काठमाडौं, २ वैशाख । सरकारले लकडाउन वैशाख १५ गतेसम्म लम्ब्याउने निर्णय गरेको छ । विश्वव्यापी महामारीका रुपमा फैलिएको कोरोना भाइरस (कोभिड –१९) को संक्रमण रोक्नका लागि चैत ११ बाट थालिएको लकडाउन तेस्रो पटक बढाउने निर्णय सरकारले गरेको हो ।

प्रधानमन्त्री केपी ओलीसहित सहित केहीबेर अघि वालुवाटारमा बसेको मन्त्रिपरिषद् बैठकले यस्तो निर्णय गरेको हो । एक साताका लागि घोषणा गरिएको लकडाउन संक्रमण भेटिएपछि लकडाउनको समय थप १२ दिन वढाएको हो ।

नेपालमा हालसम्म ११५ जनामा संक्रमण देखिएको छ । वैशाख ३ गते सरकारले घोषणा गरेको लकडाउन समय सकिदै थियो । यस्तै, लकडाउनका कारण फँसेका र काम नहुँदा अलपत्र परेकालाई राजधानीबाट आआफ्ना घर जान दिने कि भन्ने विषयमा पनि मन्त्रिपरिषद् छलफल भएको थियो। भारतले पनि मंगलवार लकडाउनको समय १९ दिनका लागि बढाउने घोषणा गरेको छ।