकर शुल्क घटाउने भनिएको भए पनि यतातिर खासै कदम चालिएको छैन् । सेयर बजार पनि उत्पादनमूलक क्षेत्र हैन । राज्यले उत्पादनमूलक क्षेत्रमा लगानी गर्नको लागि सस्तो ब्याजदर र सहज रुपमा ऋण पाउने व्यवस्था नगरेकोले नै सेयर बजारको सेकेन्डरी बजारमा लगानीकर्ताहरुको बढी लगाब रहेको पाइन्छ ।
अन्तमा, पुँजीवादी अर्थ व्यवस्थामा सबैकुरा राज्यले हात हाल्ने होइन । अन्य कुराहरुमा निजी क्षेत्रलाई पनि जिम्मेवारी दिएर देशको आर्थिक विकासमा सहभागी गराउनै पर्छ । तर जनताका आधारभूत आवश्यकतामाथिको व्यापारीकरण र दलालीकरण बन्द गरी राज्यले शिक्षा, स्वास्थ्य, खानेपानी, विद्युत्, शान्ति सुरक्षा र पूर्वाधारको क्षेत्रमा मात्रै राम्रो गर्दै कृषि क्षेत्रमा वास्तविक किसानको पहिचान गरी सस्तो ब्याजदरमा कर्जा प्रवाह तथा अनुदान दिन सकेमा सेवाको प्रवाह प्रभावकारी हुने थियो कि ? देशमा बस्ने वातावरण निर्माण हुने थियो कि? यो महँगी र आर्थिक मन्दी देशमा भएका अनुत्पादक क्षेत्रमा भएका लगानीको प्रतिफल हो । जब उत्पादनमूलक क्षेत्रमा लगानी बढाउन सकिन्छ, दैनिक उपभोग्य वस्तुहरुको उत्पादन बढाउन सकिन्छ, गरिबी घटाउने बारेमा सोच्न सकिन्छ ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१