Worldlink ads

म्याग्दीमा असिनापानीले खाद्यवाली नष्ट

साधन राम्जाली
वैशाख २, २०७७
asina -bali -chheti 3

म्याग्दी । मध्यरातमा परेको असिना पानीले म्याग्दीको ग्रामिण भेगमा खाद्यवालीमा ठूलो क्षति पुर्याएको छ।

जिल्लाको रघुगंगा गाउँपालिका–२ भगवती, ३ वडा पिप्ले र ४ वडा दग्नाम तथा पश्चिम मालिका गाउँपालिका क्षेत्रमा ठूलो क्षति पुर्याएको हो । करिब १ फिट सम्म परेको असिनाले गौँ, जौँ, मकै, सिमी लगायतका खाद्यबालीसंगै तरकारी खेतीमा समेत ठूलो क्षति पुर्याएको छ । असिना पानीसंगै आएको बाढीको कारण केही घरहरुमा समेत क्षति पुर्याएको गाउँपालिकाका अध्यक्ष भबबहादुर भण्डारीले जानकारी दिए ।

उनका अनुसार गाउँपालिकाको वडा नं २ का दोलेन्द्र रिजालको घरमा ठूलो क्षति पु¥याएको छ भने नरसिङबहादुर खत्री लगायत सोही वडा स्थित ठूलाथर दलित बस्तीका करिब ४० घरमा सामान्य क्षति पुर्याएको छ । यसैगरी असिना पानीसंगै आएको बाढीले बेनी–राखु– भगवती सडक अबरुद्ध भएको छ । ‘मध्यरातमा परेको असिना पानी र बाढीले खाद्यबाली र तरकारी लगायत केही घरहरुमा ठुुूलो क्षती पुर्याएको छ ,’ अध्यक्ष भण्डारीले भने ,‘प्रभावित वडामा क्षतिको विवरण संकलन गरी आजै बस्ने गाउँपालिकाको विपद व्यवस्थापन समितिको बैठकबाट उचित राहतको ब्यवस्था गर्नेछौं ।’

जिल्ला समन्वय समितिका प्रमुख देवेन्द्रबहादुर केसी, गाउँपालिका अध्यक्ष भण्डारी, वडा अध्यक्ष रिम कटुवाल लगायतको टोलीले भगवती क्षेत्रमा भएको क्षतिको विवरण संकलनमा जुटेका छन् । प्रमुख जिल्ला अधिकारी ज्ञाननाथ ढकाल नेतृत्वको टोली समेत प्रभावित क्षेत्रमा पुगेका छन् । त्यसैगरी जिल्लाको मालिका गाउँपालिकाको वडा नं ७ बिम, वडा नं ५ देविस्थानको रुन्मा लगायतका क्षेत्रमा समेत असिना पानीले गौँ, जौ र सुन्तला खेतीमा क्षति पुर्याएको वडा अध्यक्ष रेशम जुग्जालीले जानकारी दिए ।

Related News

सम्बन्धित समाचार

    • लेउवा संघ महाधिवेशन आजदेखि

      रामशरण नेपाली असाेज १, २०७८
      लेखनाथ । लेखनाथ क्षेत्रका व्यवसायीहरुको छाता संगठन लेखनाथ उद्योग वाणिज्य संघको २५ औं वार्षिक साधारणसभा तथा १३ औं महाधिवेशन शुक्रबारदेखि…
    • नेप्सेमा उच्च गिरावट

      रासस भाद्र ३०, २०७८
      काठमाडौं । धितोपत्र बजारमा शेयर कारोबार मापक नेप्से परिसूचक आज पनि उच्च अङ्कले ओरालो लागेको छ । नेपाल स्टक एक्सचेञ्जका…
    • कच्चा पदार्थकोे मूल्य बढ्दा तेलको मूल्य बढ्यो

      रासस भाद्र ३०, २०७८
      काठमाडौं । कोभिड–१९ का कारण अन्तर्राष्ट्रिय बजारमा तेलको कच्चा पदार्थको मूल्यमा वृद्धि हुँदा नेपालमा प्रशोधित तेलको मूल्य बढेको तेल उत्पादक…
    • बुधबारदेखि सरकारले खर्च खर्च गर्न नपाउने

      रासस भाद्र २९, २०७८
      काठमाडौं । विनियोजन विधेयक, २०७८ पारित नभएपछि सरकारले राज्यकोषबाट बुधबारदेखि खर्च गर्न नपाउने भएको छ । प्रतिनिधिसभाको आजको बैठकपछि सङ्घीय…
    • व्यवसायीको क्षमता विकास मेरो एजेन्डा : भट्टराई

      आदर्श समाज सम्वाददाता भाद्र २९, २०७८
      लेखनाथ । लेखनाथ उद्योग वाणिज्य संघको १३ औं महाधिवेशनमा द्वितीय उपाध्यक्ष पदमा व्यवसायी शैलेन्द्रमोहन भट्टराईले आफ्नो उम्मेदवारी प्रस्तुत गरेका छन्…

    hero news full width

    Jewellery

    sanil ads

    wordlink ads