बिक्रम खड्का–बुटवल । विश्व स्वास्थ्य संगठनले कोरोना भाइरसको क्षति कम गर्न अत्याधिक परीक्षण भएको बताएको छ । नेपाल सरकारले पनि त्यसैलाई पछ्याउने दावीका साथ जिल्ला–जिल्ला र प्रदेशहरुमा परीक्षणको मगलाई अघि बढाएको बताएको छ ।
तर प्रदेश ५ मा परीक्षणको गति निकै सुस्त भैरहेको छ । सरकारी निकायहरु बीचको समन्वयको अभावका कारणले दैनिक एक दर्जन जतिको मात्र परीक्षण भैरहेको छ। अहिलेसम्म प्रदेश ५ मा २ सयको हाराहारीमा मात्र स्वाव परीक्षण भएको छ । हजारौ मान्छेहरु अहिले पनि क्वारेनटाइन र आइसोलेशनमा छन् । उनीहरुको परीक्षण गर्नका लागि यो हिसावले महिनौ लाग्ने देखिएको छ । रुपन्देहीको भैरहवास्थित गहुवालु अनुसन्धान परिसरमा निमार्ण गरिएको कोरोना परीक्षण प्रयोगशाला संचालनमा आएको एक हप्ता भन्दा वढी भैइसकेको छ ।
सो प्रयोगशलाले दिनमा १२, १४ जनाको स्वावको परीक्षणको रिर्पोट दिने गरेको छ । प्रदेश का १२ जिल्लाका रिर्पोटहरुका लागि यो प्रयोगशालालाई दवाव भएपनि मेशिन र जनशक्तिको वाहनामा परीक्षणको गति निकै सुस्त भएको हो । यसको व्यवस्थापनका लागि सरकारी निकायको समन्वय फिटिक्कै मिलेको देखिदैन । भेरी अस्पतालका मेडिकल सुपरिटेन्डेन्ट डा. प्रकाश थापाले स्वाब लिने सामग्री सकिएको हुँदा बिरामीको स्वाब लिन नसकिएको बताए । शंकास्पद बिरामीको नमूना लिन रोकिएको छ डा. थापाले भने अहिले हामीकहाँ तीन जना बिरामी छन् । उनका अनुसार बाँकेमा स्थापना भएको पिसिआर मेशिन पनि सामग्री अभावमा संचालनमा आउन सकेको छैन् । चार दिन अघि जडानका काम सकिएको भएपनि सामग्री र जनशक्ति नआएपछि परीक्षणको काम अघि नबढेको हो ।
हप्तादिनदेखि मेशिन थन्कियो
कोरोना परीक्षणका लागि आवश्यक उपकरण नभएको भन्दै बसेका सरकारी कर्मचारीहरुले उपकरण पाएको एक हप्ता हुदां पनि संचालनमा ल्याउन सकेका छैनन् । कोरोना भाइरसको जोखिम कम गर्न अत्याधिक परीक्षण भएको विश्व स्वास्थ्य संगठनले बताएको छ तर प्रदेश ५ मा अहिले पनि तीव्र गतिमा परीक्षण गर्ने काम भएको छैन । यस अघि अत्याधुनिक आरटी पिसिआर मेशिन नभएको भन्दै पन्छिएका कर्मचारीहरु समाग्री पाएको हप्ता दिन पनि भैसक्दा पनि संचालनमा ल्याउन सकेका छैनन् ।
मेशिनलाई चाहिने सामाग्री र सेटिङ्ग गर्ने इन्जिनियरको अभावका कारण भैरहवामा रहेको कोरोना भाइरस (कोभिड १९) को स्वाव परीक्षणको दायरा बढाउन नसकिएको प्रदेश जनस्वास्थ्य प्रयोगशालाले जनाएको छ । आरटी पिसिआर मेशिन संचालनमा आएमा मेसिनको मोडल हेरेर दैनिक ७० देखि ९० सम्म परीक्षण गर्न सकिन्छ । प्रदेश जनस्वास्थ्य प्रयोगशालामा यो मेशिनलाई स्वाब लिने सामग्री (भिटिएम) र मेशिन जडान गर्ने इन्जिनियरको अभाव हुँदा कठिनाई भएको प्रदेश जनस्वास्थ्य प्रयोगशालाका निमित्त प्रमुख डा.राजेन्द्र कुमार गिरीले बताए ।
डा. गिरीका अनुसार अहिले दैनिक १० देखि१२ वटा शंकास्पद व्यक्तिहरुको स्वाब परीक्षण भइरहेको छ । यो मेशिनको क्षमता दैनिक १५ देखि १६ वटासम्म क्षमता भनिए पनि आवश्यक जनशक्तिको कारण पनि सोचेजति हुन नसकेको डा गिरीको भनाई छ ।सो कार्यालयको लागि बुटवलको नेशनल प्याथ ल्यावले आरटी पिसिआर मेशिन उपलव्ध गराएको थियो । १५ दिनका लागि भनेर लगिएको मेशिन प्रयोग नै नगरि फिर्ता गर्ने समय आउन थालेको छ । एक अर्काको समन्वयको कुरा पटक्कै नमिलेका कारण कार्यसम्पादनमा जटिलता आएको समाजिक विकास मन्त्रालयका एक कर्मचारीले बताए ।
सरकारले क्वारेन्टाइनमा रहेका सबै व्यक्तिको स्वाब परीक्षण पिसिआर मेशिनबाट गर्ने भन्ने मान्यता राख्ने हो भने प्रदेश ५ मा अहिलेको अवस्थामा यो संभव देखिदैन । त्यसका लागि नेपालगञ्ज र भैरहवामा रहेका पिसिआर मेशिन संचालनमा ल्याउनै पर्ने देखिन्छ भने दाङको राप्ती स्वास्थ्य विज्ञान प्रतिष्ठानमा स्थापना गर्ने भनिएको ल्याबका कामलाई पनि तिब्रता दिनुपर्ने देखिएको छ ।प्रदेश ५ सरकारका सामाजिक विकास मन्त्री सुदर्शन बरालले ल्याबका सामग्री नहुँदा भैरहवा र नेपालगञ्जमा भएका नयाँ आरटी पिसिआर मेशिन संचालन गर्न नसकेको बताए । सामग्री अभाव भयो । हतार हतार गरेर काम गर्न खोजेपनिआरटी पिसिआर मार्फत परीक्षण शुरु गर्न नसकिएको बताए ।
प्रदेश नं. पाँच स्वास्थ्य निर्देशनालय बुटवलका सूचना अधिकृत मनबहादुर वलीका अनुसार बैशाख ३ गतेसम्म दुई सय २९ जनाको थु्रटस्वाब लिइएको भएपनि २ सय ११ जनाको रिर्पोट नेगेटिभ आएको छ भने १८ जनाको रिपोर्ट आउने क्रममा छ ।स्वास्थ्य निर्देशनालयका अनुसार प्रदेश नं. पाँचका चार वटा कोरोना विशेष आइसोलेसन अस्पतालमा अहिले पनि २७ जना कोरोनाका शंकास्पद व्यक्तिहरुm भर्ना रहेका भएका छन् । अहिले प्रदेश ५ को क्वारेन्टाइनमा १ हजार ४ सय ८२ जना व्यक्तिहरु रहेका छन ।
Related News
सम्बन्धित समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
hero news full width
मुख्य समाचार
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१