रुपन्देहीमा रहेको प्रयोगशालाको क्षमता विस्तार हुने

Avatar आदर्श समाज सम्वाददाता
चैत्र २८, २०७६
sudarsan baral lab ma

?

बिक्रम खड्का, बुटवल । प्रदेश ५ सरकारले रुपन्देहीको भैरहवामा संचालन गरेको प्रादेशिक जनस्वास्थ्य प्रयोगशालाकोले कोरोना भाइरस लागे नलागेको नतिजा तीव्र रुपमा दिने भएको छ ।

उक्त प्रयोगशालाका लागि बुटवलमा रहेको नेशनल प्याथ ल्याबले उच्च क्षमताको रियल टाईम पिसिआर मेशिन दिएसंगै नतिजाको तीव्रता वढ्ने भएको हो । यस अघि दैनिक १४,१५ वटाको नतिजा दिने गरेकोमा यो मेशिन थपिएसंगै दिनमै साढे दुई सयको नतिजा आउने दावी नेशनल प्याथ ल्याबले गरेको छ ।

डव्लुएचओ लगायतका संस्थावाट प्रमाणित उक्त मेशिनको शुक्रबार एक समारोहकाबीच समाजिक विकास मन्त्री शुर्दशन बराललाई हस्तान्तरण गरिएको हो । राष्टिय जनस्वास्थ्य प्रयोगशालाबाट क वर्गमा सूचिकृत नेशनल प्याथ ल्यावले कोराना परीक्षण गर्ने सम्पूर्ण उपकरण आफुहरुसंग रहेको यस अघि पनि बताएका थियो । तर निजी संस्थाहरुलाई अनुमति नभएकोले परीक्षण गरेको थिएन । तत्काल १५ दिनका लागि भने उक्त मेशिन सहितका उपकरण प्रदेश सरकारको प्रयोगशालाका लागि सहयोग गरेको संस्थाका कार्कीले बताए । उनले अहिलेको महामारीको अवस्थामा सरकारले धेरै भन्दा धेरै परीक्षण गर्न सकोस भन्ने उद्देश्यले मेशिन उपलव्ध गराएर सहयोग गरेको बताए ।

?

संस्थाका संचालक शरद भुषालले सरकारले आवश्यक ठानेमा अन्य खालका पनि सहयोगका लागि आफुहरु तयार रहेको बताए । पटक पटक सरकारी निकायलाई आफुहरु सहयोग गर्न तयार रहेको बताए पनि ढिलै भएपनि सरकारले सहयोग महसुस गरी मेशिन लगेको उनको भनाई रहेको छ । समाग्री बुझ्दै सामाजिक विकास मन्त्री सुर्दशन बरालले विपक्तिका वेला सवैको सहयोग सरकारलाई आवश्यक रहेको भन्दै यो मेशिन तत्काल प्राविधिकहरुलाई उपलव्ध गराई संचालनमा ल्याउने बताए ।

चारै तिरबाट परीक्षणको रिर्पोट निकालीदिनका लागि दवाव आएको भन्दै उनले यो मेशिन पूर्णरुपमा संचालन गर्न सकिए धेरै खालको अपेक्षा पुरा हुने विश्वास व्यक्त गरे ।
प्रयोगशालाका निमित्त प्रमुख राजेन्द्र गिरीले पिसिआर मेशिन आउनु सुखद भएको बताउदै मेसिनको सबै चेकजांच पछि संचालनमा ल्याईने बताए ।

Related News

सम्बन्धित समाचार

    • सहमतिबाटै सरकारः प्रचण्ड

      rss रासस चैत्र ३०, २०७७
      चितवन । नेपाल कम्युनिष्ट पार्टी ९माओवादी केन्द्र० का अध्यक्ष पुष्पकमल दाहाल ‘प्रचण्ड’ ले कसको नेतृत्वमा सरकार बनाउने भन्ने कुरा सहमतिबाट…
    • बुधबारदेखि टिकट काउण्टर बन्द

      rss रासस चैत्र ३०, २०७७
      काठमाडौँ । नेपालको राष्ट्रिय बसपार्कका रुपमा रहेको गोँगबुस्थित नयाँ बसपार्कका टिकट काउण्टर आगामी बुधबारदेखि बन्द हुने भएका छन् । बसपार्कका…
    • लेउवा संघ गण्डकीकै उत्कृष्ट

      Avatar आदर्श समाज सम्वाददाता चैत्र ३०, २०७७
      लेखनाथ । लेखनाथ उद्योग वाणिज्य संघ नेपाल उद्योग वाणिज्य महासंघको ५५ औं वार्षिक साधारण सभामा गण्डकी प्रदेश अन्तर्गतको ‘क’ वर्गको…
    • प्राविधिक शिक्षामा जोड दिन आवश्यकः प्रदेश प्रमुख शेरचन

      Avatar आदर्श समाज सम्वाददाता चैत्र ३०, २०७७
      कावासोती । गण्डकी प्रदेश प्रमुख अमिक शेरचनले देशको समृद्धिको लागि प्राविधिक शिक्षामा जोड दिनुपर्ने बताएका छन् । नवलपरासी (बर्दघाट सुस्तापूर्व)को…
    • तनहुँ समाज र मातृभूमि सहकारीको शुभकामना आदानप्रदान

      Avatar आदर्श समाज सम्वाददाता चैत्र ३०, २०७७
      पोखरा । तनहुँ सम्पर्क समाज पोखरा र मातृभूमि बचत तथा ऋण सहकारी संस्थाको २०७८ सालको भित्तेपात्रो विमोचन तथा शुभकामना आदानप्रदान…

    hero news full width

    sanil ads

    wordlink ads