आफ्नो गृहराज्य गुजरातको अहमदावाद शहरमा ट्रम्प दम्पत्तिलाई मोदीले स्वागत गरिरहँदा यता राजधानी दिल्लीमा भने नागरिकता संशोधन ऐनको विरुद्ध व्यापक जनसागर सडकमा उत्रेको थियो । त्यसैदिनको दङ्गामा एकजना पुलिस हवल्दार प्रदर्शनकारी र सरकार समर्थकबीचको झडपमा मारिए । ट्रम्प दम्पत्तिको बिदाइ हुने दिन (२५ फेब्रुअरी) त राजधानी शहर दिल्लीको विरोध प्रदर्शन यति हिंसात्मक बन्यो कि कतै गृहयुद्ध भएको त होइन भन्ने जस्तै बन्यो ।
अमेरकी राष्ट्रपति डोनाल्ड ट्रम्पको भारत भ्रमणको नेपालसँग कुनै प्रत्यक्ष चासो त छैन तर क्षेत्रीय राजनीतिको शक्ति सन्तुलनमा आउन लागेको फेरबदलको गुञ्जायस भने नजरअन्दाज गर्न हुँदैन । आगामी नोभेम्बर महिनामा हुने राष्ट्रपतीय निर्वाचनको प्रचारप्रसारको चटारोमा ट्रम्प भारत आउनुको कारण के हो ? यो पनि अर्थपूर्ण कुरा छ ।
गत निर्वाचनमा उम्मेदवार हुँदा आफू राष्ट्रपति भए अफ्गान युद्ध अन्त्य गर्ने वचन ट्रम्पले दिएका थिए । यो अमेरिकी जनताको एक अहम् मुद्दा पनि थियो । अमेरिकी जनता अफ्गानिस्तानमा भएको अमेरिकी धनजनको क्षतिसँग वाक्क पनि छन् । मेक्सिकोसँगको सीमानामा पर्खाल र काँडेतार लगाएर आप्रवासी रोक्न केही कदम चाले पनि अफ्गान समस्या ज्यूँका त्युँ रहँदा पुनर्निर्वाचित गराउन जनतासँग मत याचना गर्न ट्रम्पलाई अफ्ठ्यारो छ ।
अलकायदा नेता ओसामा बिन लादेनलाई पाकिस्तानमा ल्फाङ्ग स्वाड पठाएर हत्या गर्न सक्नुले ट्रम्पका पूर्ववर्ती राष्ट्रपति ओवामालाई दोस्रो पटक चुनाव जित्न सहज भएको थियो । लादेनलाई सफाया गरेर ओवामालाई पुननिर्वाचित हुन सहज भए झैं इरानी सेनाध्यक्ष कसिम सुलेमानीलाई इराकमा हत्या गरेर ट्रम्पले अमेरिकी जनताबाट कुनै विशेष स्यावासी पाएनन् । सुुलेमानी हत्या आमजनताको लागि सनसनीपूर्ण घटना पनि हुन सकेन । लादेनले अमेरिकामाथि नै आक्रमण गरेका कारण आमजनता उनका विरुद्ध थिए । सुलेमानीले त के नै गरेका थिए र ?
खासमा अफ्गानिस्तानको गृहयुद्धबाट अमेरिकाले कसरी सुरक्षित तवरमा हात झिक्न र अमेरिकी सेना फिर्ता गर्ने भन्ने नै ट्रम्प प्रशासनको दक्षिण एशियाको मूल समस्या हो । त्यसैले तालिवानसँग शान्तिसम्झौता गर्नुपर्ने बाध्यता छ–अमेरिकालाई । त्यो चलिरहेको छ । वार्तामा उतारचढाव भने निकै देखिएको छ ।
खाडीको दोहा शहरमा हुँदै गरेको शान्तिवार्ताले अस्थायी युद्धविराम सम्भव भएको छ । यसलाई स्थायी बनाउन पाकिस्तानको सक्रिय र सार्थक सहयोग बिना सम्भव छैन । भारतको मोदी सरकार भने अमेरिकाले अफ्गानिस्तान छाड्नु हुँदैन भन्ने पक्षमा छ । भारतीयहरुको ठम्याई के छ भने अमेरिकी सेना वापस जाँदा साथ अफ्गानिस्तान तालिवानको कब्जामा जानेछ । यो भनेको प्रकारातन्तरमा पाकिस्तानको हात बलियो हुनु हो । तालिवानसँग भारतको राम्रो सम्बन्ध छैन भन्ने कुरा त काठमाडौंबाट दिल्लीको लागि उडेको भारतीय विमान अपहरण गरी अफ्गानिस्तानको कन्दाहारमा पु¥याएर आतंकवादीको आरोपमा भारतीय जेलमा रहेका व्यक्तिलाई जेलमुक्त गर्न बाध्य पारेको बाटै बुझ्न सकिन्छ । त्यस बखत भारतमा अटल बिहारी वाजपेयी नेतृत्वको सरकार थियो । नेपालमा कृष्णप्रसाद भट्टराई थिए–प्रम ।
त्यसैले, अफ्गानिस्तानबाट सेना फिर्तापछि पनि भारत–अमेरिका सम्बन्धमा फेरबदल हुने छैन भन्ने कुरामा मोदीलाई आश्वस्त पार्न चाहन्छन् ट्रम्प । यो उनको तत्कालीन महत्वको एजेण्डा हो । र, ट्रम्पलाई पुनःनिर्वाचित हुन अमेरिकामा स्थायी बसोबास गरेका भारतीयहरुको मत पनि महत्वपूर्ण छ । त्यसको लागि भारतसँग अझ खास गरेर मोदीसँग सम्बन्ध घनिष्ट छ भन्ने देखाएर भारतीय मुलका अमेरिकनको मत तान्न पनि हो । त्यसैले ट्रम्प भ्रमणको उपादेयता दीर्घकालीन नभएर तत्कालीन छ ।
ट्रम्पको भारत भ्रमणमा दुई देशबीच व्यापारमा उत्पन्न गत्यावरोधको गाँठो भने खासै फुक्न सकेको देखिएन । केही सामरिक एवं सैन्य सामग्री अमेरिकाबाट भारतले किन्ने छ । आखिर अमेरिका भनेकै हतियारको व्यापारी हो । र, दक्षिण एशियाली क्षेत्रमा सैन्य शक्तिको श्रेष्ठता कायम राख्न भारतले रुस, फ्रान्स, अमेरिका लगायतबाट लडाकु विमान सहित सैन्य सामग्री खरिद गर्दै आएको छ ।
मोदीका पनि आफ्नै कारण छन्–ट्रम्पलाई भारतमा स्वागत गर्नमा । देशभित्र जातीय एवं धार्मिक भेदभावपूर्ण व्यवहारका लागि उनी निकै आलोचित छन् । मोदी अमित शाहको यो गुजरात ब्राण्डले कश्मीर राज्यले पाएको विशेष हकको संवैधानिक व्यवस्था धारा ३७० खारेज गरेर मुस्लिम विरोधी काम त गरेकै थियो । त्यसपछि लागू गरेको नागरिकता संशोधन ऐनले मोदी शाह सरकारलाई जातीय भेदभाव तथा नश्लवादी भन्ने आलोचना पश्चिम जगत्मा चलेको छ । यो भेदभाव र मानव अधिकार हननको मुद्दा अमेरिकाले नउठावास भन्ने उनको कोशिस छ । सन् २००२ को गुजरात हिंसा र मुस्लिमहरुको हत्याका कारण अमेरिका प्रवेशमा प्रतिबन्ध नै थियो–मोदीलाई । प्रम भएपछि प्रतिबन्ध फुकेको हो ।
आफ्नो गृहराज्य गुजरातको अहमदावाद शहरमा ट्रम्प दम्पत्तिलाई मोदीले स्वागत गरिरहँदा यता राजधानी दिल्लीमा भने नागरिकता संशोधन ऐनको विरुद्ध व्यापक जनसागर सडकमा उत्रेको थियो । त्यसैदिनको दङ्गामा एकजना पुलिस हवल्दार प्रदर्शनकारी र सरकार समर्थकबीचको झडपमा मारिए । ट्रम्प दम्पत्तिको बिदाइ हुने दिन (२५ फेब्रुअरी) त राजधानी शहर दिल्लीको विरोध प्रदर्शन यति हिंसात्मक बन्यो कि कतै गृहयुद्ध भएको त होइन भन्ने जस्तै बन्यो ।
दर्जनौं व्यक्ति मारिए र सयौं घाइते बने । आगजनीका घटना पनि भयावह नै थियो । एकल विश्वशक्ति देशका पाहुना देशमा भएकै बेला यत्रो हिंसा हुनु सरकार, खास गरेर गृहमन्त्रीको असफलता मानिएको छ ।
मुगलकालमा अयोध्यामा बनेको बाबरी मस्जिद भत्काएको र त्यही ठाउँमा राम मन्दिर निर्माण गर्ने अदालती म्याण्डेट पाएको मोदी सरकारले मुगलकालकै मनुमेन्ट (चिनारी) ताजमहललाई उपेक्षा गर्दै आएको थियो । तर, ट्रम्प दम्पत्तिले यो ऐतिहासिक प्रेमको चिनारीमा अवलोकन भ्रमण गर्ने ईच्छा राखेपछि यसको सजावट गर्न सरकार बाध्य भयो । ट्रम्प दम्पत्तिको ताजमहल मोहलाई मुस्लिम समुदायलाई सन्तुलनमा राख्ने उपायको रुपमा प्रयोग भएको भन्नेहरु पनि छन् ।
आ–आफ्ना स्वार्थ र उपयोगिताले गराएको ट्रम्पको भारत भ्रमणमा दुई देशबीच व्यापारमा उत्पन्न गत्यावरोधको गाँठो भने खासै फुक्न सकेको देखिएन । केही सामरिक एवं सैन्य सामग्री अमेरिकाबाट भारतले किन्ने छ । आखिर अमेरिका भनेकै हतियारको व्यापारी हो । र, दक्षिण एशियाली क्षेत्रमा सैन्य शक्तिको श्रेष्ठता कायम राख्न भारतले रुस, फ्रान्स, अमेरिका लगायतबाट लडाकु विमान सहित सैन्य सामग्री खरिद गर्दै आएको छ । फ्रान्सबाट आयात गरेको राफेल बिमान रक्षामन्त्री राजनाथ सिंह पेरिसमै पुगेर पूजा गरी भारत ल्याएका हुन् । राफेल खरिदमा आर्थिक घोटाला भएको भन्ने विपक्षी काँग्रेसको आरोप छ ।
ट्रम्पले स्वागत तथा विदाइ मन्तव्यमा मोदीको निकै फूलबुट्टा गाँसेर प्रशंसा गरे पनि इण्डोप्यासिफिक रणनीतिमा सहभागी हुने प्रष्ट वचन मोदीबाट पाएनन् । यद्यपि, भारत अमेरिकाबीच मनमोहनसिंह प्रधानमन्त्री छँदा नै आणविक अस्त्रसम्बन्धी (न्यूक्लीयर डिल) सम्झौता भएको हो । तर, भारत अमेरिकासँग सैनिक गठबन्धनमा संलग्न भने छैन । अमेरिकीहरु चीनका विरुद्ध भारतलाई आफूतर्फ तान्न भरमग्दुर कोशिस गरे पनि भारत पर्ख र हेरको स्थितिमा छ । कमसेकम कतै महाशक्ति अमेरिकाको सहायक वा उपग्रह जस्तो भइन्छ कि भन्ने कुरामा भारतीय नेतृत्व सधैँ सजग देखिन्छ ।
ट्रम्प र मोदीको अहमदवादको अँगालो न्यानो र हार्दिक हो वा आ–आफ्ना स्वार्थका बाध्यता हुन् भन्ने कुराको निक्र्यौल गर्न भने पर्ख नै पर्ने हुन्छ ।
Related News
सम्बन्धित समाचार
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
पाब्लो नेरुदा : जनकवि तथा क्रान्तिकारी नेता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१