खाद्यान्नको दरभाउ एउटै, राहत वितरणको तस्वीर खिच्न नपाइने

रासस
चैत्र २५, २०७६
tarkari

वालिङ, २५ चैत । वालिङ नगरपालिकाले लकडाउनको समयमा नगरभित्रका खाद्यान्न पसलमा दैनिक उपभोग्य वस्तुको एउटै दरभाउ निर्धारण गरेको छ ।

वालिङ उद्योग वाणिज्य सङ्घ र व्यवसायीको संयुक्त बैठकले खाद्यान्नको दरभाउ निर्धारण गरेको वालिङ नगर प्रमुख दिलीपप्रताप खाँणले जानकारी दिए । नगरभित्रका १४ वटै वडामा लकडाउनले समस्यामा परेका सीमान्तकृत, गरिब, दैनिक ज्यालादारी गरी गुजना चलाउने मजदूरलाई खाद्यान्न तथा राहत एउटै दरभाउमा उपलब्ध गराउन दरभाउ निर्धारण गरिएको जनाइएको छ ।

सबै वडामा अहिले अति विपन्नको तथ्याङ्क सङ्कलन भइरहेको र त्यसका आधारमा वडाले कुपन मार्फत पायक पर्ने खाद्यान्न पसलबाट लिन सक्ने व्यवस्था मिलाइएको उनले बताए ।
“कोरोना भाइरसको जोखिमको असहज परिस्थितिमा दैनिक उपभोग्य वस्तुको सहज आपूर्तिको व्यवस्था मिलाउने छौँ”, नगर प्रमुख खाँणले भने “दैनिक अत्यावश्यक वस्तुको कालोबजारी, अनुचित मूल्य वृद्धि, मिसावट तथा गुणस्तरहीन मालसामान बिक्री वितरण गर्ने कार्यलाई निरुत्साहित गरिने छ ।”

राहत वितरण तथा व्यवस्थापन गर्न बनेको कार्यविधि –२०७६ पारितगरी लागू गरेको छ । “लकडाउनको कारणले दैनिक गुजारा चलाउन नसकेका व्यक्तिलाई यो अवधिमा जीवनयापनका लागि अत्यावश्यक दैनिक खाद्य सामग्रीसहितको जिन्सी, राहत प्याकेज उपलब्ध गराउन आवश्यक हुन्छ”, उनले भने “स्थानीय सरकार सञ्चालन ऐन, २०७४ को दफा १०२ ले दिएको अधिकार प्रयोग गरी बनेको नगरपालिकाको नगर विपद् जोखिम न्यूनीकरण तथा व्यवस्थापन ऐन, २०७५ को दफा २७ ले दिएको अधिकार प्रयोग गरी नगर कार्यपालिकाले कार्यिविधि तयार गरी लागू गरेका छौँ ।”

नगर कार्यपालिकासहित सर्वदलीय सर्वपक्षीय बैठकले कार्यबिधि पारित गरेको थियो । कार्यबिधिमा चामल सावा राम्रो प्रतिकेजी रु ५५, अडहर दाल प्रतिकेजी रु १४०, मुसुरो दाल प्रतिकेजी ११०, भटमास तेल प्रतिलिटर रु १५०, आयो नुन प्रतिकेजी रु २१ र साबुन प्रतिगोटा रु ३० निर्धारण गरिएको छ । दैनिक उपभोग्य वस्तुको खरिद बिक्रीका समयमा तोकिएको दूरी कायम गर्नुपर्ने र अति विपन्नहरुको आत्मसम्मानमा ठेस नपु¥याउने उद्देश्यले राहत वितरणको तस्वीर नखिच्ने पनि निर्णय गरेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width