चीनबाट अत्यावश्यक स्वास्थ्य सामाग्री आइपुग्याे

Avatar आदर्श समाज सम्वाददाता
चैत्र १६, २०७६

कोरोना भाइरस सम्बन्धि अत्यावश्यक सामग्रीको पहिलो लट लिएर नेपाल एयरलाइन्सकाे विमान चीनको ग्वान्झाउबाट काठमाडौँ  आइपुगेको छ।

चीनका विभिन्न राज्य तथा संगठनले प्रदान गरेका कोरोना परीक्षण किट, स्वास्थ्यकर्मीहरुले सुरक्षाका लागि लगाउने पोशाक (पीपीई) लगायतका सामग्री लिएर विमान आइतबार बिहान काठमाडाैंमा अवतरण भएको हो ।

ज्याक मा फाउन्डेसन र अलिबाबा फाउन्डेसनले दिएका आपतकालीन सामाग्रीहरू (पीपीई, थर्मोमिटरलगायत सामान) पनि साेही विमान मार्फत ल्याइएकाे छ।

सरकारले ललितपुरमा रहेको ओबीसीआई प्राइभेट लिमिटेड कम्पनीमार्फत सवा एक अर्ब रुपैयाँ बराबरको स्वास्थ्य सामग्री खरिद नेपाल मगाएको हो। सरकार र आयातकर्तासँग भएको सम्झौतामा १ अर्ब २४ करोड बराबरका उक्त सामग्री तीन पटकमा नेपाल ल्याइसकिने उल्लेख छ।

सरकारले पहिलो चरणमा मगाएका सामग्री

श्राेतः कान्तिपुर अनलाइन