पानीकाे समस्याले गर्दा गाउँ नै काेरानाकाे जाेखिममा

Avatar आदर्श समाज सम्वाददाता
चैत्र १५, २०७६
91340145_217488556262812_128433506563915776_n

पोखरा महानगरपालिका २४ कास्कीकोटकाे बोरिङको खानेपानी करिब ५–६ दिनबाट विग्रदा वडा नं २४ का स्थानीयले खानेपानीको जोहो गर्न स्माली चर्तुघाटको पुरानो पँधेरो, रोटे लगायत काली पँधेरोमामा पानी लिन जानु परेको छ।

करिब २०० घरको धारामा खानेपानीको हाहाकार मचिदा सिंगो गाउँ नै त्रसित अवस्थामा परेको छ । स्थानियले पहिलेदेखिनै प्रयोग गरेको खानेपानी पाउदुर मरैचे खानेपानी बिगत ९ महिना देखि कास्की नाडडाँडामा बिग्रिराखेको छ। नयाँ ३ वटा वोरिङको मोटर विग्रिएपछि गाउलेहरु नै खानेपानीको थप समस्या झेल्दै आएका छन्। करिब ३–४ किलोमिटरको दुरी पार गरी आएका एक स्थानीयले भन्छन्। “सरकार भिडभाड नगर्नु भनेपनि जोखिम मोलेर पानी लिन पुरानो पँधेरोमा आएको हो ।”

पुरानो पँधेरोमा पानी लिन जाँदा करिब ५०–६० जना भन्दा बढी पानी लिनको लागी भीड भएको देख्न पाइन्छ। भने विहान र वेलुकाको समयमा त्यो भन्दा पनि बढी मानिसहरु पानि लिन आउने गरेको स्थानीयहरु बताउछन्। भने खानेपानी प्राविधिक चक्र बस्ताकोटी १ घण्टाको पैदल यात्राबाट आफूले पानी ल्याउएको बताएका थिए।

पानी लिन आउँदा स्थानीयहरु न माक्सको प्रयोग हुन्छ न सामाजिक दुरीको नै। लाग्छ कुनै मेला हेर्न आएको जस्तो गरी साना दुधेबालक देखि बृद्ध सम्म नै पानीको लागि गेलिन र गाग्री बोकेर दैनिकी टालीरहेका छन्। यस्तो अवस्थामा स्थानीय सरकारले उचित कदम नउठाउने हो भने यसले ठूलै भय निम्ताउन नसक्ला भन्न सकिन्न।

यस विषयमा वडा नं। २४ का वडाध्यक्ष ओम प्रकाश सुवेदी सँग कुराकानी गर्दा ३ वटा मौला वोरिङ सञ्चालन बाट १७५ घरमा १ घर १ धारा जोडिएको भएतापनि मोटरको पाता विग्रिएर बनाउँदा समेत नबनेको हुँदा पुन मोटरनै बनाउनुपर्ने र मोटर ८० मिटर तल भएको हुँदा समस्या आएको बताएका छन् र लकडाउनको प्रभावले गर्दा दक्ष प्राविधिक र मोटर इक्युपमेन्ट ल्याउनमा समस्या भएको जानकारी गराएका थिए। यस समस्या समाधानको लागि आफू तत्पर लागि परेको र १–२ दिनमा नै पानीको समस्या समाधान गरी प्रत्येक धारामा पानी आउने बताएका छन्।
विभिन्न मितिमा स्वदेश तथा विदेशबाट कास्कीकोटमा आएकाहरुलाई सुरक्षित क्वारेन्टाइलमा नराखिएको हुँदा कास्कीकोटमा थप जोखिम निम्त्याएको भन्दै स्थानीयहरु त्रास व्यक्त गरेका छन्।

Related News

सम्बन्धित समाचार

    • बुधबारदेखि टिकट काउण्टर बन्द

      rss रासस चैत्र ३०, २०७७
      काठमाडौँ । नेपालको राष्ट्रिय बसपार्कका रुपमा रहेको गोँगबुस्थित नयाँ बसपार्कका टिकट काउण्टर आगामी बुधबारदेखि बन्द हुने भएका छन् । बसपार्कका…
    • प्राविधिक शिक्षामा जोड दिन आवश्यकः प्रदेश प्रमुख शेरचन

      Avatar आदर्श समाज सम्वाददाता चैत्र ३०, २०७७
      कावासोती । गण्डकी प्रदेश प्रमुख अमिक शेरचनले देशको समृद्धिको लागि प्राविधिक शिक्षामा जोड दिनुपर्ने बताएका छन् । नवलपरासी (बर्दघाट सुस्तापूर्व)को…
    • ५ सञ्चारकर्मीलाई जनमत सम्मान

      Avatar आदर्श समाज सम्वाददाता चैत्र ३०, २०७७
      लमजुङ । जनमत वाङ्मय प्रतिष्ठानले ३७ औं वार्षिकोत्सवमा पत्रकार नवराज पहाडीसहित ५ सञ्चारकर्मीलाई सम्मान गरेको छ । कार्यक्रममा लमजुङका पहाडी,…
    • दमौली बजार इकाइमा भूपाल

      Avatar आदर्श समाज सम्वाददाता चैत्र ३०, २०७७
      दमौली । तनहुँ उद्योग वाणिज्य संघ दमौली बजार इकाइ समिति सभापतिमा भूपाल आले निर्वाचित भएका छन् । नयाँ नेतृत्वका लागि…
    • आगलागी पीडितलाई मन्त्रीको राहत

      Avatar आदर्श समाज सम्वाददाता चैत्र ३०, २०७७
      पोखरा । पर्वतको पैयुँ गाउँपालिका–६ सरौंखोलास्थित डाँडाकाहुँका आगलागी पीडितलाई राहत वितरण गरिएको छ । गण्डकी प्रदेश उद्योग, पर्यटन, वन तथा…

    hero news full width

    sanil ads

    wordlink ads