मृतकका परिवारलाई उद्योग वाणिज्य संघको सहयोग

आदर्श समाज सम्वाददाता
चैत्र ३०, २०७६

लेखनाथ,३० माघ । लेखनाथ उद्योग बाणिज्य संघले ब्यवसायी सदस्य स्वर्गीय रेशमलाल भण्डारीको परिवारलाई आर्थिक सहयोग गरेको छ ।संघको ब्यवसायी सदस्य भएर पोखरा–३० को शिसुवामा कृपा सपिङ सेन्टरका संचालक भण्डारीको गत चैत २४ गते ६३ वर्षको उमेरमा असामायिक निधन भएपछि संघले स्थापना गरेको ब्यवसायिक राहत कोषबाट आइतवार ५० हजार आर्थिक सहयोग गरिएको हो ।

पोखरा ३० शिसुवामा बसोवास गर्दै आएका स्वर्गीय भण्डारीको परिवारलाई लेखनाथ उद्योग बाणिज्य संघका पूर्व अध्यक्ष बाबुराम गिरी, लक्ष्मीप्रसाद त्रिपाठी, द्वितीय उपाध्यक्ष राजेन्द्र ओझा,उप महासचिव राजु सुवेदी लगाएत कार्यसमितिका सदस्य र ब्यवसायीहरुको उपस्थितिमा स्वर्गीय भण्डारीका छोरी सुमन भण्डारी सापकोटा र कृपा भण्डारी आचार्यलाई उक्त रकम हस्तान्त्रण गरिएको हो । उनका दुई छोरी र नाती नातिनाहरु रहेका छन् भने श्रीमतीको चार महिना अगाडि निधन भएको थियो ।