कोरोना संक्रमणबाट विश्वभर मर्नेको संख्या ७४ हजारबढी

Avatar एजेन्सी
चैत्र २५, २०७६
corona patients

काठमाण्डौ, २५ चैत । विश्वभर फैलिएको कोरोना भाइरस (कोभिड–१९) संक्रमणबाट पछिल्लो २४ घन्टामा ५२ सय २१ को मृत्यु भएको छ । संक्रमणबाट मंगलबार विहानसम्म विश्वभर मृत्यु हुनेको संख्या ७४ हजार ६ सय ९२ नाघेको छ। विश्वभर संक्रमितको संख्या १३ लाख ४६ हजार ४ सय २८ पुगेको विश्व स्वास्थ्य संगठन (डब्लुएचओ) ले जनाएको छ। सोमबार कोरोनाका ७२ हजार ८ सय ५० जना नयाँ संक्रमित थपिएका छन्।

सोमबार अमेरिकामा कोरोना संक्रमणबाट १२ सय ५५ जनाको मृत्यु भएको छ। त्यहाँ हिजो एकै दिन ३० हजार ३ सय ३१ जना नयाँ संक्रमित थपिएका छन्। अहिलेसम्म अमेरिकामा संक्रमितको संख्या ३ लाख ६७ हजार नाघेको छ भने मृतकको संख्या १० हजार ८ सय ७१ पुगेको छ।फ्रान्समा धेरैको मृत्यु भएको छ। त्यहाँ हिजो एकै दिन ८ सय ३३ जनाको मृत्यु भएको छ। त्यहाँ मृतकको संख्या ८ हजार ९ सय ११ पुगेको छ भने संक्रमितको संख्या एक लाख नजिक पुग्न लागेको छ।

स्पेनमा हिजो एकै दिन ७ सयले ज्यान गुमाएका छन्। त्यहाँ मृतकको संख्या १२ हजार नाघेको छ भने संक्रमितको संख्या १ लाख ३७ हजार पुग्न लागेको छ। सोमबार इटालीमा कोरोना संक्रमणबाट ६ सय ३६ जनाको मृत्यु भएको छ। त्यहाँ अहिलेसम्म यसको संक्रमणबाट साढे १६ हजारभन्दा धेरैले ज्यान गुमाइसकेका छन्। संक्रमितको संख्या १ लाख ३२ हजार नाघेको छ।युकेमा सोमबार ४३९ जनाले ज्यान गुमाएका छन्। त्यहाँ मृतकको संख्या ५३ सय ७३ र संक्रमितको संख्या ५१ हजार ६०८ पुगेको छ। जर्मनीमा सोमबार कोरोना संक्रमणबाट २२८ जनाको मृत्यु भएको छ। त्यहाँ अहिलेसम्म मृतकको संख्या १८ सय १० र संक्रमितको संख्या १ लाख ३ हजार नाघेको छ।

इरानमा १३६, बेल्जियममा १८५, नेदरल्यान्डमा १०१, ब्राजिलमा ७८, स्वीडेनमा ७६, रोमानियामा २५, स्वीटजरल्यान्डमा ५०, टर्कीमा ७५, क्यानाडामा ४३ जनाको कोरोना संक्रमणबाट मृत्यु भएको छ।छिमेकी देश भारतमा कोरोना संक्रमणबाट मृत्यु हुनेको संख्या १३६ पुगेको छ। सोमवार त्यहाँ १८ जनाको मृत्यु भएको छ। आइतबार पनि भारतमा यसको संक्रमणबाट १८ जनाको मृत्यु भएको थियो। त्याँ संक्रमितको संख्या ४७ सय ७८ पुगेको छ। अर्को छिमेकी देश चीनमा सोमबार कोरोना संक्रमणबाट ३ जनाको मृत्यु भएको छ। त्यहाँ हिजो ४ सय ४४ जना नयाँ संक्रमित थपिएका छन्।

Related News

सम्बन्धित समाचार

    • सहरी क्षेत्रका विद्यालय बन्द गर्ने मन्त्रिपरिषद्को निर्णय

      Avatar आदर्श समाज सम्वाददाता वैशाख ६, २०७८
      पोखरा । सरकारले सहरी क्षेत्रका विद्यालय बन्द गर्ने निर्णय गरेको छ। सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले प्रमुख सहरी…
    • Avatar आदर्श समाज सम्वाददाता वैशाख ६, २०७८
      संघीय संसद अधिवेशन अन्त्य गर्ने सरकारको निर्णय पोखरा ।  सरकारले संसदको हिउँदे अधिवेशन अन्त्यको सिफारिस गरेको छ। बालुवाटारमा सोमबार बिहान…
    • मन्त्रिपरिषद् बैठक बस्दै, बन्द होलान् त मुलुकभरका विद्यालय

      Avatar आदर्श समाज सम्वाददाता वैशाख ६, २०७८
      पोखरा । कोरोना नियन्त्रण र समसामयिक वियषका बारेमा निर्णय गर्न  मन्त्रिपरिषद् बैठक बालुवाटारमा बस्दै छ। आजको मन्त्रिपरिषद् बैठकले कोरोना संक्रमण…
    • आज र भोलि देशभर भिटामिन ए खुवाइँदै

      Avatar आदर्श समाज सम्वाददाता वैशाख ६, २०७८
      पोखरा । सरकारले देशभर आज र भोलि राष्ट्रिय भिटामिन कार्यक्रमअन्तर्गत बालबालिकालाई ‘ए’ खुवाउँदैछ। दोस्रो चरणअन्तरर्गत वैशाख ६ र ७ मा…
    • भेडीगोठमा झलल बिजुली, सरर्र मोटर

      Avatar आदर्श समाज सम्वाददाता वैशाख ६, २०७८
      लमजुङ । बेलायती सेनामा छाती नाप्न जानु अघि मजनबहादुर गुरुङलाई लागेको थिएन आफ्नो गाउँमा यति धेरै विकास होला । जन्मे,…

    hero news full width

    sanil ads

    wordlink ads