पोखरा, २७ चैत । कास्कीका विभिन्न ठाउँमा क्वारेन्वाइनमा बसेकामध्ये ३६ जना १४ दिनको बसाइँ टुंगाउँदै घर फर्किएका छन् । उनीहरुमा पटक पटकको परीक्षणमा कोरोना नभएको अर्थात् नेगेटिभ रिपोर्ट आएपछि घर पठाइएको गण्डकी प्रदेशका स्वास्थ्य निर्देशक डा.विनोद विन्दु शर्माले जानकरी दिए ।
भारत लगायत विभिन्न मुलुकबाट जिल्ला फर्किएकामध्ये १६ जना पोखरा ५, मालेपाटनस्थित कृषि तालिम केन्द्र र २० जना रुपा गाउँपालिकामा निर्मित क्वारेन्टाइनमा बसेका थिए । विभिन्न चरणमा गरी हालसम्म ३६ जनालाई घर पठाइएको हो ।प्रदेश स्वास्थ्य निर्देशक डा. शर्माले भने, ‘उनीहरुको ल्याब टेष्टमा नेगेटिभ रिपोर्ट आएकोले कोरोनाको संक्रमण नदेखिएपछि सुरक्षित घर पठाइएको हो । क्वारेन्टाइनमा बसेका अन्यको पनि क्रमशः ल्याब टेष्ट हुनेछ ।’
क्वारेन्टाइनबाट घर फर्किएकाहरुलाई तैपनि एक साताका लागि होम क्वारेन्टाइन बस्न आग्रह गरिएको छ । यसैबीच, गण्डकी प्रदेशका मुख्यमन्त्री पृथ्वीसुब्बा गुरुङले धौलागिरी अञ्चल अस्पताल, बागलुङमा उपचार गराइरहेकी १९ वर्षीय अंशु सापकोटालाई फोन गरी उनको स्वास्थ्य अवस्थाबारे जानकारी लिएका छन् ।मुख्यमन्त्रीले कुराकानीमा भनेका छन्, ‘मन दह्रो पार्नु । केही पनि हुँदैन । नियमित तातोपानी सेवन गर्नुहोला । म नियमित रूपमा चिकित्सकसँग कुरा गरिरहेको छु ।’सोक्रममा कोरोना संक्रमित अंशुले चिकित्सकले समेत आफूलाई फोनमार्फत संवाद गरिरहेको र आफ्नो स्वास्थ्य अवस्था सामान्य रहेको जनाएकी थिइन् ।
बेल्जियमबाट कतार हुँदै काठमाडौंबाट गृहजिल्ला बागलुङ पुगेकी अंशुमा कोरोना संक्रमण देखिएको थियो। उनी राजधानी काठमाडौं बाहिर कोरोना संक्रमित देखा पर्ने पहिलो बिरामी हुन् । बागलुङमै अर्की एक वृद्धामा पनि कोरोना संक्रमण देखिएपछि उनको पनि अस्पतालमा उपचार भइरहेको छ ।स्वास्थ्य मन्त्रालयमा कार्यरत वरिष्ठ मेडिकल ल्याब टेक्निसियन धनप्रसाद पौडेल नेतृत्वको टोलीले बिहीबारदेखि बागलुङमा ¥यापिड टेष्टको काम थालनी गरेको बागलुङमा जिल्ला स्वास्थ्य प्रमुख सुरज गुरौले जानकारी दिए ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१