Worldlink ads

हेल्लो वडाध्यक्ष ज्यू, एम्बुलेन्स पाईएन अस्पताल जानु पर्ने थियो !

आदर्श समाज सम्वाददाता
वैशाख ४, २०७७
Purna Kumar grg pic

हेल्लो वडाध्यक्षज्यू नमस्कार,
नमस्कार,
कता हुनुहुन्छ  ?
म अहिले हस्पिटल छु ।
हस्पिटलमा किन हो र  ?
मृगौला फेल भएर डायलसिस गराईरहेको एक जना बिरामी हुनुहुन्थ्यो लकडाउनमा गाडी पाउनु भएनछ, त्यसैले हस्पिटल ल्याएको ।

कोभिड—१९ का कारण उत्पन्न परिस्थिति पछि पोखरा महानगरपालिका वडा नं. २७ का अध्यक्ष पूर्णकुमार गुरुङ्गको दिनचर्या आजकल विरामीलाई अस्पताल लैजाने, विपन्न परिवारलाई खाद्यान्न जुराउने, लकडाउन कडाई गर्न सुरक्षा निकायसँग समन्वय गर्ने काममा बित्ने गर्दछ ।

उनलाई यतिखेल वडामा संचालन हुने विकास निर्माणका योजनाको संझौता पछि कार्यान्वयनको अवस्थामा, समस्या आएमा समाधान, जनताका दैनिक सिफारिस, विभिन्न विवाद मिलाउने काममा व्यस्त हुनुपथ्र्यो तर कोरोनाको समस्याले त्यसका विरुद्ध महानगरले गरेका क्रियाकलापमा साथ दिने र वडामा त्यसको संक्रमण नहोस् भन्नेमा बढी ध्यान जाने गरेको छ ।

वडाध्यक्ष गुरुङले आफ्नो नीजि कारलाई एम्वुलेन्स जसरीनै प्रयोग गर्दै, अहिलेसम्म १७ जना भन्दा बढी विरामीको उद्धार गरिसकेका छन् । वडामा कसैलाइै केही विमारले च्याप्दा र एम्बुलेन्स समेत नपाईने अवस्था आएपछि वडाध्यक्ष आफै कार लिएर विरामीलाई पोखराका विभिन्न अस्पतालमा पुर्याउने र घर छाड्दिने काम गर्छन । सुत्केरी हुन नसकेका देखी मृगौलाको डायलसिस् जस्ता जटिल विरामीलाई अस्पताल ल्याउने लैजाने गरेका गुरुङले जनताको पिडा बुझ्न पनि यस्ता विरामीलाई सहयोग गरेपछि सजिलो भएको बताए ।

जनतालाई यस्तो विषम परिस्थितिमा पनि सहयोग नगर्नेहो भने के को जनप्रतिनिधि हुँ भनेर हिड्ने त ? वडाध्यक्ष गुरुङ्ग भन्छन् —“आखिर तिनै जनताले भोट हालेर जिताएका हुन क्यारे ।” उसो त वडाध्यक्ष गुरुङ्ग महानगरबाट फिप्टी/फिप्टीका योजना सवैभन्दा धेरै कार्यान्वयन गर्ने वडाध्यक्ष पनि हुन ।

वडाध्यक्ष गुरुङ्गको कामको सामाजिक संजालमा समेत प्रसस्त प्रशंसा भएको छ । नागरिक समाजका अगुवा देखी वडावासीले गुरुङ्गको कामले अप्ठ्यारो अवस्थामा जनप्रतिनिधि जनता प्रति कति उत्तरदायी हुन्छन् भन्ने प्रमाणित समेत भएको बताएका छन् ।

वडाध्यक्ष गुरुङ्गलाई राहत बितरणमा महानगरको प्याकेज बाहेक स्थानीय बेदराज न्यौपाने, राइजिङ स्टार युवा क्लवका अध्यक्ष विष्णु प्रसाद गुरुङ र राधा माधव समिति लेखनाथले पनि सहयोग गरेका छन् ।

वडाले ५ सय ७६ जनालाई राहत बाँडेकाे थियो भने राइजिङ स्टारले २५ जना, स्थानीय बेदराज न्यौपानेले ३५, राधा माधव लेखनाथ समितिले १५ जनालाई राहत सहयोग गरेका थिए ।

वडाध्यक्ष गुरुङ्गले अव यो थपिएको लकडाउनको समयमा बास्तविक विपन्नहरुलाई समस्या पर्ने भन्दै, राहतका लागि बेलैमा सोच्नु पर्नेमा जोड दिए । ज्यानै जान्छ भन्ने थाह हुँदा हुँदै पनि लकडाउन उल्घंन गर्ने, मुख्य सडक बाहेकका प्राय सवै सडकमा मान्छेको भिडभाड हुनेगरी हिडडुल गर्ने प्रवृत्तिले समस्या आउन सक्ने भन्दै, आफ्नो टोलमा आफैले कडा गर्न उनले स्थानीयवासीलाई आग्रह गरेका छन् ।

(नवराज सापकाेटाकाे रिपाेर्ट)

Related News

सम्बन्धित समाचार

    • उपाय सिटी कार्गोको सेवा पोखरामा

      आदर्श समाज सम्वाददाता असाेज २, २०७८
      पोखरा । उपाय सिटी कार्गोले युकेएड स्किल्स फर एम्प्लोय्मेन्ट (सीप)को साझेदारीमा पोखरामा सेवा सुरु गरेको छ । पोखरामा ९ महिना…
    • ‘मातृशिशु मितेरी अस्पताललको सेवा उल्लेखनीय’

      आदर्श समाज सम्वाददाता असाेज २, २०७८
      पोखरा । गण्डकी प्रदेश सरकारका कानुन, सञ्चार तथा प्रदेश सभा मामिला मन्त्री विन्दुकुमार थापाले स्वास्थ्यको क्षेत्रमा मातृशिशु अस्पतालको भूमिका उल्लेखनीय…
    • ग्रामीण भेग लक्षित सुपथ मूल्य पसल सञ्चालनमा जोड

      आदर्श समाज सम्वाददाता असाेज २, २०७८
      पोखरा । गण्डकी प्रदेश सरकारका पर्यटन उद्योग वाणिज्य तथा आपूर्ति मन्त्री मणिभद्र शर्माले बजारमा हुने गरेको अनुगमनलाई व्यावहारिक गराउँदै अनुगमन…
    • कान्तिपुर डेन्टलको दसैं तिहार अफर

      आदर्श समाज सम्वाददाता असाेज २, २०७८
      पोखरा । गण्डकी प्रदेशकै पहिलो डेन्टल हस्पिटल कान्तिपुर डेन्टल हस्पिटलले दसैं तिहारको अवसरमा विशेष अफर घोषणा गरेको छ । ‘महान्…
    • उत्तमचोकमा द बारबार क्लब

      आदर्श समाज सम्वाददाता असाेज २, २०७८
      पोखरा । पोखरा १० उत्तमचोकमा द बारबार क्लब सञ्चालनमा आएको छ । समयानुकूल हेयर कटिङ र डिजाइनका लागि पोखराको उत्तमचोकमा…

    hero news full width

    Jewellery

    sanil ads

    wordlink ads