कोरोना [कोभिड-१९] ताजा अपडेट
यहाँ क्लिक गर्नुहोस्

मुख्यमन्त्री स्थानीय सरकार प्रमुखहरुसंगको अनलाईन छलफलमा

Avatar आदर्श समाज सम्वाददाता
चैत्र १७, २०७६

कोरोना रोकथाम तथा नियन्त्रणका बारे भइरहेका प्रयासका बारे आज सोमबार मुख्यमन्त्री शंकर पोखरेलले बुटवल उपमहानगरपालिकाका प्रमुख शिवराज सुवेदी,घोराही उपमहानगरपालिकाका प्रमुख नरुलाल चौधरी, तुलसीपुर उपमहानगरपालिकाका प्रमुख घनश्याम पाण्डे र नेपालगञ्ज उपमहानगरपालिकाका प्रमुख धवलशमसेर राणासंग एकीकृत भिडियो संवाद गरे ।

मुख्यमन्त्री र उपमहानगर प्रमुखबीच कोरोना रोकथाम र नियन्त्रणका लागि अहिले गरिरहेका काम र आगामी योजनाका बारेमा छलफल भयो । उपमहानगरपालिका प्रमुखहरुले अहिलेसम्म गरेका कामबारे जानकारी दिदै प्रदेश र संघीय सरकारबाट गरेको अपेक्षाबारे बताए । मुख्यमन्त्रीले महामारी रोकथामका लागि उपमहानगरपालिकाहरुको सक्रियता प्रशंसनीय रहेको बताउँदै भारतसहित अन्य मुलुकबाट आएकाहरुको तथ्याङ्क संकलनगरी क्वारेन्टाइनमा राख्न, दैनिक ज्यालादारी गर्ने नागरिकको खानपानको व्यवस्थापनमा ध्यान दिन र स्थानीयस्तरमा पनि राहत कोष बनाउन प्रमुखहरुलाई आग्रह गरे ।

प्रदेश सरकारले बुटवल, भैरहवा, बाँकेको खजुरा र दाङको बेलझुण्डीमा कोरोना आइसोलेसन अस्पताल निमार्ण गरी उपचारको व्यवस्था गरेको, अब केही दिनमै प्रयोगशाला परीक्षणको लागि काठामाडौं जानुपर्ने बाध्यता हट्ने र प्रयोगशाला रिपोर्ट आउन छिटोछरितो हुने बताए । तीन तहको सरकारबीचको समन्वय र सहकार्यबाट सबैलाई एकताबद्ध गरी महामारीलाई परास्त गर्न ध्यान केन्द्रित रहेको उनले बताए ।