कोरोना [कोभिड-१९] ताजा अपडेट
यहाँ क्लिक गर्नुहोस्

बुन्डेसलिगा क्लब बायर्न म्युनिखकोे प्रशिक्षण क्याम्प शुरु भयो

Avatar एजेन्सी
चैत्र २५, २०७६

जर्मन बुन्डेसलिगा क्लब बायर्न म्युनिखले कोरोना भाइरसको त्रासकै बीच पनि प्रशिक्षण क्याम्प सुरु गरेको छ ।

उसले सोमबार रातिदेखि प्रशिक्षण क्याम्प सुरु गरेको हो । पहिलो दिन शीर्ष खेलाडीहरु प्रशिक्षणमा सहभागी भएको समाचार छ ।

क्लबका स्टार खेलाडीहरु रोबर्ट लेवान्डोस्की, थोमस मुलर, फिलिप कौटिन्हो, म्यानुयल निउर, किङ्से कोम्यान, निकोलस सुल, लियोन गोरेट्का, जोसुवा किम्मिच र जेरोमी बोएटिङ्क पहिलो दिनको प्रशिक्षणमा सहभागी थिए । प्रशिक्षणमा सहभागी खेलाडीले सानो समूहमा तयारी गर्नेछन् ।

एकनास बसिरहँदा खेलाडीहरुमा फिटनेसको समस्या आउने बताउँदै सानो समूह बनाएर प्रशिक्षण थालेको बार्यनले जनाएको छ । जर्मनमा जारी लकडाउनमा रहेका खेलाडीले सरकारले लगाएको नियमलाई पालना गरी प्रशिक्षण सुरु गरेको जनाएको छ । १४ मार्च यता यता पहिलो पटक अभ्यासमा उत्रिएको बायर्नले सरकारसँग समन्वय गरेर तयारी गरेको पनि विज्ञप्तीमार्फत उल्लेख गरेको छ ।